2022 FIFA Final Ah Buainak A Chuak!

2022 FIFA Final Ah Buainak A Chuak!
=======
2022 FIFA Final Ah Buainak A Chuak: “French” Fans 200,000 Hrawng Nih 2022 World Cup Final Chuih Than Ding In Nawlnak Caa An Tial Cang! Kan theih bantuk in “France” he minute 120 chungah 3-3 in an in tluk hnuah, “Argentina” nih penalty shootout in an tei hna. Argentina nih hin first half ah 2-0 in an tei hna i, teinak ding lam an zawh deuh mu a lo.

A sinain, second half dih lei ah “Kylian Mbappe” nih caan pek than mi ah teinak lam a vun siam ve. A sinain, penalty shootout ah Argentina nih teinak an hmuh ruangah 2022 FIFA World Cup pakhatnak laksawng cu an lak. French fans 200,000 hrawng nih 2022 World Cup final chuih than ding in nawlnak ca an tial i, an lak ah hin minung 100 naak tam an i tal. Si ah cun, 2022 FIFA World Cup final match hi chuih than si hnga maw?

Zeiruang Ah Dah Chuih Than An Duh? Nawlnak ca an tial mi cu hitin a si: “Arbitration/thimmi nih biakhiahnak a zuar hau lo i, Goal 2 naakah penalty+Fault a um hau lo! “Match chuih khawh than sinak lai en masse/an dihlak in-i chinchiah law share than!” ti ah an ti. Zeiruang ah dah France nih hin World Cup Final chuih than an duh ti ah cun, “Argentina” nih referee hi an cawk ti ah an zumh ruangah si.

“Angel Di Maria” cu “Ousmane Dembele” naak in goal hmasa a goal ruangah Angel Di Maria cu penalty pek a sinak hi an zum fawn lo. Cun Argentina nih goal hnihnak an ngeih khawhnak lai “Mbappe” hi fouled pek hram hram si an ti fawn. French fans minung 200,000 nih nawlnak an tuah mi konglam ah hin comment 80,000 renglo siam a si fawn cang. “Hi match” hi chuihter than kan duh i, a ruang cu referee hi Argentina mi le sa a si ruangah French fault caan lawngah whistle tum tu si!” Ti ah pakhat nih cun a tial.

Midang pakhat nih cun, “A hman mi si, kan chuih than lai i kan tei hrim lai” ti ah a chim ve. Micheukhat nih cun chuih than sihmanhsehlaw referee hi thlen silo ah cun Argentina an nih teinak an hmuh hoi ko lai an ti. Midang hna nih cun hi game hi chuih than kan duh ko, a ruang cu i hlennak le thildik lo a um ti ah an lungduhnak an langher ve.

Kum 2022 World Cup Final Hi Chuih Than Si Lai Maw? Biafiang um lo, Final chuih khawh thannak caantha um than ti lai lo. A ruang cu foult le foult lo cu FIFA World Cup hruaitu hna nih an hmuh in an theih dih mi si. Cu ca ah French fans hna i chuih thannak ding nawlnak nan tuah mi hi santlaihnak a ngei ti lo. ti ah FIFA nih ttheihternak an tuah hna.

Turkish Chef Mi-Lar “Nusret Gokce” Salt Bae Ti Ah Vawleipi Nih Theih Mi Cu A Ra Lai Mi 2026 FIFA World Cup Ah Sawm A Si Ti Lai Lo! Salt Bae nih hin FIFA protocol phunlam pakhat a buar. FIFA World Cup Trophy hi teinak hmu mi paoh le ho paoh nih tongh in cawithlir khawhnak nawl pek an si lo. Champion team player le staff pinah, champion team ram uktu lawng nih tonghtham khawh le cawithlir hawh an si.

(A sinain, champion team player hna chungkhar neihniam nih an tonghtham cu hmuh ding um pah tawn, “Paul Pogba” (nu) zong nih a rak tongh bal. FIFA- nih hi bantuk hi a tuh rak siam tawn i, A sinain hi kong cu kan chim lai lo). Salt Bae nih hin final zaanah khan trophy sunglawi tuk mi hi a sacennak kut in a rak tongh ve ti ah theih si.

Salt Bae hi footballer lar hna hawikom a si i, a mah restaurant-ah hin, Maradona (RIP) Marcelo, David Beckham, Paul Pogba, Lewandowski, Lionel Messi, Ronaldo, Neymar, etc. An kal tawn hna. Maradona hi a hlei in thutnak a ngei i, a thih hnu ah a thut tawnnak cu Salt Bae nih ‘reserved’ a tuah piak. Salt Bae nih hin vawlei cung hmun dangdang UAE, Qatar, Saudi, Turkey, England, US, heiti hna ah restaurant a ngei hna. Credit: Lungmili Post