An Tial Hlei Bal Lo Le Kan Duh Na Loin Kai Hne! Kap Tam Deuh In Zoh Ah A Tha Lai!

An Tial Hlei Bal Lo Le Kan Duh Na Loin Kai Hne! Kap Tam Deuh In Zoh Ah A Tha Lai!
========
Kan duhnak a faktuk ti ka hei theih ko buah. Hmaisuang ah a dirmi Chin Ralkap hna nih dohthlennak tangpar pahlek kan dir lioah hi luklak hi ibuaipi tuk lo ah a ṭha lai: CDF aluh duh lo mi nih “CDF valpa” timi hla an sak mi kong.

CDF valpa ti hla a sakho tuding ah adang tein thim mi minung an um maw? Hla hi a duhmi nih sak ding, ngaih dingah phuah a si tawn lo maw? Mi pakhat nih a nuamnak, a din ei nak hmanthlak Facebook ah aa tarmi kong. Amah duh tein a cawl dapmap ko mi kan hei ti khawh hna ning. Dalan si hna sehlaw cu bang. An ngeihchiatnak, zan an ihnak, meh an ngeih lonak, an tuar nak rumro post hna seh ti kan duh ko rua.

Hngalhchih kan hau; Pumpak duh thimnak, zalawnnak an ngeihmi kha heh tiah hramhram in tlaihhrem ding an si lo. MAH hlan uknak a dohtu kan si philh lo a hau. Nihin kan ram nih a tonmi cu; sifahnak a si. Sifak lak zongah sifak deuh an um, sifak chinchin an um, an idang cio.

Mi raltha an um, mi ralchia an um, ralchia chinchin an tampi. Ram caah lungthin a pe mi an um, a pe lo mi an um, a pe lo chinchin an um ve. Khua kong a buaipi khim mi an um, tlang kong a buaipi mi zong an um, peng kong a buaipi zong an um, mah le holh hoih in a buaipi mi zong an um i Chinism a buaipi mi zong um a si.

Asen kan um lai, arang kan um lai, vandum muici zong kan um lai. Kan idannak tlawmpal te hi kan dohthlennak caah dawntu a si lo ding a biapi tuk.

Zohsawh lo dingtu cu; Ralhrang 266 he a thil in tonnak a ngei lengmangtu Rev. Dr. pawl. Thantlang ah SAC nih CDF umnak an det tuk cang hna caah khuavengtu hi a tlangtlang in ithiah awk a rem ti loh. Hriamnam tamdeuh he fuh i kilven a hau cang. Kap tampi n kan zoh le kar kan hlani]k8 a biapi tuk. Cuve rualrual in kan thazaang kan fun ding hi a muru a si ko. Credit: Tha Cungbik Lungum

Hakha Ah Ralhrang Nih CDF Tiah An Tlaihmi Nu Van Lawmh Par Hi Kan Ralkap A Si Lo Tiah Fian Ter Nak A Tuah. Nihin Hakha ah Ralhrang Nih CDF Tiah An Tlaih Mi Nu Van Lawmh Par (Dawn khuami) Hi Kan Ralkap A Si Lo: Nihin 11 June 2022 ah Hakha khua ralhrang check gate ah a phone chung ah ralkap uniform hmuh ruangah an tlaih mi Nu Van Lawmh Par hi CDF-TT, Battalion-4 kan ralkap a si lo. Ralkap training zong a kai lo i, kan ralkap member zong a si lo tiah Battalion nih kan fehter.

Nu Van Lawmh Par hi Dawn khuami Pu Thang Kung le Pi Rem Thluai hna i an fanu a si. A hawi le CDF ralkap uniform i hlan in hman ai thlak sawhsawh mi a si tiah Battalion nih kan fehter. Nu Van Lawmh Par cu kan Zahnak Area chung ah civillian pakhat sinak in a um mi mipi lakah mi pakhat a si. Khoika hmun hmanh ah ralkap sinak a ngei lo i, CDF/CNA a si lo.

Zahnak Area chung ah a um mi khualleng chuak mipi hna si hna seh, ralhrang check gate a pal ding mi si hna seh; kan ralkap a si lomi mipi sawhsawh nih CDF kan uniform i hruk le hmanthlak ah chiah, phone chung ah khumh, social media ah langhter lo ding in ralrinnak kan in pek hna. Ral lio a si ca ah pumpak himnak ca ah ralthuam cu mipi sawhsawh nih himnak ca ah i hrukaih lo ding ah thawng kan in thanh hna. Salai Tial Hram Ling Chairman PATZA, CDF-TT, Battalion-4.

Ramdang kal aa timmi Mai Van Lawm Par (Kum 19) Hakha ah SAC ralhrang nih an tlaih. 2022 June 10 chun Hakha in Yangon lei panh in a kalmi motor cu Hakha-Gangaw lam gate ah an check i Mai Vanlawmpar cu a phone chung ah ralkap uniform he hman aa thlaknak an hmuh ca ah an tlaih tiah thawng theih a si.

Mai Van Lawm Par hi Thantlang Peng, Zahnak Tlang Dawn khua mi a si i nulepa, unau hna he khua a sa mi a si tiah kan theih. Hi kong he pehtlai in Dawn khua upa pakhat nih, “Kan fanu te hi tanghra a dih rih lomi a si. Amah hi ramdang lei ah kal aa tim mi a si i a phone ah hmanthlak an hmuh ca ah atu bantuk in an tlaih mi a si. A nu hi kum 40 upa a si i nizaan nai te ahkhan nau an nei. Ramdang kal aa timmi a si,” tiah CCN ah a chim.

Mai Van Lawm Par (kum 19) hi Dawn khua in ramdang kal aa tim i zarhkhat a tlin hlan ah atu bantuk in an tlaih hi a si. Cun, CDF na si, naa pehtlai ti ruang ah tlaih a tongmi kum 19 tang nu hi minung 6 hrawng Palek sakhan thonginn ah an hren hna tiah kan theih.

Hakha Ah Mai Van Lawm Par SAC Ralkap Nih An Tlaih. Chin ramkulh, Hakha ah nihin June 11 zing sml 11:00 hrawng ah Hakha in Gawgaw lei kalnak chek gate ah Hakha Mann motor cu SAC ralkap nih an chek. Thantlang peng Dawn khuami Van Lawm Par a phone ah uniform he aa thlakmi hmanthlak an hmuh caah, CDF he pehtlaihnak na ngei an ti i an tlaih, tiah ralkap kuttang thawng ṭialtu FiftyTwo News nih a langhter.

Hi kong hi The Chin Post nih hlathlainak kan tuah tikah Van Lawm Par cu Thantlang peng Dawn khuami a si ko, tiah kan fehter.

Be the first to comment

Leave a Reply

Your email address will not be published.


*