AA nih kan Chin ramkulh hriamtlai phu chungin hoikom ah aa serhmi hna hi CNA le CDF lawng an si!

AA nih kan Chin ramkulh hriamtlai phu chungin hoikom ah aa serhmi hna hi CNA le CDF lawng an si!
===========
Rakhine ralkap AA hnen ah a voi (2) nak ralkap training kaitu Maraland Defense Force pawl tluang ten theh suak. Rakhine ralkap hnen ah a voi (2) nak ralkap training a kaitu Maraland Defense Force (MDF) ih mipi ralkap pawl cu tui ni December 6 ni ah tluang ten an training kaimi (Basic Military Training) an theh suak tiah theih a si.

Hi training ah Maraland Defense Force ihsin mipum 150 an kai ih hramthok ralkap training (Basic Military Training) thla 3, ralrelnak map le harhdamnak lam zirnak thla 1 tin thla 4 sung training an kai ih tui ni December 6 ni ah an thehsuak mi a si.

Hi training ah an mah thawn kai tlang mi mipi ralkap ih pek aw an rualpa pakhat cu vansiat tong in thinghnge in a tlakngah ruangah training kai theh man lo in mual a liam tiah MDF ih tuanvo nei pakhat hnen ihsin theih a si.

Maraland Defense Force hin AA hnen ih training an kai ruangah hriamhrei lam khal AA in an bawm ding ti zumnak an nei ih ram le miphun hrang ral thuhmun a si mi SAC ralhrang an do thei thlang ding ti khal an zum thu MDF ih tuanvo nei pakhat cun a sim bet.

A mah cun Training kan theh zo tik ah hriamhrei khal in bawm ding tiah kan zum ih ram le miphun hrang kan ral thuhmun a si mi SAC ralhrang kan do ve thlang ding tik ah AA khal in in do pi dingih kan tul mi hriamhrei pawl khal in bawm ve ding ti ruahsannak kan nei.

Hriamhrei lam in bawm ding a si ahcun CNA hnen khal ah neh hnu lam ah cun kan kai leh ko ding tiah a sim. Maraland Defense Force hi Mara ramsung le Chin ramkulh sung ih um SAC ralhrang do ding ah le Mara mipi ih nunnak, inn le loram pawl humhim in Mara mipi in ramkhelnak le mah te thuthluknak tuahtheinak lam ah an ngah ding awm covo an ngah theinak hrang raldo ding ah Mara mipi lairel tonkhawmnak (conference) ih rak din mi a si. Crd-The Rihli Voice. Note-AA nih kan Chin hriamtlai phu chungin hoikam ah aa serhmi hna hi CNA le CDF lawng an si.

Bukalay peng i CDM a lut mi Palik pakhat cu Mine bomb nih a puah hnawh i a nunnak a liam Ayeyarwaddy ramthen Bukalay peng i Palik CDM a tuah mi Kyaw Lin Aung cu Mine Bomb an thianh nak ah bomb nih a puah hnawh i a nunnak a liam tiah theih a si . A mah hi Kareni sinah CDM a rak tuah i dohthlennak ah a tel beh mi minung pakhat zong a si .

Mawngmakan Palik Sakhan Le Pyusawhtee Sakhan Tukdoh An Si, Dawei peng longlone myonay um, Mawngmakan palik sakhan le Pyusawhtee sakhan cu tukdoh an si nak le ralhrang a thi mi an tamnak kong Dawei Guerrilla Revolutionary Force -DGR nih nihin ah an thanh.

Hi tukdohnak hi Dawei Guerrilla Revolutionary Force – DGR(Dawei pah-kah-phah)၊ TPDF၊ Dawei Dafence Team- DDT tatkhuai(3)၊ Special Comando phu ၊ Dawei Dragon PDF B-1 i bawm in an tuah mi a si.

Intai Khua Cu SAC Meikhangh Nak Tuar In Hnarcheu A Ciam, Sagaing ram then,Kyunhlah peng Intai khua cu SAC nih mei in an khangh caah hnarcheutluk a ciamdih tiah Kanbalu a cawlcanglio mi phu nih an thanh.

Dec-6 ni zing ah SAC kee ralkap (B-361)le pyusawhtee fonh in (200) hrawng a si mi ralhrang rual nih Intai khuachung cu hriamngan kah pah in an luhhnawh hna hnu ah chun hnu Sml 3 hnu in meikhangh nak an tuah tiah theih a si. Indai khua hi inn (270) a um mi khua a si i,inn (143) a ciam tiah vawlei lei thawng thanh nak in theih a si.

