American Nih Hriamnam An Kan Bawmh Lo Hi Aruang Aum Ko Lai!

American Nih Hriamnam An Kan Bawmh Lo Hi Aruang Aum Ko Lai!
=======
American nih Ral an kan doh pi lai, hriamnam le phaisa an kan bawmh lai tiah Mipi nih rak i ruahchan ngai asi. NUG le Dr te zong nih biakam mi kan si. USA, UN R2P an ra lai tiah an kan ti tawn, mipi nih kan zumh tuk ve hna.

US Ralkap nih Drone in an ra lai i, MAH le Rallokap Bawizik rual cu an hung tlaih hna lai i an i kal pi lai ti tiang in a tir ahcun rak i ruah cio asi. NUG Dr pa zong nih biakam kan si. Karen le Chin ah a ra mi Ramdang Media sinah American bawmhnak kan i ruahchan ngai tiah GZ kan Ralkap hna nih an ti hna. Cu Media rual nih USA le Vawleipi hngalh in an phuan. Kawl mipi nih USA bawmh an duh tiah annih Vawleipi kha an chim.

Kum hnih chung Ralhrang kan doh tikah, Cu vialte ruahchan nak cu NDAA ah aa thlen. Hriamnam asilomi Fimthiamnak in bawmh ding ti tu asi. American nih hriamnam an kan bawmh lo mi hi a ruang a um ko lai. Tehte caah Syria hi an si. American nih Syria an bawmh ning zoh tuah usih.

Syria Civil war hi USA nih ral an doh pi hna. Hriamnam le phaisa tampi an bawmh hna. SDF timi Kurd miphun nih hruaimi cu American nih an bawmh mi hna cu an si. An ralkap ah Jihad timi Ralhrang le Fascist lei ah aa merh mi an tam. Policy le an cangvai nak nih Jihad le Ralhrang bantuk an si caah, USA nih an bawmh ti hna lo. Ral an doh pi ti hna lo. Hriamnam an bawmh ti hna lo. NDAA lawng in a bawmh ve hna.

Syria le Iraq ah a um mi ISIS dohnak caah 2023 NDAA nih $ 502.9 million an bawmh hna. Syria caah 2023 NDAA cu $ 165.3 million asi. Pau Dohthlennak ah Mah le cangai khur cio cawh asi. EAOs le NUG pumkhat an si khawh lo. Alliance timi Mahameih lawng an si. NUG le NLD aa then bak. NLD ah MAH minung le Pi Suu minung tiah phun hnih um asi. EAO ah MAH hawikom le NUG hawikom an um MAH Hawikom EAO an tam deuh.

Chinram GZ hriamtlai ah CNA kuttang a um duh lo mi kan tampi. NUG EAO a sit cu CNA pakhat te lawng hi asi. ZRA cu MAH BGF an si. MDF, CNDF le CDF Mindat nih CNF Kuttang ah um an duh lo. Cucu USA CIA nih an hngalh cikcek. Cucaah USA nih Hriamnam an kan bawmh ve lo hi asi ko.

Cucaah American nih hriam nam an kan bawmh ti lo. American nih hriamnam bawmh ahcun Ramdang ram 40 leng nih an kan bawmh ve lai timi hi aa palh khawh lo mi Formula le Theory cu asi. NDAA 2023 in USA nih an kan hnem.

American nih hriamnam an kan bawmh lo mi cu nang le kei kan lungrual lo caah asi. EAO le NUG karlak, EAO le NLD karlak, NLD le NUG karlak, Kawl te PDF ERO le NUG karlak ah i hmuh thiam lonak le pumkhat si khawh lo ruang ah asi. Chin le CNF ah pumkhat asilomi cu USA chimh lo, zeiram hmanh bawmhtu kan ngeih khe laa!

USA nih MAH kan tei lai tiah an kan zumh lo caah MAH le Pi Su tawn ter uh, Democracy ah kal uh, Nuhrin covo zalen ter uh, ti hi Pua Dohthlennak ah USA policy asi. NUG le raldoh lio mi hna cu USA nih an kan zumh lo. Pi Su lawng hi USA nih an zumh. Pi Suu le MAH tawn hlan ah EAO le MAH tawn ter kha USA Policy asi lo. Cucaah Pi Suu nih Hriamnam dohnak hi a duh lo ahcun adih (American Policy ningin tibia – Federal Khelhtu Phuntunghna caah ka ti lo).

NDAA Ruangah MAH Te SAC Nak In Tuluk An Buai Deuh Cang. Pu Biden nih NDAA cu Senthuhnak in Upadi ah a siam tikah, MAH Apu Xi Jinping a puakkek. NDAA ah NUG CDF PDF Bawmhnak cu USD 400 million lawng asi. Ukraine caah USD 45 billion, Taiwan caah USD 10 billion asi. Nihin 28 December 2022 ah Tuluk nih Taiwan cu Drone le Jet Fighters 71 le tilawng 7 in Suimilam 24 chung an helh ko. American le a hawi le kha nan ngamh maw a ti hna ka ti ko lai.

