Breaking News: Min Aung Hlaing ralhrang minung 4 bak an tlaih hna kong!

Breaking News: Min Aung Hlaing ralhrang minung 4 bak an tlaih hna kong!
=========
Myaung khuapi pengah SAC ralhrang thimnak tuah ding mi a bawmtu mi 4 an tlaih hna! SAC ralhrang nih tuah ai timh mi thimnak caah vote cazin a lak piak tu nu 3 le pa 1 cu MRA nih an tlaih hna tiah NUG nih a langhter. Hi hna 4 hi mizapi hruaitu phu nih ai tlak mi upadi hmang in taza a cuai hna lai tiah an langhter chap.

Kum 100 Leng A Dir Cang Mi, Khrihfa Biakinn Pakhat Cu SAC Ralhrang Nih An Khangh! Caan saupi dir cang mi ram chung zong ah hmuh awk umti lo mi, Roman Catholic Chruch tiah theih mi, Kum 1894 i, Sagaing ram Shwebo khuapi Ye-U Chianthar khua ah sak mi Biakinn cu nizan zing khan, SAC ralhrang nih an khangh i an hrawk.

Hi caan saupi dir cang mi Biakinn thing hi, tualchung mipi nih an sunhsak ngai mi pakhat si, battalion pahnih- Light Infantry 360 le 701 SAC ralhrang nih nikum ah khan vawi 3 an rak khangh cang mi si.

Nizan an khangnak he cun a vawilinak si cang. Kum 129 lio ah khan hi biakinn hi khua ah hin miphun dang biaknak dang Khrihfa le Buddhism hna zong i rem tein an rak umtinak hmun si. SAC ralhrang nih hin hi tuanbia hi a hrawk dih tiin, mipi vengtu comrade nih a chim.

Thailand Ah Phungning Lo In A Lutmi Myanmar Rammi Hngakchia Hna Telh In An Tlaih Ṭhan Hna! Tangkhawng January 13 ah phungning lo in Thailand ram ah a lutmi Myanmar rammi hngakchia minung 7 telh in pa pa 6 le nu 7 hna cu tlaihkhih an si tiah Thailand ram palik le thawnglatu hna nih an langhter.

Tlaihkhih a tongmi hna cu Shan ramkulh Ṭachilate (တာချီလိတ်) in an kal i Thailand ram Chinmine (ချင်းမိုင်) state chung ah rianṭuan ding in timhlamhnak an ngei nain Namhhaoṭ (နမ့်ဟုတ်) tiva an tan hnu a bupi an umlio ah tlaihkhih an si. Thailand ram nih a ngeihmi phunghrampi ning in tazacuai ding ah thonginn ah an kalpi hna tiah an langhter.

Lungler ah SAC ralhrang sibawi 2 an thi tiah Min Aung Hlaing nih chim! Thantlang peng, Lungler khua ah sibawi rian a tuanmi SAC ralhrang Captain pahnih an nunnak a liam, tiah SAC ralhrang bawizik Min Aung Hlaing nih January 13 ah a chim.

Nizaan Janaury 13 ah khan Myanmar ramchung lamhlat hmunhma pawl ah ngandamnak lei rian a tuanmi SAC ralhrang sibawi pawl upat peknak puai cu Naypyidaw ah an tuah i, Min Aung Hlaing nih atu bantuk in a chim hi a si.

Myanmar ramchung tlawnkalnak a harnak hmunhma pawl ah SAC sibawi 46 cu 2020 ah a voi 3nk an rak thlah hna i, cu chung ah cun Lungler ah rian a tuanmi sibawi Captain rank pahnih hi an thi tiah a chim.

2016 thawk khan SAC ralhrang nih kum 2 voi khat in Chin, Sagaing le Naga ah ralkap sibawi pawl thlah hram a rak thawk hna.

Lungler ah a thimi pahnih hi 2020 ah an rak thlahmi hna an si i, 2022 ah an riantuan caan a dih ding a si, tiah RFA nih a tial. Aluancia September 11, 2021 ah khan Lungler sakhaan cu CNA le CDF nih an rak lak. Crd-The Chin Journal

SAC Jet Fighter India ram chungah a zuang i bomb voi 2 a thlaknak kong he pehtlai in Mizoram Community ngan 5 nih India Minister of the Interior sinah ca an kuat lai, tiah theih a si.

Central Young Mizo Association (CYMA), Mizo Upa Pawl(MUP), Mizo Hmeichhia Insuihkhawm Pawl(MHIP), Mizo Zirlai Pawl(MZP) le Mizo Student Union (MSU) hruaitu hna cu January 13 ah CYMA zung ah tonpumhnak meeting kan ngei i India cozah sinah cakuat dingin biakhiahnak kan tuah, tiah, tiah cathanh an chuah.

