Bia Khiahnak Fek. .

Bia Khiahnak Fek
——————
Ranavalona I, saingpahrang nu hi Africa nichuah chaklei “Kingdom of Madagascar” timi ah uktu a rak si. Khrihfa a hua ngaingai i, zumtu minung 16,000 cu hmunkhat ah taza a cuai hna i, “an sual” ti a si. Zeicatiah nan i leet lai maw? let lo tiah bia an hal hna tikah “let lo” an ti dih. Ruahnak caan an pek than hna I an hal than hna. Asinain an I thial hlei lo.Cu ticun thong an tlak hna I an hrem hna I a donghnak ah an thah dih hna.
A hnu ah zumtu minung 15 an tlaih than hna i “that hna u” tiah saingpahrang nu nih cun nawl a rak chuak. An khua pawngah pe 150 a sangmi lungpang a um i, cu ka ahcun hri in an thlai hna i lungpang cungah cun an thlai hna. Cun bia an halmi hna cu, “Jesuh maw na biak lai, siangpahrang milem dah? ti a si. Jesuh kan biak lai a timi cu hri cu an hun cik i, lungpang tangah cun an tlai i an thi. Pakhat hnu pakhat in an hal hna i Jesuh kan biak ko lai an ti dih. A cheu cu an tlak pah ah Hla an i sak. Pakhat nu cu mimolh a si an ti i an thlah. Cu nu nih cun a hnuah Khrihfabu nganpi a dirh (Ref: Extreme Devotion P.6). Pathian an rak zumhning hi a fek tuk.
Daniel le hawile nih Pathian biatak an dirpinak i an biakhiahnak cu, “ … kan biakmi Pathian nih a kan khamh khawh ahcun, kan khamh ko seh; a kan khamh lo hmanh ah na pathian cu kan bia hlei lai lo i, na phunmi milem hmai zongah cun kan kun hlei lai lo, ti kha bawipa nangmah nih hngal ko” tiah an ti. (Daniel 3:17b).
Kan ram ah kan tonmi harnak, hremnak, le thahnak phunphun chungah hin nang zeibantuk biakhiahnak in dah rian kan tuan cio? Bia khiahnak fek he kar hlang cio hna usih.

Rev.Dr. Sang Uk Cung
GS, CBA, Kalaymyo.

 

Be the first to comment

Leave a Reply

Your email address will not be published.


*