Bochok Tun Myat Naing nih Ralhrang Kahdohnak kong thawngpang a phuan!

AA; AA Le SAC Ralhrang Karah altuknak Kan Ngol Lai, Kan Zuar Ter Deuh Lai
=========
A luanciami June thla thawkin AA le SAC ralhrang karah buaibainak a chuak i AA nih SAC ralhrang va tlaih tibantuk, SAC ralhrang lei nih mipi vatlaih tibantuk in kaphnih tlaihkhihnak buaibainak a chuak. Cu Julu ni 4 ah KNLA tatmaha-5 hmunhma ah a um mi AA sakhan cu SAC ralhrang nih vanlawngin a kah caah AA lei in minung pa 6 an thi i kaphnih in buaibainak a karh chin chin.

Caah karah ASEAN special palai cu Kawlram a rak phan i July ni 2 ah ramkhel party cheukhat hna he Yangon khuapi lotttel hotel ah tonnak an ngei hna. Mah tonnak ah party chungin Rakhine hruaimi party le Rakhine miphun party zong an i tel i, Cu party pa 2 nih ral tukralnak zuarter dinhgah ASEAN palai cu ruahnak an peek nak kong cu a kai mi party phu sinin theih asi.

Cu dih in Rakhine hruaimi party nih raltuknak lei zuarter deuh ding le ngolh chung dingah July ni 11 ah cathanh an chuah tiah theih a si. Cu kong he pehtlaiin Rakhine hruaimi party President a si mi Dr Aye Maung cu Westerm News nih bia halnak an tuah tikah,

“Hmunram nih raldan tuar dingah cohlang dingah timhcia si rih lo. A luancia mi a cang mi ruangah ralzaam pawl zong inn ah an kir ngam rih lo. A tangmi hraimnam bomb pawl zong thianh an si rih lo. A tuabnatuk in leiriantuan a si lio ah riantuantu pawl nih raltuknak a chuah lai cu hohmnah nih an duh lo.

Rak tu hna seh tiah a dun mi tampi cu ramang a phan mi lawngte an si. A tak ngai ti ah cun ral tho sehlaw khuai kaa hmanh ah a kal kho lo mi Rakhine mipi sifak pawl hi an si” tiah a chim. Kaphmih nih ceihhmainak kan ngei lai timi chuahpi mi cungah a tu dirhmun he zoh a si ah cun a tuah ral a tho rih lo.

Rak a thawh hamnh ah July ni 4 in a tho cang lai. Kan mah lei zongin theihter nak kan tuah. An mah lei zongin kaphnih in theihternak le tuanvo laakah an tuah ve ko ti zongin a chim.

Myitgyina Ah PDF Pakhat Tlaih A Tong! Myitgyina Ah PDF Pakhat Tlaih A Tong!: Kachin ramkulh Myitgyina Panmati(ပမ္မတီး) sang chuahnak hauka ah KIA in training a dih mi PDF pakhat cu nihin (July 14) chun Sml 12 hrawng ah tlaih a tong, tiah theih a si. “Tlaih a tong mipa cu Myitgyina khuapi hauka ah an tlaih i, dalan nih thawng pek ruangah a si lai, tiah zumh a si. Ralkap nih nih lampi cu an kham caah a mawṭaw he kir awk a ṭha ti lo,” tiah mittu thawnglatu pakhat nih a chim.

Tlaih a tong mi pa cu kum 27 hrawng a si i, meithal zun 8 le kuan 1000 pinah pumpak mawṭaw he an tlaih, tiah theih a si. Sagaing Ramṭhen Banmauk Peng Kahdohnak Ah SAC Ralkap 5 An Thi, A Nung In 5 Tlaih An Tong! A luancia June 28 ah Sagaing ramṭhen Banmauk peng KIA, PDF phufonh le SAC ralkap kahdohnak ruangah SAC ralkap 5 an thi i, minung 5 cu an nung in tlaih an si, cu lengah hriamthil zong kan tlaih, tiah Banmauk Revolution – BR nih phungning tein cathanh an chuah.

June 28 zaanlei le June 29 zinglei ah Simaw(စီးမော်) – TawngKyi(သောင်ကြီး) pawng ah SAC ralkap le KIA, Kata battalion 2(Banmauk PDF, Inndaw PDF), tualchung hriamtlai phufonh kar kahdohnak a chuak i SAC ralkap 5 an thi, 5 cu an nun bu in tlaih an si. Tlaihkhih a tongmi SAC ralkap hna cu ṭha tein an zohkhenh hna, tiah theih a si.

Khin-U peng ah SAC Ralkap Nih Helicopter 5 In Kahdohnak An Tuah! Khin-U peng ah SAC Ralkap Nih Helicopter 5 In Kahdohnak An Tuah!: Sagaing ramṭhen Khin-U peng le Depeyin peng Ngawng Hlah(ညောင်လှ), Ma Yan Kan(မရန်ကန်), Yin Kyay(ယဉ်ကျေး) le Nama khua hna cu SAC ralkap nih helicopter in an kah hna caah mipi a thong reng lo cu ralzaam dirhmun an phan, tiah theih a si. Nihin July 14, chunhnu suimilam 1:40 luan in SAC ralkap nih Mi35 helicopter 5 hmang in cu khua hna cu an kah hna, tiah theih a si.