“SAC Jet Fighter nih India ram chungah bomb voi 2 tiang a thlakmi hi India ram humhimnak a horsuan pinah India ram chung a ummi a kan hrocer bantuk a si caah kan cohlang hrimhrim lo,” tiah an langhter.

India ram humhimnak le a limhang a zor lonak ding kilvennak dingah Mizoram bu ngan ngai a simi bu 5 nih India Minister of the Interior sinah hmalak dingah ca kuat an i tim hi a si, tiah theih a si.

SAC nih Jet Fighter in a luacia January 10 le 11 ah nihnih chung pehtlai in Camp Victoria cu bomb in an thlak caah bomb lung 2 zong Mizoram ramkulh Farkawn khua hmunram ah a tla, tiah theih a si.

India lei in Vanlawng in an kan kah. 500lb – 1000lb a rit mi Bomb Mangtara cu India ram ah a tla i a puak. Motor pakhat a hrawk.

Geneva Convention ning in Miram ah vanlawng zuang ter khawh asi lo Mi ram ah kuan fangkhat tlak ter ahcun Ram hnih raldohnak asi ko. India ram ah Bomb an tla. India cu Democracy Ram an si. Democracy ah USA changtu an si.

Democracy phung a zulh lai kan zumh ko. Democracy lei ah aum lai kan zumh fawn. Kawl Uico nih Camp Victoria kahnak kong ah India a holh lo ahcun, India cozah hnatlak nakin an ram an hman ter mi asi lai, India cozah hngalh pi nak in an ram ah bomb thlak asi ve lai.

India nih Kawlram in Gas le Mei an lak. Aizawl le Dehli, India ramkip ah an hman mi Gas le Electric mei khi kawlram lei in pek mi aa tel ve. ASEAN Lampi caah Paletwa lei in lam an cawk cuahmah, Bawinu va hlei zong an donh cuahmah. Kawlram lei in pek mi Gas le Mei hi chat / Chah ahcun India a mui lai, Rawlchumh nak an ngei ti lai lo. India sipuazi an tla dih te lai, Tuluk nih an tei tuk te hna lai.

Modi cozah nih Gas le Mei cu an in pek ko hna lai nain a man a fak tuk canglai. Kawlram cu kan sifak caah MAH nih man fawi tein an zuar mi hna Gas le Mei asi. Cu zuar man cu MAH le a fa le rumnak asi. Mipi caah an hman lo. India nih nan pek mi phaisa in Vanlawng tampi an cawknak le mipi thahnak hriamnam relcawk lo an cawk ti hi Mizo kan Unau tal nih nan kan hngalh pi hrimhrim a herh.

India nih Ralhrang MAH a bawmh ahcun CHINMI nih kan phuhlam nak tuah a herh ve lai. India a holh lo, a holh ko hmanh ah MAH lei ah a ṭan ko rih ahcun, Paletwa ram ah India Gas pipeline cu hrawk dih asi ve lai. CDF Dai le Paletwa nih ṭuanvo lak seh tiah CHIN mipi nih kan aupi cio ah a tha lai.

Hi India gas pipeline hi Chin nih an hrawk khawh ti a hngalh ko buin, Modi nih MAH a ṭanh zungzal. Gasoline pipe kan hrawk lo ahcun India nih Mipi an kan ṭanh bal lai lo. Voikhat kan hrawk lai i, an kan nawl i mipi an kan ṭanh ahcun remh nak nawl kan pek lai. MAH a bawmh peng ahcun Gasoline thih bak ve seh.

YMA YLA MPT le Mizo mipi nih duh lonak langhter nak zong kan tuah piak ve uh. Hakha ah Dawr an khar dih i Silence Strike an tuah batukin Mizo mipi nih tuah khawh asi ve ko. Nannih Zo hnathlak nan i ti nain CHIN Hnathlak nan si.

Camp Victoria kahnak kong ah Modi cozah nih MAH lei ah aum, a kaa a cip, YMA MPT YLA le Mizoram mipi nih nan kaa nan cip ve ko ahcun, Kan fanau liam cia mi hna phuhlam nak ah India Gasoline pipe cu kan hrawk a herh ko lai, Rak kan theihthiam hram uh.

Kanram tizu le a hliti khim tein a eidin mi India cozah nih mipi an kan ṭanh lo cu lung a fak hrinhran. India nih nan ral Tuluk tei awk ah Sipuazi lampi cu CHINRAM Paletwa in Thailand ah a kal ti hi hngalh cang hna usih.

Hi lampi in Superpower le Sipuazi ah India nih Tuluk hi a tei khawh lai, a tei lo hmanh ah a phan khawh lai tihi Vawleipi mit ah a cuang mi cu asi. January 10 cu CHIN mi nih kan philh khawh lo ding mi NI asi lan cang (Col. Solomon Thang Din bia).

Be the first to comment

Leave a Reply

Your email address will not be published.


*