Breaking News: Min Aung Hlaing nih Airport Kan Thial Lai!

Min Aung Hlaing, Airport Kan Thial Lai!
=======
Mawlamyine ariport cu hmunhma thar ah kan thial lai, tiah SAC ralhrang lutlai Min Aung Hlaing nih a chim. SAC ralhrang lutlai Min Aung Hlaing nih, ” Mawlamyine ariport cu khuapi he aa neih ruang, University he aa neih ruang, Tlunkal nak karh ter in rikhiah ruang, Mawlamyine ariport lam cu karhter (Chap) dingin rikhiah a um ruangah Mawlamyine ariport cu hmunhma thar ah thial dingin timhtuah nak kan ngei” tiah a chim.

Cu pinah Mon ramkulh le Kayin ramkulh thanchonak caah bomhchanhnak a pee kho hnga ding mi ramchung airports lam hna cu Vanlawng phun zakip a tum khawh nakhnga dingah Advanced vanlawng tual pakhat ser dingah timhtuahnak ngeih a si cang, ti zonhgin a chim.

Dangon-Dala Myitku Cherry (2) (ရန်ကုန်-ဒလ မြစ်ကူး ချယ်ရီ (၂) Tilawng Bomb Puahhnawh A Tonnak Kongah NUG Le SAC Ralhrang An Mah Le Mah Sual An I Phawt! Yangon ramthen chungah a um mi Yangon-Dala Myitku Cherry (2) (ရန်ကုန်-ဒလ မြစ်ကူး ချယ်ရီ(၂)) tilawng cungah bomb puahnak a chuak nak kong he pehtlai in NUG le SAC ralhrang an mah le mah sual an i phawt tiah, theih a si.

A luancia kum 2022 Dipa ni 18 zaan lei sangah PaanSoeTan (ပန်းဆိုးတန်း) tikulh in Dala (ဒလ) lei ah a kal mi Tilawng bomb puah a tonnak kong, Cu bomb puah ruangah tualchung mi minung (17) hliam an tuar, tiah theih a si. Cu bomb puah nak cu PDF hna nih bomb remh in an puah hnawh mi a si nak kong cu SAC ralhrang lei nih Dipa ni 18 ah cathanh an rak chuah bantuk in NUG lei zong nih cu sahrang thiltuah mi cu kan mah lei he aa pehtlai mi a si lo, tiah Dipa ni 20 ah cathanh an rak chuah ve.

Cu kong he pehtlai in Director U Thein Htun Oo nih, “Hi thil hi zeitindah kan tahchunh lai ti a siahcun sahrang pakhat nih sahrang thinlung he tuah mi thil a si. Zeiruangahdah ti asi ahcun a kal cuahmah mi Ferry cungah zung tin caan a um lai. Mi sawhsawh hna nih an kut in tuah mi eiawk zong aa tel lai. An mah an kal nak caah a biapi bik in an tlunkal nak a si mi hmunhma ah bomb an puah hnawh a si caah cucu Theory ningin kan zoh tthan a siahcun sahrang nih minung pawl uk a duh hna tikah mi sawhsawh( mibupi) karah puah ralnak a tuah ton.” tiah a chim.

Be the first to comment

Leave a Reply

Your email address will not be published.


*