Magway SAC Ralhrang Van Ralvennak Camp Headquarters PDF Phu Fonh Nih An Kah Doh
=========
Magway SAC ralhrang van ralvennak Camp headquarters cu Sikpar ni 15 ah 107 shock missiles 3 in an kahdoh caah Jet Fighter pa 3 le fighter plane pa 2 an hrawh piak hna pinah SAC ralhtrang minung pa 8 an thih nak kong cu Golden Eagle Myaylatt in tuanvo ngeitu sinin theih a si.
Ralkap phu chungin thawngpang kan theih ningin thil sining kong cu theih a si ii, Cu kahdohnak cu KNU hruainak in PDF tatmaha (5) phu hna nih kahdohnak an tuah hi a si, tiah Golden Eagle Myaylatt nih a chim. “Jet Fihter Pa 3 le fighter plane pa 2 a rawk. SAC ralhrang minung pa 3 cu a hmun ah an thi colh. Uico pa 5 an thi. Cu Siizung ah minung pa 3 an thi chap.
Air base (Sakhan) in a za piin a thu mi hi minung pa 8 an si.” tiah a chim. Cu kahdohnak ah aa tel mi hna cu Golden Eagle Myaylatt telin Eagle PDF Magway, ဘီလူးစစ်ဆင်ရေးအဖွဲ့ , ရေနံချောင်း PDF phufonh le ဘီလူး စစ်ဆင်ရေး phu hna i fonh in KNU nih hriamnam thilri bomhnak thawngin an kahdoh hna hi a si. Note-မြေလတ်အသံ – Myaelatt Athan ah lak mi a si.
Paungbyin Pengkulh Ah Chungkhar Khat Thah An Tong! Saing ramthen, Mawlaik pengkomh, Paungbyin pengkulh, Thayaung (သရောင်း) khuate komh, Tawma (တောမ) khuate, Sikpar ni 15 ah chungkhar khat minung pa 3 thah an ton pinah an inn chungah a um mi thilri a si mi Sui le Phaisa zong a tlau, tiah theih a si. “Tawma khuate ah a um mi U Win Naing, An nu Daw Lae Lae Win le an fanu Ma Thet Thet Mar hna cu an pa 3 in Sikpar ni 14 zaanlei suimilam 9:00 hrawng ah thah an tong.
An ruak cu Sikpar ni 15 ah lak an si.” tiah tualchung mibomchantu pakhat nih a a chim. Cu kong he pehtlai in Paungbyin pengkulh humhimtu phu he aa neihniam mi pakhat nih, ” Tawma khuaah a um mi U Win Naing te chungkhar minung pa 3 hna cu min theih lomi hriamtlai phu minung pa 10 nih an thah hna hi a si.
Cu pinah an ngeih mi thilri Sui le phaisa an fimtawl mi zong a tlau. Rankhel kong he pahtlai in U Win Naing te chungkhar cu an pa 3 tein NLD party chungtel an si. Thawngpang kan theih ning ahcun an fanu Ma Thet Thet Mar sianginn an kai ter ruangah a tubantuk in thah an ton hi a si, tiah kan theih. A hmuh (case) cu zohfelnak an tuah cuahmah lio a si.” tiah a chim.
A luancia mi thla 20 chungah Sagaing ramthen chung Shwebo, Khin-U, Tantse, kalay, Paungbyin Kani, Minkin, Depeyin, Myuang, Sagaing, Myinmu, Kawlin, tbk; pengkulh , khuate cheukhat ah chungkhar 30 nak tlawmlo thah an tong tiah theih a si.
American President Joe Biden Nih SAC Ralhrang Sinah Nawlnak A Tuah Mi Cu Tlangcung Hriamtlaih Remdaihnak Min Thu (PPST) Phu Nih An Cohlang! ASEAN zulhphung Biatung phun (5) tlamtlinter, hlawhtlinter nak ah SAC ralhrang lei nih i teltum tuanvo lak tti dingin American President Joe Biden nih nawlnak a tuah mi, an cohlan nak kong cu kahdoh daihnak min a thu mi tlangcung hriamtlai phu hna nih an cohlang.
NCA ah minthutnak a ngei mi tlangcung hriamtlai phu hna ii kahdoh daihnak, remdaihnak lei hruaitu phu (PPST) nih ASEAN meeting ah American President Joe Biden nih Myanmar kongkau a chimphuan mi cungah, Atu bantukin cohlannak cathanh an chuah nak hi a si.
ASEAN nih lungtlinh mi Biatung hlawhtlinter khawhnak ah SAC ralhrang lei nih i teltum tuanvo lak tti dingin American President Joe Biden nih nawlnak a thuah mi cu PPST nih an cohlan nak kong le ASEAN Chairman in Indonesia ram sinah thlen nawnnak a tuah mi cu an lomhpi cohlan nak kong zong, an langhter.
Cu pinah Daw Aung San Suu Kyi nih rankhel sining a ruah ning cu NLD (central) Bahu phu hna he tonbiaruhnak nawl ngeih lawngah langhter in chimphun khawh a si lai nak kong a chim mi zong an cohlan nak kong, an langhter. ASEAN Secretary General athar, Cambodian Prime Minister’s Office Secretary a si mi H.E Kao Kim Houm cu rian an khinh nak cungah an lomhpi nak kong le ASEAN rotating chairman Indonesia nih Myanmar buainak cu hlawhtling tein a hmaimilh kho lai, tiah ruahchannak an ngeih nak kong zong PPST nih cathanh ah an langhter.
