๐—Ÿ๐˜‚๐—ป๐—ด๐—น๐—ฎ๐˜„๐—บ๐—ต๐—ป๐—ฎ๐—ธ ๐—ง๐—ต๐—ฎ๐˜„๐—ป๐—ด๐˜๐—ต๐—ฎ๐—ป๐—ต!

๐—Ÿ๐˜‚๐—ป๐—ด๐—น๐—ฎ๐˜„๐—บ๐—ต๐—ป๐—ฎ๐—ธ ๐—ง๐—ต๐—ฎ๐˜„๐—ป๐—ด๐˜๐—ต๐—ฎ๐—ป๐—ต
========
A tu lio ah kan Miphun chung in harnak phun phun, ei le din, umnak hmunhma a ngei lo mi hna bawmhchanhnak ca ah Ks 1,000,000 a kan bawm tu Cambodia Airways in Pu Andrew Bawi Sang Lian le chungkhar cung ah lunglawmhnak tampi kan ngei. Pathian nih inchungkhar thluachuah chapchin ko hna seh.

Pu Andrew Lian hi Training Manager Cum Aircraft Engineer Supervisor(B1 le B2) IATA TTT Cert holder le Authorized Instructor, Engineering le Maintenance Department, Cambodia Airways. ah rianttuan lio mi a si. Kan Chin mi lak ah zohchunawktlak kan i bochan tuk mi Mino pakhat a si.

A tu lio kan Miphun hawi hna nih harnak fak pi an tuar lio a si ruangah, kan ngeihchun ti le rawl i hrawmh cio hi rian biapi ah i chiah cio ding in Yangon Lai Chiat That Bu nih kan Mipi kan sawm hna. Lunglawmhnak he, Yangon Lai Chiat แนฌhat Bu

A tu lio i harsatnak tam pi he a um mi kan miphun hawi hna caah Pu Andrew Lian le chungkhar nih nan tuah ser mi cungah kan i lawm. Pathian nih thlaw in chuah chin ko hna seh law. Pu Andrew Lian le chungkhar cung ah kan i lawm tuk. Pathian nih na riantuannak le inchungkhar cung ah thluachuah in pe chin ko seh.

Hakha Khua ChungAh Mifir Nih Dawr An Bauh, Kyats Sing 18 Hrawng An Fir! Chin ramkulh, Hakha khua chungah mifir nih dawr khan pahnih an bauh caah tangka kyats sing 18 le phone pahnih an fir, tiah theih a si. Hakha Matupi lam thluan um, Auto zung kam Toe Toe Lay dawr cu September 20 zaan ah mifir nih an bauh i, tangka le phone an fir.

Toe Toe Lay dawr ngeitu nih, โ€œTangka kan khonmi sing 17 hrawng an lak pinah kan pa nih phone a remhmi Huawei phone 1 le a dang phone 1 an fir. Septembet 20 zaan sml 8:00 tiang dawr ah kan um rih. Cun kan chung le inn ah kan va leng i, kan แนญin lei sml 9:00 hrawng tiang hi an bauh rih lo. A thaizing zingka lawngah an bauhmi cu kan hmuh,โ€ tiah The Chin Post ah a chim.

Kan dawr hmai dawrkhan zong September 21 zingka ah innka cu huncia in a rak um. caah an bauh แนญheo lai, nain thilri a tlaumi bel a um lo, tiah a chim chap. Cu แนญhiamแนญhiam in Matupi lam thlam View Point kainak pawng dawr khan 6 aa pehmi chungah Pu Bawi Tling dawr khan cu September 20 zaan แนญhiamแนญhiam ah mifir nih an bauh, tiah theih a si.

