Breaking News: Min Aung Hlaing le Tun Myat Naing ton dawh an si!

Gen.”MAH” le THAI ARMY CHIEF RAKHINE AH AN KAL LAI. Chin Ralzam thar Mizoram ah an phan thluahmah tha’n.President Winmyint?.
=========
President U Winmyint cu nai Zarhte Ni’ah khan Nyphydaw Thonginnpi in Tong-Ngu (တောင်ငူ ) Thonginn ah a thlithup in an thial ti’ah thawng pang a um na’in fainhnak (Confirm)asi rih loh. Thailand Royal Army Commander in Chief Gen. Narongpan nih a thithruai Thai Ralbawi zeimaw -zet (30 hrawng)cu tuthla Ni-19-20 ah Rakhine ram Tantwe le Ngapali Khua ah an rak phan lai i, Sr. General MinAungHliang le Ralbawi zeimaw -zet nih an don hna lai i, cun Sittwe, Kyawhdaw le Paletwa Ramri zong an phan kho men ti’ah theih asi.

Hi Thailand Royal Ralbawi pawl nih hin Rakhine Coastline ah Navy’s exercise le Ral tuk ning Training peknak nei dawh an si ti’ah zumh asi.Royal Thailand Army nih hin 2016 ah khan UN Peace Keeping Forces, Bangladesh Army pawl Training an rak pek cang hna. AA Chief Major General Thun Myat Naing um nak hmunram asi ko ih.

Camp Victoria bomb nak kongah Assam Rifle le Champhai Deputy Commissioner Pu.James Lalrinchhana hna nih Mizoram le Central India Cozahpi sinah Myanmar Ralkap nih India ram chungah Bomb an thlak tel lo ti’ah Report an pek.Hi bomb thlaknak ruangah Chinram hmun zeimawzet in Ralzam Mithar chungkhar-44, Mi pum-197 hna cu Tuipuiral Block, Farkaw khua ah an phan tha’n i, Khankawn khua’ah chung khar- 12, Mipum-56 pinah Tlangpi-Tlanglo in chungkhar-5+5 ve ve tluk an phan ve ti’ah Tui- puiral Grp YMA President Pu.MC Lalramenga le Farkawn VCP Pu. Lalramliana nih an chim.

Hi pinah a rak zam cuahmah mi zong an um rih ti’ah thawngpang theih asi.Cuca’ah, Kawl SAC Ralkap nih hin a ruah hlanah Thantlang peng le Falam peng chungah rallam an sial khawhmi asi. Tu nai te zongah Tio pawngkam hrawngah fakpi i kah nak thawng theih asi. February thla tiang hi cu Thantlang peng chung um mi ralring te’in khuasa i zuam cio hna usih.

AA Le SAC Ralhrang Nih An Tlaihkhih Mi Hna Ralkap Le Chungtel An I Thleng Ṭhan! Rakhine ramkulh Ponnagyun (ပုဏ္ဏားကျွန်း) peng ah AA le SAC ralhrang pawl cu an tlaihkhih mi hna ralkap le chungtel thlennak an ngei ṭhan tiah tualchungmi hna nih an langhter.

Tangkhawng January 15, nizaan chun ah Kundaung (ကွမ်းတောင်) khua le Padaythar (ပဒေသာ) karlak ah moṭor 5 in a rami AA hriamtlai thazaang 50 tluk le moṭor pakhat in a rami SAC ralhrang pawl cu an tlaihkhih mi hna ralkap thlennak an tuah tiah theih a si. SAC ralhrang nih AA chungtel minung 3 hrawng an thlah hna i AA hriamtlai lei nih SAC ralhrang chungtel an tlaihmi hna 10 hrawng an thlah ve ha tiah mithmutu tualchungmi hna nih Western News ah an chim.

A luanciami Tangkhawng January 3 lio zong ah hika hmun ah an tlaihkhih mi hna i thlennak an tuahcang i Rakhine (AA) lei biachimnak nawlngei pakhat nihcun kahdohnak kan deih lio a si caah a tubantuk in kan tuahnak a si, tiah a langhter nain a tutan thlennak an tuah ṭhanmi kong ahcun zeihmanh fianternak a tuah rih lo tiah theih a si.

SAC Nih Chungkhar Cazin An Lakmi Ah Pumtlinglo Minung Hna Zong An I Tel. Chin ramkulh, Hakha ah SAC nih chungkhar cazin an lak cuahmah i ralkap le palik tampi nih humhimnak an lakpiak hna, tiah theih a si. January 9 thawk in Hakha ah SAC nih chungkhar cazin an lak i ralkap le palik tampi nih humhimnak an lapiak hna. Khua thar sang lei in an i thawk i sang ṭhen in an vak, tiah tualchung mi pakhat nih a chim.

Tualchung mi pakhat nih, “SAC ralkap le palik tampi nih humhimnak an lakpiak hna i, zung rianṭuantu hna nih chungkhar cazin an lak. Ramdang lei a um cangmi hna zong an lak hna pinah hawi tluk lomi, pumtling lo tiang in cazin an lakmi ah an khumh hna,” tiah The Chin Post ah a chimHramhram in chungkhar cazin a kan hal i SAC nih thimnak tuahtimhmi cazin ah an kan khumh dih. Pek kan duh hna lo zong ah an kan hal chih i kan pek hna. Ramdang a um cangmi hna le pumtling lo hna zong cazin an khumhmi hna hi cu a poi tuk hringhran ko.

Thimnak an tuah laimi zong ah vote kan pe hna lai lo nain vote a pemi mi cazin ah an kan khumh ṭhiamṭhiam lai. Mizapi lungrual tein kan ṭan i kan tei zok zok a hau, tiah tualchung mi pakhat nih a chim. SAC nih Hakha dawrhlun sang ah chungkhar cazin an rak lak lioah Chin hriamtlai phu nih an rak kah hna caah palik pakhat a thi i 4 hliamhma an rak pu cang. Credit: MC Biklian, The Chin Post

Be the first to comment

Leave a Reply

Your email address will not be published.


*