“Ralzaam umhmun khuarnak lei zong an kah hna i, Depeyin peng le Khin-U peng kar ah ummi khua hna cu an zaam dih,” tiah NgawngHlah(ညောင်လှ) khuami pakhat nih a chim. Kahdohnak ruangah thil a rawkralmi tampi a um lai nain thil sining fiang tein theih khawh a si rih lo,” tiah tualchung mi nih an chim. Nihin July 14, zinglei suimilam 4:00 ah Yee-U in a chuakmi SAC ralkap hna cu Yee-U le Khin-U lampi ah Yee-U tualchung hriamtlai phufonh le Khin-U hriamtlai phu nih bomb an puahhnawh hna caah SAC ralkap 8 an thi, tiah theih a si.

Watlet Peng Ah Cozah Rianṭuantu 7 Nih CDM An Tuah!: Sagaing ramṭhen Watlet peng ah a luancia zarhhnih chung ahkhan Education department le uknak lei rianṭuantu minung 7 nih CDM an tuah, tiah Watlet peng tualchung hriamtlai phu le mizapi uknak lei rianṭuantu phu nih an chim. SAC ralkap kuttang um Cozah rianṭuantu hna nih cun CDM an tuahnak kong cu Watlet peng tualchung hriantlai phu sin ah thawng theihternak an tuah tiah mizapi uknak lei phu chungtel pakhat nih a chim.

Watlet pengchung SAC kuttang um department in CDM cawlcanghnak tuah duh ruangah pehtlaihnak a kan tuahmi an um, tiah a chimchap. Watlet peng fimcawnnak zung rianṭuantu 1800 hrawng chung ah minung 1400 leng nih CDM an tuah cang, tiah Watlet peng fimcawnnak zung rianṭuantu phu nih an chim.

Mizoram, Champhai Motor Ngeitu Hna Nih Myanmar Leiin A Lutmi Thilri Pohpoh An Kham! Mizoram, Champhai Motor Ngeitu Hna Nih Myanmar Leiin A Lutmi Thilri Pohpoh An Kham!: Mizoram, Champhai District Motor Ngeitu Phu(CPDLIP) hna nih nizan June 13 khan Myanmar lei in thilri a lutmi pohpoh an kham i, rikhiah caan um loin an kham lai, tiah theih a si. Motor ngeitu Phu(CPDLIP) nih cun Champhai thilri chiahnak kudawng(godown) i kuva thei hna cu kala ramri Vairengte khua tiang zalongte in phorh khawh an duh caah Kuva thei phihkham duhlonak an langhter.

Motor ngeitu hna nih cun, Myanmar leiin phung ning loin thilri a rak lutmi hna lakah kuva thei lawng phihkham timhnak a um caah cu timhlamhnak cu Champhai mipi thleidannak le Champhai mipi phaisa luhnak phihkham duhnak lungput a si, tiah an chim. “Mizapi nih nifatin kan herhmi eidin le thilri dang a lutmi vialte zong hi phung ning lo in a lut mi an si caah phungning tein a kal kho lo, ti hi mizapi nih thei hna sehlaw kan duh, harnak kan tonmi hi Mizoram mipi nih a ruahzia nan thiam ṭheo lai, ruahchannak kan ngei,” tiah motor ngeitu phu hruaitu pakhat nih a chim.

Ramri lonh in chawlehthalnak cu cozah theihpinak in, phungning tein a kal khawh nakhnga Motor ngeitu hna nih cun an duh kong an chim i, “Felfai deoh i chawlehthalnak a kal khawh nakhnga duhlonak langhter kan si,” tiah an chim. An hmalaknak cu phung ning lo i a lut mi thilri le rithaisii phihkhamnak ah palik bawmchantu a si tiah an ruah kong zong an chim fawn.

Cupinah Motor ngeitu phu hna nih cun Mozoram palik cu rithaisii phihkhamnak kong ah an zumh/bochan hna kong an chim i, sinain Assam rifle pawl nih an duhnak hmun poh ah duty post an tuah mi belte cu mizoram mipi zei rellonak ah an ruah kong an chim. Assam rifle hna duty post cu cozah nih fek tein tuahpiak hna seh, tiah an duhnak an langhter.

Mizoram chaklei tlang, Champhai District hi Myanmar leiin Kuva thei luhnak hmunpi a rak si nain tukum hramthok ah khan Champhai DC hlun Pi Maria CT Zuali le a ṭuanpi hawi hna nih phungning loin a lutmi Myanmar kuva thei cu an rak tlaih. Cu hnu in Mizoram cozah nih phihkhamnak a tuah caah kuva thei cu mizoram ah phorh khawh a si ti lo i, Champhai kudawng ah cawlcaang kho lo in an taang, tiah theih a si.

Kuva thei luhnak ah hlawknak a hmutu Champhai motor ngeitu hna nih cun buainak hramthok tein media ah duhlonak an rak chim len tawn nain a tak ah langhchuahter cu a rak um bal lo. Caan saupi a liam hnu ah atu bantuk in Kuva phorh in rianṭuantu Motor ngeitu hna nih duhlonak an langhter.

Be the first to comment

Leave a Reply

Your email address will not be published.


*