๐’๐ฐ๐ž๐๐ž๐ง ๐ณ๐จ๐ง๐  ๐๐€๐“๐Ž ๐œ๐ก๐ฎ๐ง๐ ๐ญ๐ž๐ฅ ๐ฌ๐ข๐ง๐š๐ค ๐š ๐ฌ๐š๐ฐ๐ค ๐ฏ๐ž ๐œ๐š๐ง๐ !

๐’๐ฐ๐ž๐๐ž๐ง ๐ณ๐จ๐ง๐  ๐๐€๐“๐Ž ๐œ๐ก๐ฎ๐ง๐ ๐ญ๐ž๐ฅ ๐ฌ๐ข๐ง๐š๐ค ๐š ๐ฌ๐š๐ฐ๐ค ๐ฏ๐ž ๐œ๐š๐ง๐ !
========
Russia nih Ukraine a tukmi nih Swedish politicians pawl an ruahnak tampi a thlen ve. Swedish parliament ah Party 8 an tthu. Cu hlan ahcun NATO chungtel si a duhmi hi Party 3 long an rak si tawn. Party 3 nih luh an rak duh lo.

Party 2 hi duh pah duh lo pah bantukin an rak um. Nain tutan Russia nih Ukraine a vun tuk taktak tikah Swedish politicians pawl zong an hna ngam kho ve ti lo. NATO chungtel kan luh lo ahcun Ukraine bantuk kan si ve sual lai ti an phang cang.

Cucaah runvennak lei tthawnter hi a thar in party pawl an policy biapi bik pakhat ah a hun si ve cang. Cu runvennak lei tthawnternak caah budget tamdeuh hmang le hriamnam tthawnter long siloin NATO chungtel luhnak kong zong a hun i tel. Cutik ah tuandeuh i NATO chungtel luh a rak duh lomi party pawl zong nih kan luh ah kan him deuh lai tiah an ruahnak an vun thlen.

Hlawttaw ah NATO chungtel luh le luh lo kong zeimawzat an chim ceih hnu in nizan May 17 ah khan luh dingin biachahnak an tuah. Party 8 lak ah party 2 (Green Party le Left Party) hi chungtel luh a duh lomi an si. Nain Party 6 nih luh an duh caah lut dingin biachahnak an tuah khawh cu a si.

Cu an biachah bantuk cun nihin May 18 ah chungtel luhnak ca cu NATO he i pehtleihnak ah Sweden in palai (ambassador) Axel Wernhoff nih NATO an hmunpi umnak Belgien ram i Bryssel khuapi ah a chiah cang. Chungtel ah an cohlan hna le cohlan lo hi thla 4 in thla 10 tiang a rua lai ti a si.

Sweden long siloin Finland zong luhnak ca an chiah ve. Sweden le Finland hi Russia nih NATO chungtel nan luh a si ahcun ka rak in phomh ve hna lai tiah voihnih tiang ralrinnak a pek cang hna. Cunglei i chungtel luh a duh lomi party 2 zong cu, chungtel kan luh ahcun Russia thin kan phawh lai i, kan him deuhnak ah siloin harnak kan tonnak tu a si lehlam lai tiah an ti. Cun Sweden mipi chung zongin minung cheukhat nih chungtel luh an duh lonak cu (No to NATO, No War) timi catar i put in khua cheukhat ah (demonstration) an tuah.

Tucu Sweden he Finland he chungtel luhnak cu an sawk phawt cang i, Russia nih aihrocer bantukin a rak kan phomh taktak lai maw timi tu thin i domh buin cuanh kan hau ko. Nain nizan Putin a bia chimmi tu ahcun tuk ding kong cu a chim lo. โ€˜โ€˜Sweden le Finland NATO chungtel an luhmi nih Russia caah a zei ttihphannak hmanh a kan pe lo. Cu belte cu lehrulhnak caah hi hna pawl an ram vawlei ah Russia hriamnam kan karhter laiโ€™โ€™ tiah a chim.

A chim bantukin Sweden le Finland vawlei ah a ral hriam pawl a vun chiah ahcun an duh ve lai lo i, duh zong duh lo zongah raldohnak cu a chuak te ko lai. Zeidah kan lawh cio te hnga. Caan tu nih kan chim te ko seh. Credit: Salai Biak Tum Lian

Be the first to comment

Leave a Reply

Your email address will not be published.


*