Pu Bawi Tling a nupi nih, โ€œSeptember 21 zing sml 6:00 ah kan dawr khan an bauhmi cu kan pa nih a hmuh. MPT phone bill 45,000 man le tangka 30,000 hrawng an fir. Eidin dangdang zong an fir chih khawh men,โ€ tiah The Chin Post ah a chim. September 20 zanแนญim ah kan dawr pawng ummi hna nih pa pahnih cu lam cung an i chawh lio kan hmuh hna an ti i, cu hna cu an si hnga maw ti cu fiang in kan hngal lo, tiah a chim.

Pu Bawi Tling cu a Hakha Matupi lam View Point kainak pawng ah luancia May thla lio ah khan eidin dawr a rak tuahmi a si. SAC nih nawlngeihnak an lak hnu in Chin ram chung ah mi thilri chuh, inn bauh, tangka le cycle firnak atu le atu a chuak lengmang. Nawlngeihnak lak hnu in Hakha khua chung ah mifir an tam chin lengmang caah bia tak tein ralrin kan hau, tiah Hakha ummi pakhat nih The Chin Post ah a chim.

Tonzang Peng Cheuthum Cheuhnih Cu CDF Tonzang Nih An Uk Cang. Chin ramkulh, Tonzang peng cheuthum cheuhnih cu CDF Tonzang nih kan uk cang. Tonzang peng dihlak in uk khawh ding zong kan i zuam cuahmah, tiah Tonzang peng mizapi uk hruainak phu nih an thanh tiah theih a si. A luancia April 23 ah Tonzang peng Lungtat(แ€œแ€ฏแ€ถแ€แ€•แ€บ) khua ah Tonzang-CDF he i bawmin minung 11 in mizapi uk hruainak phu an rak ser i, Tonzang peng ah an cawlcangh hi a si.

โ€œTonzang peng nichuah lei khua cheuthum cheuhnih cu kan uk khawh cang. Khuate hna cu mizapi uk hruainak phu chung in khuabawi hna nih an uk hna. Sianginn zong kan hun i, ca an cawng kho cang. Tonzang peng ah SAC kuttang khuate 16 hi kan uk kho rih lo, cu hna zong uk khawh dingin kan i zuam cuahmah ko,โ€ tiah Tonzang peng mizapi uk hruainak phu hruaitu nih a chim.

CDF Tonzang le mizapi uk hruainak phu i bawm in SAC kuttang rianแนญuantu hna cu atu le atu ralrin kan pek hna caah zung rianแนญuantu cheuthum cheuhnih cu mizapi lei an แนญang cang. SAC kuttang ah rianแนญuantu hna zong a ra laimi November thla thok in dantatnak kan tuah cang hna lai, tiah mizapi uknak nih an thanh.

Mindat 274 battalion nih hriamngan voinga tiang a thlah caah khuami inn an rawk. Chin ramkulh, Mindat 274 battalion in SAC ralkap hna nih nizaan zinglei ah hriamngan duhtawk in an thlah caah khuami inn an rawk tiah theih a si. Nizaan September 21, zaan suimilam 11:00 luan hnu ah SAC ralkap nih hriamngan le hriamhme hmangin pehtlai thluahmah in an kah caah Mindat khuachung Bawatit sang inn khat hriamngan hliamhnak in a rawk tiah theih a si.

Nihin September 22, zinglei suimilam 7:30 hrawngah 274 battalion in Mindat peng chung แนฌaiแนญ-nay (แ€แ€ญแ€ฏแ€€แ€บแ€”แ€šแ€บ) no. 3 lei ah hriamngan voihnih an kah caah khua pakhat ah inn 2 a rawk i khuami hna zong a himnak hmun ah an zaam hna tiah theih a si. Cun, nihin September 22 zinglei suimilam 10:30 ah 274 battalion in แนฌaiแนญ-nay (แ€แ€ญแ€ฏแ€€แ€บแ€”แ€šแ€บ) no. 3 lei ah hriamngan voithum an kahแนญhan tiah theih a si. Credit: The Chin Post

Be the first to comment

Leave a Reply

Your email address will not be published.


*