Breaking News: Ralhrang a rak lutmi hi 52 hrawng an si timi!

Breaking News: Ralhrang a rak lutmi hi 52 hrawng an si timi!
============
Lailenpi a rakra mi ralhrang hna cu Chin ralkap nih an kham kho hna lo,Lailenpi um an ralhrang camp ah an lut dih ai! Biatak in tuk kan tim taktak sehlaw thalkhat chungah a kan mai dih sual lai ti phan a um. Nain kan i sersiam cuahmah lio si i,kan tei te ko lai fawh. Ralhrang a rak lutmi hi 52 hranwg an si tiah theih si.

An kua chung an luh hnu ahcun kan thiammi strategy nih a tlinh ti lo. KIA sinah training a tuahmi hna thiamnak nih a tlinh lo caah KNU pawl sinah training kai rih kan hau rua. An kai i kan kham kho bal hna lo, an kir i kan thlauh kho bal fawn hna lo ko hen cu. Voi khat taktak zong kawl in a kaimi kan kham kho bal hna lo cu. Kan isersiam deuh cu a hau hrim ko.

Lailenpi Khua Pawng Ah SAC Ralkap le Chin Ralkap Hna Kahdohnak A Chuak. Matupi peng ah rallam a sialmi SAC ralkap pawl le CDF-Mara, CDF-Lautu le CNA phu fonh hna cu June 22 zanlei sml 2:00-4:00 tiang Lailenpi khua pawng an i kap, tiah theih a si.

A liamcia May thla lio ah SAC ralkap 70 hrawng cu Matupi in Laileni lei ah rallam an sial. A luancia June 11 lioah Gangaw lei in a rak kaimi SAC ralkap 70 hrawng cu, Zotung ram Yan Si khua lei panh in an kal. Gangaw in Zotung lei a kalmi khualtlawng minung 4 cu, June 11 ah Annța khua umhmun khuarmi SAC ralkap nih an tlaih hna i, khoika an chiah hna ti zong hngalh a si lo.

Gangaw le Oo Kar lam cu SAC ralkap nih umhmun khuar an duh caah cuka hrawng lamthluan ah an um hna. Cucaah Gangaw le Oo Kar lam lei a hohmanh kal rih lo ding in ralrin kan in pek hna, tiah CDF- Zotung nih cathanh an rak chuah.

Thantlang kan Ralkap hna zong Uico nih an den tuk hna le hnu a kir, A poi tuk. Raltuk ning an i fuh kho deuh rua lo. Ralram a kal tuk bal lo le ralhmai a kal tuk lemlo nih nawlngeitu a si deuh. Sianginn cataang sang kai Tang10 Awngmi deuh nih hruaitu an ttuan deuh tik ah Ralram/raltuk umtu ning hi an pemh tuk rualo tiah ruah a si. Nawlpek nak tang i um mi a si ve tikah an mawh ve lo.

Zei kan ti hnga an mah le an si ning te an i theih ve i si lai a lang tlang in chimrel tuk hi cu tha lem lo. Ralhrang 100 an thih dih nak in kan ral kap hna pa khat te an nun nak a liam hi ka siang lo deuh hna kei cu. Va kham kho hna seh law a tam chin in an ra lai i kan lo dih lai.

Mipi Inn Ah Hriamnam Ngan A Tlak Caah Minung Pa 4 An Nunnak A Liam. Sagaing ramthen, Monywa pengfonh, ChaungOo khuapi Tama Myan sang mipi inn hna ah hriamnam ngan a tlak puah ruangah minung pa 2 an nunnak a liam ii minung pa 4 nih hliam an tuar tiah theih a si. “Ni zaan ah zaan suimilam 9:00 hrawng a si cang. Mipi umnak inn pa 3 inn cungah hriamnam ngan a tlak hnu ah a puak. Hliamtuar minung pa 6 hna laak ah minung pa 2 cu an nunnak a liam.” tiah tualchung mi pakhat nih a chim.

Monywa pengfong humhimtu tuanvo nngeitu pakhat nih, ” kut in tuah mi hraimnam ngan lung 5 renglo inn cungah a tla ii a puah hi a si. A nunnak a liam mi minung pa 2 hna cu Daw Htar Htar Nwe le Daw Wawa Moe an si hna ii U Kyi Lwin, Daw Nwe San, Ma Moe Moe Aung le U Maung Maung Kyaw hna pa 4 nih hliam an tuar.” tiah a chim.

Mah puah nak a chuah hnu ah hliamtuar mi le a thi mi pawl cu Monywa hrambunh Kawlram mi bochantu phu hna nih zaan ah cun an vun zuanhnawh colh hna tiah theih a si. Mah leng ah ni zaan zaan lei sangah Magwe ramthen, Myaing pengkulh, Thanbootaw khuate mipi inn ah hraimnam ngan a tlak ruangah minung pa 2 an nunnak a liam ii minung pa 6 nih hliam an tuar theih a si.