AA Ralkap Pakhat Tatmadaw Ralkap Sinah A Zaam, Tiah SAC Ralhrang Thawngzamg Tatmadaw Daily Activity Nih A Tial! Tatmadaw Daily Activity nih a tial ning ahcun, “Nizaan Maungtaw, Yan-Aung-Pyin pawng kahdohnak ah AA le a thi mi le hliamh mi an tam tuk ii a lung rawh tuk caah AA-23572 in ralkap Kyauk Taw pengkulh, Thinn Ma khua mi Kyaw Min Htay (17) cu zaan lei ah Tatmadaw ralkap pawl an um nak lei ah a zaam i, hriamnam a chia.
AA nih hmunhma an laak nak hmun hma pawl cu an hrawh dih caah nikhat ah minung 50 leng an nunnak a liam ii hliam a tuar mi tam tuk a hmuh hna caah hliamtuar mizaw pawl an lak hna lio ah, ka zuun ka zung ta lai, tiah a ti hna i Tatmadaw sinah hriamnam chiah in a zaam nak hi a si.
AA chimphuan ngeitu Khaing Thu Kha a chim ning ahcun AA phu chungah a rak lut mi an tam ko nain tualchungah kum tlinglo mino pawl an duh nana loin an khawmh hna ii ral tuk dingah an thlah hna caah a thimi tampi an um.” tiah Tatmadaw Daily Activity nih a tial. Cakilk-Fehter kho mi kan ngei lo. Kan fehter mi zong a si lo.
Pakokku le Khin U ah SAC ralkap voi tampi bom an puah hnawh hna, 43 hrawng an thi. Magway ramṭhen, Pakokku peng ah SAC ralkap bomrap voi 6 an puah hnawh hna i SAC ralkap 28 an thi tiah Myitchae-Kyunchaung PDF nih Khit Thit ah an chim.
November 4 zaan sml 10 hrawng ah himnak a la mi pyusawhtee pawl cu bomrap lung 20 in an puah hnawh hna i SAC ralkap 6 an thi tiah theih a si. November 7 zinglei sml 5:30am hrawng ah zinan lam sawk ding in a raa mi SAC ralkap le pyusawhtee pawl bom lung 5 in an puah hnawh hna i 5 an thi tiah theih a si.
November 7 zaanlei sml 4:00pm hrawng ah zinan lam sawk ding in a raa ṭhan mi ralkap le pyusawhtee pawl cu bomrap lung 10 in an puah hnawh hna i 5 an thi tiah theih a si. November 14 zaan sml 8:30pm ah Kyunchaung-Seikphyu lam ah himnak a la mi ralkap, pyusawhtee le PDF karlak ah kahdohnak a chuak i SAC lei in 5 an thi tiah theih a si.
Cu bantuk in November 15 zinglei ah Khin U peng, Thayatpinsu khua Seikphyuchain pawng ah L.G.R.F phu nih bomrap lung 2 in an puah hnawh hna i SAC ralkap 15 hrawng an thi tiah theih a si.
Tanintharyi Ah Kahdohnak Voi 2 A Chuak I SAC Ralkap 9 An Thi,Wetlet Zong Ah SAC Ralkap An Doh Hna I 5 An Thi. Tanintharyi ramthen chung ah SAC ralkap le mipi vengtu phu kar kahdohnak voi 2 a chuak i SAC ralkap 9 an thi.
November 14 zing sml 5:30 hrawng ah Mawtonegyi khua nitlak lei kap i SAC rallasial ralkap ခမရ-၅၅၇ le ခမရ-၅၅၈ cu Myeik peng battalion-2,tatkhuai-2,Tanintharyi Guerrilla phu,le Tanintharyi Yoma phu nih an va doh hna i SAC ralkap 6 an thi tiah theih a si.
November 14 zing sml 8 hrawng ah Bawdikan khua hlei pawng ah a ummi SAC အမတ-၃၀၆ le ခမရ-၅၅၇ battalion i ralkap an umnak sakhaan fa pakhat cu Myeik peng battalion-2,tatkhuai-1 le Tanintharyi tantiphu pawl i fonh in an doh hna i SAC ralkap 3 an thi tiah Myeik battalion-2 nih cathanh an chuah.
Cun Sagaing ramthen,Wetlet peng,Okpho ah a um mi SAC ralkap cu mipi vengtu phu nih hriamngan in an doh hna i SAC ralkap 5 an thi tiah theih a si. November 14 zing sml 4 hrawng ah Okpho khua ah a um mi SAC ralkap cu Bo Tiger phu nih bomb lung 10 le hriamhme in an va doh hna i SAC ralkap 5 an thi tiah theih a si.
“Bo Tiger phu hruainak in Okpho ah a um mi SAC ralkap cu bomb lung 10 hrawng in kan kah hna.Hriamhme zong in kan kah hna.Kan kah mi cu a bu in an umnak ah a tla i SAC ralkap 5 leng an thi.Hliam hmu mi zong an tam” tiah Bo Tiger phu i tuanvo ngeitu pakhat nih a chim. Credit: Everything
Leave a Reply