Taiwan nih Ralkap Ṭuanlo khawh lo mumal cu thla 4 in kum 1 ah an karh ve. 2027 hlan ah Tuluk nih Taiwan lak a duh tiah CIA nih an ti. NDAA um USA Ralkap lei hmanrua phaisa cu USD 830 billion asi. Tuluk cu USD 290 Billion asi. PDF Hriamnam 499 le kuan 500 leng kan tlaih tiah Rallokap Lobby le Dalaan rual nih social media an tial. An zoh tikah Tuluk siam lawng te an si. Mingaladon Rallokap Vanlawng kahnak 107MM zong Tuluk siam asi. PDF le EAOs hriam tambik cu Tuluk siam le UWSA siam asi ti cu MAH nih a hngalh ko nain, a holh ngam bak lo.

KIA cu PDF tindan na pek hna, Hriam na bawmh hna tiah Anangpa cu Ralhrang nih vanlawng 3 bak in an kah ko. 100 leng nunnak a liam i 100 deng hma an pu. TNLA ralbawi cheukhat an tlai hna caah TNLA Sakhan le HQ cu an theih. Tuluk hriam an hman ti kha an hngalh ko buin MAH nih TNLA cu a tuk hna. Vanlawng 7- 8 in ni 9 chung voi 30 leng an kah hna nain TNLA tu nih an thah dih ngawt hna.

Uirual 100 an thi a ti na, 200 an thi a ti na, an thih dih a ti na an si. An thih dih ahcun 600 – 700 an thi lai. An nung in an tlaih mi Uico hi 50 leng an si. An tlaih lomi cu TNLA nih an kulh dih hna. Tirawl loin thah an timh hna. MAH nih TNLA kan tuk hna lo, PDF an um an ti caah asi tiah TNLA cu a biak hna. Uico Lobby le Dalaan nih thawng an pek mi aa palh caah asi. Sakai an tuk lio ah Piosawṭhi le Phungki hna nih thawng pek an i palh caah Uico nih anmah le mah cu Vanlawng in voi 2 khel te an i kah sual caah 100 leng an thi. Uico a thih mi Ruak cu Motor in a thli tein an thial hna.

PDF LDF Hriamnam kan tlaih an ti mi hi an lih si ko lai. PDF LDF CDF le mipi an thachia sehlaw ngawl hna seh, 2023 thimhnak tuah usih, Keimah MAH nih Tamada sining, ka thih hlan lo uk hna ning an ti nak asi ko. PDF kut in an tlaih mi asi ahcun an khua cu vutcam asi cang lai. An Unau le chungkhat sahlawh vialte an tlaih cang hna lai, an thah cang hna lai, Tazacuai an si lai, an inn an khar lai. Cu bantuk thil pelte hmanh a um lo caah Uirual, Dalaan le SPY hna an lih asi ko.

Russia siam IT Chan vanlawng thabik in an kan kah zong ah an kan tei ti lo caah Dalaan le SPY in lungkhat lonak le remh lonak lungdongh nak ti in an kan tukforh cang lai. I ralrin cio usih.
NUG nih Non CDMers cu SPY si awk le Thawng pek awk ah laksawng tampi he bia an kam hna. Namte, Vainam le hriamnam cu kan hawi zong asi i kan ral zong asi. I ralrin ko usih. Non CDMers kha nan dik ko tbk asi i, CDMers an hmaikhah asi ve bak loh. Thih lo nung loin kan chiah hna.

A can lo pi ah ASEAN lakhruak meeting cu Tuluk ruahnak peknak in Thai PM Prayut nih a au hna. Tuluk le MAH hawikom Thai, Laos, Cambodia, Vietnam lawng an kai. ASEAN Consensus 5 pin lei ah Kawlram he pehtlaih in biaruahnak an ngeih. SAC lei Ramdang Vuanci Wanna Mg Lwin le upa 2 an kai ve. UN ah SAC le NUG cozah si I zuamcawhnak Legitimacy Strikes ah MAH te cu mipi cozah an si ko a ti ding mi ASEAN ram 4 cu hi hna hi an si. Tuluk hawikom ram le Russia hawikom ram hna nih SAC cu mipi cozah tiah an pom mi asi.

NDAA UNSC singkhaw ding ah Tuluk nih ASEAN cu phu 2 ah a cheu cang. Philippines, Singapore, Indonesia hi Mipi kan hawi an si. Brunei le Malaysia hi neutral in an um te lai. ASEAN Consensus point 5 dotla lo asi I hma a kal khawh lo mi cu Tuluk le USA hawikom tiah an um caah asi ko. Credit: Joseph R Thang

Be the first to comment

Leave a Reply

Your email address will not be published.


*