Arakan Liberation Party (ALP) Vice Chairman Le SAC Chairman Tonnak An Ngei!

Arakan Liberation Party (ALP) Vice Chairman Le SAC Chairman Tonnak An Ngei!
========
Arakan Liberation Party (ALP) Vice Chairman Le SAC Chairman Tonnak An Ngei!: Arakan Liberation Party(ALP) vice chairman Daw Saw Mya Ya Zar Lyin hruaimi palai hna le SAC ralkap hruaitu Min Aung Hlaing cu nihin June 13, zinglei ah Naypyidaw ah tonnak an ngei, tiah theih a si.

Arakan Liberation Party (ALP) cu ram pumpi kahdohnak ngol duh in Nationwide Ceasefire Agreement(NCA) ah min a thumi an si i, SAC ralkap nih sawmmi ramdaihnak ding ca biaruah sawmnak ah aa telmi tlangcung hriamtlai phu pakhat zong an si.

“SAC remdaihnak ah mih a thu mi ALP cu Rakhine ramkulh le Rakhine miphun aiawhtu an si lo caah kan duhlonak kan langhter” tiah Rakhine mino phu 20 leng nih a luancia thla chung ahkhan cathanh an rak chuah.

Arakan Liberation Party nih hriamtlai phu an ngeih mi Rakhine State Liberation Army cu India, Bangladash, Myanmar ramri hna lengah Thailand-Myanmar ramri zong ah cawlcanghnak a rak tuahmi hriamtlai phu an si i, Rakhine ram caah hriam i tlaih in cawlcanghnak an tuahnak kum 50 tluk hrawng a si cang.

A bik in Palatwah le Kyaukṭaw(ကျောက်တော်) he a hlatlonak hmunram ah cawlcanghnak an tuah. ALP cu 1970 lio Thailand-Myanmar ramri, Karen hmunram pakhat, Kawmura (ကော်မူးရာ) ah U Khine Moe Lin nih a rak dirhmi party a si.

Yezakyo Peng, PaKhang Kyi Palik Sakhan In SAC Ralkap Pakhat G3 Meithal He CDM A Tuah. Magwe ramthen, Yezakyo peng, Pahang Kyi ( ပခန်းကြီး)in SAC ralkap pakhat G3 meithal 1, kuan bawm 2, kuan 100 he mizapi vengtu ralkap phu a si mi Young Force ( UG) sin ah CDM a tuah.

CDM a tuah mi ralkap cu SAC ralkap kuttang ah riantuan ka duh ti lo i mipi he hmunkhat ah ka fonhnak a si tiah a chim tiin Young Force ( UG) nih cathanh an chuah. Cu ralkap cu tlunkal man phaisa Sang 1 kan pek lai i a himnak hmun ah kan chiah lai tiin Young Force ( UG) sin in an langhter.

Yezakyo peng chung um Pahang Kyi(ပခန်းငယ်) sakhan le Pahang Nge( ပခန်းငယ်) sakhan hna cu mizapi vengtu ralkap phu nih tu le tu te kan kah lengmang hna tiah an langhter.

Dawei Ah SAC Ralkap Mawtaw Rual Voi3 Kahdoh An Tong. Tanintharyi ramthen, Dawei ( ထားဝယ်)peng , Dawei – HtiKhi (ထီးခီး)lam ah June 12 ah SAC ralkap mawtaw rualcu voi 3 kahdoh an tong i SAC ralkap 20 hrawng an thi kho tiah theih a si.

KyaukMe Taung( ကျောက်မဲတောင်) palik sakhan in Dawei (ထားဝယ်)lei ah a ra mi SAC ralkap thazaang 100 leng an i cit mi mawtaw rual cu PDF hna nih WaKone(ဝကုန်း) pawngah voikhat, ThinKanTone(သင်္ကန်တုန်း)khua pawngah voikhat, Tayat Nguk (သရက်ငုတ်)khua pawng ah voikhat tiin a zapi fonh voi 3 an kah hnam.

“An rak ra ti thawng kan theih bak ah Tualchung PDF hna nih lam ah an bawh hna i an kah hna . Bomb hmang i an kah hna pin” tiah PDF phu hna he a neihniam mi pakhat nih a chim. WarKone ( ဝကုန်း) khua pawng kahdohnak ah cun SAC ralkap 5 an thi i 2 hliam an tuar tiah mizapi vengtu ralkap phu pakhat a si mi Eastern Defence nih cathanh an chuah. ThinKaanTone(သကင်္န်းတုန်း) le Tayet Nguk( သရက်ငုတ်)khua pawngkam hna kahdohnak ah cun SAC ralkap 15 hrawng an thi kho tiah a chim.

Mandalay – BaMaw Beuhar Lam Ah SAC Duh- Ye – Uk Pakhat An Tlaih. HtiCheih (ထီးချိုင့်)peng, Mandalay- BaMaw(ဗန်းမော်) lampi hmun pakhat ah SAC kuttang Duh- Ye- Uk pakhat cu kan tleih tiah Eagles Army – HPDF nih nihin June 13 ah cathanh an chuah. Tlaih a tong mi palik Duh- Ye- Uk Than Win Aung (Personal number/ 196433) cu June 11 ah kan tlaih mi si tiah an langhter.

” Mandalay – BaMaw lampi cung ah hmunhma zohfel nak an tuah peng. Thawng kan theih in SAC ralkap hna cu kan bawh i kan tlaih hna. Tu kan tlaih mi zong hi thawng kan theih cia caah kan bawh i kan tlaih mi a si” tiah Eagles Army – HPDF in tuanvo ngeitu pakhat nih a chim.

Duh – Ye – Uk Than Win Aung cu Mandalay ramthen, Singaing( စဥ့်ကိုင်း) peng ,Police battalion 14 in a si i a herh mi checknak biahalnak tuah dih hnu in NUG Cozah Ministry of Defense nih a timh mi ning in mipi sin ah pehtlaih in kan ap lai tiah a chim chap. June 10 zong ah HtiCheih peng Mandalay – Bamaw lampi hmun pakhat ah Brigade 5 khuttang khah- Lah- Yah 83 in SAC ralkap 2 cu Eagles Army – HPDF phu nih an tlaih hna i Pyithu Yinkhun ah kan kuat hna tiah an langhter. Credit: The Chin Post

Be the first to comment

Leave a Reply

Your email address will not be published.


*