Ka Pa Nih A Ka Ti Tawn. Na Ral Hi Na Pawng Ah A Um Peng. Nangmah He Aa Hla Lo A Ka Ti Tawn

Ka pa nih a ka ti tawn. Na ral hi na pawng ah a um peng. Nangmah he aa hla lo a ka ti tawn. Kei hi hawile kom a tlaihchan bakmi ka si. Ka tlaihchan hna tluk in an ka tlaihchan bal lo. Ka hnu lei in namsawh hi ka tong lengmang.

Ka nunnak he aa pehtlai tiang khi lungthiang tein ka chimh dih hna. Asinain ka hawile bak nih neek nak ah an ka hman, ka kong caihnak ah an hman tawnmi ka hmuh ahkhin kaa fiang tuk. Na hawi nu/pa kha zum thlu ti hna hlah. An zuartu an caih tu an si bik tawn. Hawikom tha timi khi vawlei cung ah an um kho lo.

Credit : Salai Tluang Te

Laknak: Laiholh TlangAu Cabia

Relchap: Joshua Hruaitu ah A Cang

MOSES cu Israel mi hna he Kanaan ram ah luh a duh ve. Cucaah: ‘Jehovah, keimah kha Jordan tiva cu tan in a ṭha mi ram kha ka hmuh ter ve ko,’ tiah a hal. Sihmanhsehlaw Jehovah nih: ‘A za cang! Hi kong cu chim ṭhan ti hlah!’ tiah a leh. Zeicaahdah Jehovah nih cutin a ti nan hngal maw?

Zeicahtiah Moses nih lung a tuk lio i a cang mi thil ruang ah a si. Amah le Aaron nih Jehovah kha an thangṭhat lo ti cu philh hlah u. Lungpi chung in ti a chuahtertu cu Jehovah a si tiah mi hna kha an chim hna lo. Hi ruang ah hin Jehovah nih annih cu Kanaan ram chung ah kan luh ter kho hna lai lo tiah a ti hna.

Cucaah Aaron a thih hnu thla tlawmpal ah, Jehovah nih Moses cu: ‘Joshua kha au law tlangbawi Eleazar le mi hna hmaika ah dir ter tuah. Cuka ah mi zapi hmai ah cun, Joshua cu an hruaitu thar a si ti an zapi in an hngalh dih awk ah chim hna,’ tiah a ti. Moses zong nih Jehovah nih a fial bantuk tein hi hmanthlak i nan hmuh bantuk te hin a tuah.

Cu hnu ah Jehovah nih Joshua cu: ‘Ṭhawng law, ṭih hlah. Nangmah nih Israel mi hna cu ka kamh mi hna Kanaan ram ah na hruai hna lai i na sin ah kan umpi lai,’ tiah a ti.

Khi hnu ah Jehovah nih Moses cu Moab ram chung i Nebo tlang par ah kai awk a fial. Cuka hmun in cun Moses nih Jordan tiva ral lei a zoh i aa dawh mi Kanaan ram cu a hmuh khawh. Jehovah nih: ‘Abraham, Isak le Jakob an tefa pawl pek awk in bia ka kam mi ram cu mah hi a si. Kan hmuh ter cang, sihmanhsehlaw a chung ah cun kan luh ter kho lai lo,’ tiah a ti.

Cuka Nebo tlang par ah cun Moses cu a thi. Amah cu kum 120 a si. Amah cu a ṭhawng rih ko i, a mit zong a ṭha rih ko. Moses a thih caah mi hna cu an ngaih a chia ngaingai i an ṭap. Sihmanhsehlaw an hruaitu thar caah Joshua kha an ngeih caah an i lawm ko.

Be the first to comment

Leave a Reply

Your email address will not be published.


*