Matupi Ah SAC Ralhrang Thazaang An Chap Caah Kahdohnak Faktuk A Chuak, Thil Sining An Langhter!
=======
Chin ramkulh Matupi hrambunh CDF-Matupi Battalion 2 hmun hma ah SAC ralhrang thazaang 100 renglo an chap caah kahdohnak a chuak tiah theih a si. Tangkhawng January 15 zing ah CDF-Matupi Battalion 2 in nawlngei pakhat nih “Ngalai khuachung ah kahdohnak fakpi a chuak i hriamnam kan i dantuk caah khua dihlak in an lak.
A tu hi pasal ṭha minung 2 nunnak kong ah ruahchannak a tlawmtuk cang caah a si khawh ahcun CNA si lo ah hriamtlai phu pakhat pakhat nih a rannak in zuanhnawh kan hau” tiah a chim. Pehtlaihnak Telephone line zong an kan phihpiak dih i SAC ralhrang thazaang thazaang 100 leng nih an kan fuh caah a rannak in zuanhnawh kan hau tiah an langhter.
CDF-Matupi he Ralhrang karlak kahdohnak a fak, CDF lei bawmh an hau. Matupi pengah CDF-Matupi le SAC ralhrang karlak kahdohnak a fah ngaingai caah atu hi CDF lei nih bawmh kan herh tiah thawng an thanh.
Tuzing January 15 sml 9:00am ah SAC ralhrang nih minung thazaang tampi he CDF-Matupi cu an va fuh hna caah kap hnih karlak kahdohnak a fak. Ralkap thazaang le hriamnam thazaang an i thlau tuk ruangah CDF-Maputi lei cu bawmh an herh ngaingai tiah CDF-Matupi Battalion 2 in ttuanvo ngeitu pakhat nih Ayeyarwady Times ah a chim.
Shwebo Ah Kum 11 Nu An Tlaihhrem Hnu Ah An Thah! Sagaing ramṭhen Shwebo (ရွှေဘို) khuapi pangpar dum ah eidin tete a zuarmi kum 11 nu pakhat cu an tlaihhrem hnu ah an thah tiah theih a si. Nu Pua Sing (မပွားစိန်) cu parpar dum ah eidin tete a zuar i January 12 zaan cu inn a ṭin tilo caah an kawl i January 13 zaan lei sang ah leikuang chung ah a ruak in hmuh a si. An tlaihhrem hnu ah an rakthah tiah tualchung chiatṭhat zohkhenhtu bu nih Yangon Khit Thit Media ah an chim.
Hngakchia Minung 3 Telh In NLD Party Chungkhar Minung 8 Thah An Tong, An Ruak An La Kho Hna Lo! Sagaing ramṭhen Kanbalu(ကန့်ဘလူ) peng Ngamaung (ငါးမြောင်) khua ah NLD party a ṭanh tu hna chungkhar minung 8 thah an tong. Kum 4 rual telh in hngakchia minung 3 an i tel tiah tualchungmi hna nih Khit Thit ah an chim.
Tangkhawng January 13 zaan ah kum 4 rual telh in hngakchia minung 3 le upa minung 5 innchungkhar hna cu thah an tong. January 14 zing ah an ruak an hmuh hna nain USDP party an tamtuknak khua a si caah an ruak kan la ngam hna lo tiah, khuami hna nih an chim.
Khuapi te in USDP (ကြံ့ခိုင်ရေး) party an si i an mah chungkhar lang NLD an si. SAC ralhrang le palik zong nih rat in an ruak chekhlatnak an ngei hna lo tiah khuami hna nihcun Khit Thit Media ah thawngthanhnak an tuah.
Hngakchia Minung 3 Telh In NLD Party Chungkhar Minung 8 Thah An Tong, An Ruak An La Kho Hna Lo! Sagaing ramṭhen Kanbalu(ကန့်ဘလူ) peng Ngamaung (ငါးမြောင်) khua ah NLD party a ṭanh tu hna chungkhar minung 8 thah an tong. Kum 4 rual telh in hngakchia minung 3 an i tel tiah tualchungmi hna nih Khit Thit ah an chim.
Tangkhawng[January] 13 zaan ah kum 4 rual telh in hngakchia minung 3 le upa minung 5 innchungkhar hna cu thah an tong. January 14 zing ah an ruak an hmuh hna nain USDP party an tamtuknak khua a si caah an ruak kan la ngam hna lo tiah, khuami hna nih an chim.
Khuapi te in USDP(ကြံ့ခိုင်ရေး) party an si i an mah chungkhar lang NLD an si. SAC ralhrang le palik zong nih rat in an ruak chekhlatnak an ngei hna lo tiah khuami hna nihcun Khit Thit Media ah thawngthanhnak an tuah.
Sagaing Ram Katha Peng I, Tual Chung Mipi Defence Force Ta Si Tiah Chim Mi Uniform. Le Thilri Hna Hi Nizan Zing Ah Myanmar Khua Chak Lei Kahdohnak An Ngeih Hnu Ah SAC Ralhrang Nih An Tlaih Tiah Theih Si!
SAC ralhrang nih hin tualchung mipi vengtu an umnak si tiah an zumh mi cu an kah i, hi phoih caah hin mipi lei nih uniform an siam piak hna hnu ah„ tual chung PDF nih SAC ralhrang kah an timh ruang ah SAC ralhrang le tualchung PDF hna karlak ah i kahdohnak fakpi in a chuak. SAC ralhrang nih hin uniform le hriamnam thilri an tlaih i, tualchung PDF thilthitnakseh zong an tlaih fawn. Credit: Lungmili Post
Leave a Reply