Dr. PC Biaksiama Dr. Biaksiama hi ka theihmi asi bak lo, cawnnak sang le carel zuammi cu asi lai ka zumh. Asinain nuhrinnak ahhin mifimvar ngaingai cu asi lai ka zum tuk lem lo, cu pin ah mi holhhak le thluak rang lemlo khi asi ngaingai lai tiah ka ruah. Cawnnak le knowledge leiah a sang ngai ko lai nain, pafim cu asi lai lo dah.

An debate dihlak ahkhan a main point a thlau deuh dih in ka hmuh, mi cawnpiak phun deuh, misoisel phun deuh, a dang pipi le tuanbia sawhsawh deuh in bia khi a chim. Ka hmuh ning ahcun a mualpho ngaingai ka ti, a lungtlau mi a lo pah. Rev. Thangliansanga , Rev. Thangliansanga hi mifim le biachim holhrel thiam ngaingai mi asi in a langh. A chim duhmi kha hrelh lo te bakin fawi taktak in a chim khawh dih i, Biaksiama bia lila khan rap ah a foih khawh. Nuhrinnak in mifim, holhrel thiam le cawnnak zongah ai za ngai ve mi cu si dawh asi.

Dr. PC Biaksiama nih hiti hin research le biahalhnak kha a tuah rua lai tiin ka ruah nain: Jesuh min in tipil a pek Lam 2: 38-41
Lamkaltu hna le Peter cawnpiaknak le umtuning paohpaoh kha a rak a hman dih maw, an rak i palhnak tete hna a um maw, timi phek khan Bible hi research a tuah lai i a vun thuat te rua lai, tiah ka ruah.

Tahchunnak ah Khrihfa hmasa hna nih an rak bochan tukmi le pabik bantuk i an ruah mi Peter cu mizahpi phun le mithleidan phun in a rak um i Paul nih a rak mawhchiatnak Gala 2:11 hrawng bia ti phun. Paul le Barnabas i siknak-Lam 15: 36-41 kar bia pawl khan, Jesuh nih a fialloning in cawnpiaknak maw, an nung ning kong tete le tipil in ning kha chim in Lamkaltu pawl nih Jesuh min in tipil peknak an tuahmi kha Jesuh fial ning rak si lo in kha lio kha Khrihfa an rak hrem tuk lio asi i,

zeizong te asimi Jesuh ah an rak i hngatchamtuk caah amah min theng tein tipil an rak innak kha asi, tiphun khin: Asiloah Paul nih thitum loin keimah bantuk hin um ulaw a tha, thitumh lo cun um viar usihlaw?. 1-Korin 7: 8-9. Paul cawnpiaknak pompiak awk a tha bak ti lomi 1-Korin 14- 34 hna khi an hlawt diam cang bantuk asi cang, tiin a chim te rua lai tiah ka ruah diam nain.

Cuti asi ahcun Lamkaltu hna le Paul kha an palh, Bible hi a palh, na ti nak maw asi ne lai? timi Biahalnak a um kho hnga. Cutik ah hitihin a leh te men lai tiah ka rak zumh; Bible hi a palh hrimhrim lo, Lamkaltu hna kha minung an rak si ve caah an rak i palhnak tete a cungah ka chim cang bantuk khan a um ve tawn, asiloah Peter le Paul chim mi maw ka zumh deuh lai Jesuh chim mi? tiin question vun tuah chin te rua lai ka ti diam.

Rev. Thangliansanga kha cu a chim dingmi point ah ai fiang tuk i fawi taktak in le tling cikcek in a chim khawh dih caah kha hleilo khan cu zeibantuk minung hmanh nih Oneness kong cu an fianter kho hlei ti lai lo ka ti, ka fak ngai. Zunhnak le Tuahsernak kong zongah Dr. PC Biaksiama cu a lungfim lomi a lo ka ti. Hi kong cu ka vun peh ti lai lo.

Rev. Thangliansanga 90 -10 Dr. PC Biaksiama Note: Neutral tak in ka rak cuanh ve ning tawite asi. Media le political lei deuh ah ka lung a um caah Bible le doctrine kong hi cu chim kai tim lo. Ka no lio ahcun biataktuk in research cu ka rak tuah ve i Bible lutaw hi voi 5 hna ka rak chuah bal nain kum 16 chung cu ka kaltak cang. Ka ruah ning le ka zumh hna ning cu an si lo ngai. Crd-Chelsea Bawi

Be the first to comment

Leave a Reply

Your email address will not be published.


*