Bomb Puah Sualnak In Mipi Ralkap Pahnih An Nunnak Liam

Bomb Puah Sualnak In Mipi Ralkap Pahnih An Nunnak Liam

Sagaing ramthen Yinmabin peng ah vawlei tangah chiahmi bomb an lak nakah bomb a puah sual ruangah Golden Star Force phu chungtel (2) nunnak a liam tiah March 11 ah Golden Star Force nih cathanh an chuah.

Rlhrang nih kahdohnak an tuah tawnnak le an kal tawnnak hmunah tuan deuh ah vawlei tangah an chiahmi bomb cu ralhrang hna an kal ti lo ruangah an lak than i, a puah sual hna caah an nunnak a liam hi a si.

Nunnak a liamtu hna cu Htet Naing Lin le Shan Htet an si tiah Golden Star Force nih an langhter.

Nunnak liamtu mipi ralkap pahnih hna cu minthatnak le pasaltha sinak upat peknak an langhter hnuah ralhrang cu pehzulh in kahdohnak kan tuah lai tiah an langhter.

Thawngdang: Paletwa Pengah Thilri Man A Kai Tuk, Datsi Langkhat Ah Kyats 4000 A Phan

Chin ramkulh Paletwa pengah thil man a kai tuk caah a liamcia ni 3 thawkin datsi langkhat ah 4000 in kan cawk tiah khuami nih an chim.

A liamcia ni 3 ah Paletwa peng chungah datsi langkhat ah 3000mmk in an cawk tawn nain naihrawng in 4000mmk a phanh hi a si.

Tangka luhnak nih a um fawn lo, riantuan awk a um lo tikah thil man nih a kai tuk tung i, zeiti awk hngalh loin tuar si ko. Khua te lei ahcun tisik-anhnah lawng an i bochan, Internet line zong a ngah fawn lo, cupinah mei zong nihnih ah sml 4:00 chung an kan pek tiah khuami pakhat nih a chim.

Credit:21The Chin Times

Be the first to comment

Leave a Reply

Your email address will not be published.


*