Aung Lah Sang Ai Phomh Than Cang Lai

Khah! Zoh Tlolh Sual Lai U Ci, Tlawmpal Ah Aung La Nsang Aa Thua Than Cang Lai Hi.

Caankhat lio ah ONE Championship ah Ligh-heavyweight le Middleweight champion taisawm a kemhtu Aung La Nsang cu a ra laimi February 25 ni ah aa phomh than cang lai. Aung La Nsang cu caan saupi Champion taisawm pahnih a rak kemh ko nain Undefeated Fighter tiah theihmi De Ridder nih a champion taisawm pahnih ning in chuh dih kho ko.

Cu hnu cun nihin Aung La Nsang nih Champion taisawm a tlai than kho rih lo. Tu thla February 25 ni cu aa phomh than canglai i, tutan puai cu taisawm chuh puai a si lai lo. Tutan Aung La Nsang he aa thua dingmi pa cu Russian MMA fighter Vitaly Bigdash a si than lai. Aung La Nsang le Vitaly Bigdash hi voi 2 an rak i phomh bal cang i,

A voi 3nak kha nikum 2021, April 21 ni ah rak i phomh ding an si nain Vitaly Bigdash kha a dam lo ruangah rak cancel than a si. An voikhatnak an rak i phomh hi 2017 kum, January 14 ni ah a si i, Vitaly Bigdash nih a rak tei. Mah lio hi Vitaly Bagdash in Middleweight Campion taisawm a rak i tlaih lio a si.

Cun Aung La Nsang nih a singkhaw than i 2017 kum chung thiamthiam, June 17 ni ah an rak i phomh than. Cu ahcun Aung La Nsang nih a rak tei i, ONE championship ah a sunglawi bikm Middleweight Champion taisawm cu a rak chuh khawh. Cu ti cun Aung La kut ah Middleweight champion taisawm cu Aung La Nsang nih sau nawn a rak ven kho.

Nain a taisawm pi cu Reinier De Ridder nih a rak chuh khawh. Tutan Aung La Nsang he aa phomh dingmi Russian MMA fighter Vitaly Bigdash hi Aung La Nsang nih a Middleweight Champion taisawm a chuhmi bak a si tikah, a cenat lo ngaimi lo. Voi 2 tiang an rak i phomh cang nain a tu ah i phomh than ding a simi hi Bigdash nih hin singkhawh sehlaw aa dawh.

Hi hna pahnih hi ONE Championship tawlreltu hna zong nih an phomhter duh ngai ve caah atu bantukin a voi 3nak tiang an phomhter an timhmi a si i, an puai zoh lai ngaih a um ko. A ni cu February 25 ni a fiang cang i a caan tu theih a si rih lo. An tuah tawn bantukin a si te ko lai i zoh tlolh lo ding i zuam cio uhsih.

Tu tan cu Aung La Nsang zong nih 2022 kum cu the best year ka si ter lai tiah nai January 17 ni ah a facebook in a thanh rih i, tutan aa phomh cu zei a lawh te hnga, zoh rih ko hna u sih law, thazaang pe than hna u sih.

 

Be the first to comment

Leave a Reply

Your email address will not be published.


*