Beaking News: CDF-Mindat hriamtlai phu nih Ralhrang 5 an thah hna hlei ah

Beaking News: CDF-Mindat hriamtlai phu nih Ralhrang 5 an thah hna hlei ah
==========
Nihin zanlei suimilam 3:30pm thawk in Ralhrang phu le CDF-Mindat karlak ah kahdohnak fak ngai in a chuak than i, suimilam 5:31 tiang a rau, tiah thawngpang theih a si.

Hi kong he pehtlai in ralhrang lei in minung 5 an thi i, ralhrang tam ngai hliamhma an tuar, tiah thawngpang theih a si. CDF-Mindat hriamtlai phu pawl cu himtein hnulei ah an kir khawh tiin CDF-Mindat commender pa nih thawng a pek hna ningin theih a si.

Tuzan hi ralhrang phu pawl cu meng tung 45 ah an riak khawh men, tiah theih a si. Thaizing ah kahdohnak a fak chinchin komi a si, tiah CDF-Mindat ralkap caah thlacamnak in bawmh cio hna usih.

CNA ralkap le Council ralhraang an i kah hnu ah ralhraang nih Ramthlo khua inn 10 an khangh! 2022 May 4 zinglei sang ah Falam Peng, Ramthlo le Dokthek khua kar ah CNA ralkap le council ralhrang karlak ah kahdohnak a chuah hnu zaanlei suimilaam 1:30 tluk ah ralhraang nih Ramthlo khua inn 10 ciam dihlak in an khangh tiah thawng kan theih.

Ramthlo mino upa pakhat nih, “Inn a kaang mi hi dum i dawr an tuahnak inn he telh in a dihlak ah inn 10 a si. Atu an khanghnak hi Hakha lei in rak luhnak motor lamkam inn pawl an si,” tiah THP ah a chim. Tu chun kahdohnak ah CNA ralkap lei hliamtuar le nunnak liam mi an um lo. SAC ralhrang lei a thi mi an tam tiah theih a si nain zeizat set an thi ti mi kan thei kho rih lo.

Ramthlo khua Inn 7 duah/khaangtu ralhrang rual cu, Tlangzar khua panhin an kal lio si i, tuzaan cu Tlangzar khuaah an riah an zumh. Ramthlo khua lonhka te ah sml 1 tluk an i kah hnuah Tlangzar lei panh in an kal lio tiah theih si.

Ramthlo khua inn ralhrang nih an khanghmi Inn 7 a fiang, Dumhau Inn 2 he tiah Inn 9 a si. Ralhrang rual cu Ramthlo khuachungah an um ko rih tiah an ti. Ramthlo Innlo khangh piak tongmi hna, kan tuarpi tuk hna e,Bawipa nih in hnem ko hna sehlaw.

SAC Ralkap Nih Ramthlo Khua Inn 9 An Khangh; Chin ramkulh, Falam peng Ramthlo khua cu SAC ralkap nih Nihin, May 4 ah inn 9 an khangh tiah theih asi. Nihin, May 4 zing ah Ramthlo le Doktthek kar ah SAC ralkap le Chin ralkap karlak kahdohnak zong a chuak tiah theih asi nain, thi le hliam kong hngalh a si rih lo.

May 2 ah Hakha in Falam lei a kalmi SAC ralkap hna cu nizaan May 3 ah Chin ralkap hna nih Chuncung le Doktthek kar ah an kah hna i SAC ralkap 13 hrawng an thi. Mipi le kan ralkap hna nan tha chia hrimh uh. Pathian thawngin nicheu dawh chu bawipa nih akan phanter hrimhrim lai. Credit: The Hakha Post, The Chin Post, Salai William HC

Be the first to comment

Leave a Reply

Your email address will not be published.


*