SAC ralsernak ruang ah cu ka khuami le a pawngkam khua mi thongreng lo ral an zam i ,Hi ralser mi SAC rual hi nihin zing Sml 8:00 ah khua cu chuah tak in Taphanseih Sinsuai sakhan an phan tiah theih a si. SAC nih khua chung ah mine an hmanh tak hna caah khua mi cu kirthiam rih lo in ramtang ah tlam i ser in an um ko hna tiah theih chih a si.

Hpapun Peng SAC Sakhan (3) Voi Khat Ah Tukdoh An Si Ralhrang A Thi Mi An Tam , Kayin ramkulh,Hpapun peng chung um SAC tatsakhan pathum chu voi khat te ah KNLA le FFD Drone ralkap phu hna nih an tukdoh hna i ralhrang tam ngai an thi tiah KNU/KNLA thawnglak nak in theih a si tiah khitthit nih a tar langh .

Dec -6 ni zing Sml 5:00 ah Kayin ram Hpapun peng chung um SAC tatsakhan (3) a si mi Letoo / Ngiatakhukyo le Khawpoh sakhan hna cu KNU/KNLA B-5 le an tantii phu hna nih kalhnawh in an tukdoh hna tiah theih a si.

Nizan zing Sml 6:00 ah Ngiatakhukyo sakhan cu fim a si i ralhrang a thi mi an tam hriamthil zong fimtawl chih a si mizapi ralkap lei (2) nih ramle miphun caah an nun nak an pek than tiah KNU he ai naihniam mi thawnglak nak nih an fehter tiah theib cu a si. SAC i Letoo sakhan le Khawpoh sakhan zong cu tukdoh chih an si i hi tukdohnak ah KNU/KNLA hna he tiah FFD Drone phu cu biatak te in an tang tiah theih a si.

South Korea zukcawl Zoh Ruangah North Korea Nih Ngakchia Pahnih Mipi Hmai Ah An Thah Hna, South Korea zukcawl an zoh ruang le an zuar ruangah ngakchia pahnih cu North Korea cozah nih mipi hmai ah a thah hna tiah MyanmaPlatform nih a langhter.

Thah a tongmi hngakchia pahnih cu kum 16 le 17 hrawng an si i an pahnih in a luancia Tho(October) thla ah Taluk ramri Hyesan khua vanlawng ground pakhat ah mipi hna hmai ah meithal in an khah hna hi a si. North Korea nih hin ramdang zukcawl zoh a kham i South Korea zukcawl pakhat khat a zuar a si ahcun ngakchia kumtling lo an si zong ah thah khawh an si tiah theih a si.

Thihdaan Pekmi Hein Htet A Pa Aan!, Thihdaan pekmi ah aa tel ve mi Hein Htet i a pa nih, ”tampi hal kaa tim lo, hi thihdaan in a luat ah cun kaa lungsak ko lai. Kum saupi a va si zong ah i hnemh khawh deuh a si, ruahchannak zong a um deuh. Thihdaan pi hi cu ruahchannak a dong ko,” tiah RFA nih bia an halnak ah a chim.

Hi dantatnak hi a tlari (fair) lo tiah a chim chap. Yangon, North Dogon um Kaba Yatana Bank manager ralbawi hlun Saw Moe Win nan thah timi sualpuhnak in November 30 lio ah SAC ralhrang nih thihdaan pek ding in bia khiah piakmi siangngakchia minung 7 lak ah Hein Htet hi aa tel ve. Hein Htet hi North Dagon University in degree a laak hnu in Korea ram i rianṭuan ding ah camipuai a awng cangmi a si.

Moesu (မိုဆိုရွာ) Khua Ah Mipi A Bupi In A That-tu SAC Ralhrang Hna Kan Tlaih Hna Tiah KNDF Nih Thanh, Karen ramkulh, Moesu khua ah December 24, 2021 i mipi a bu in a rak that-tu ah aa tel ve mi ralhrang တပ်မ (၆၆) tang um khah-ma-yah (108) chung in minung 4 cu Karenni mipi veengtu KNDF nih kan tlaih hna tiah thawng an thanh.

Hi ralhrang kut tang minung 4 hna cu bia an hal hna tik ah Moesu khua i mipi thah nawnnak ah hin တပ်မ (၆၆) kut-tang um khah-ma-yah (108) in an i telnak kong an phuan tiah theih a si. Hi thahnawnnak hi a luan cia kum December 24 lio ah Karen ramkulh, Moesu khua ah a cangmi a rak si i mipi 35 nak tlawm lo mei in an rak khangh hna.