SAC Nih Yangon Hmawbi Ah Bomb Hmanh Mi Drone 7 Kanfimtawl Tiah Thawng An Zam
===========
Yangon ramthen chung ah nihin zing Sml 10:30 hrawnv ah bombhmanh cia mi drone hna cu myonay thenkhat hna ah fimtawl a si pin ah Hmawbi ah drone -7 kan fimtawl chap tiah SAC lei nih thawng an zam. Hmawbi peng Auh-wa-net- chaung khuate ah drone pakhat irawk in a tla i a pyah hnu ah bombhmanh mi drone -7 cu kankawl i kan hmuh tiah ralhrang nih an ngeihmi media pawl nih an phpzar cu a si.
Hi kong he pehtlai in “Mihgadawong singinn pawng Jophyu pep zamnak pawng ah hmuh a si.burbuk cung ah mizei nih dah an a ra chiahhna ti bel kan thei lo, ngakchia lentecelh nak vanlawng bantuk an si, tutan ban tuk in tampi an fimtawl hi kan hmu bal lo a tak si sehlaw cu ralhrang pawl hi tubantuk in dai te in an um nemmam lai lo cuh” tiah mit in a hmu tu pakhat nih cun a chim.
Nihin zing ah Inya dilkam ah bomb thlaih mi drone pakhat a thlacia mi hmuh a si i SAC nih a hmun ah an puahkeh ter tiah tualchung mi pakhat nih a chim. Cupin ah chaklei ukkalapah No(2) sang Ohpungseih zong ah drone pakhat kan hmuh tiah SAC nih sang chung um singniam siang inn pawng ah an puh ter caah siangngakchia Nu le Pa thenkhat hna nih an fale cu sianginn car lei in inn ah an tinpi hna tiah tualchung mi pakhat nih a chim.
Nihin zing Sml10:30 ah SAC ralhrang hna nih myonay hmunkip ah drone cu voi lekhat te ah an char cu a si i,Hmawbi peng chung ah cun drone -7 an fimtawl cu a si tiah tualchung mi nih an chim.
SAC Ralhrang Ramchung Vuanci Soe Htut Hruaimi A Thlithup In Ceihhmaitinak An Ngei! American ii Burma Act, UN Security Council biachahnak, China-ASEAN, G-7, G-20 hna i Pressures pawl ruangah hinak in a har deuh kho, tiah Ralbawi Khun Thant Zaw Htoo nih a chim. American ii Burma Act, UN Security Council biachahnak, China-ASEAN, G-7, G-20 hna nih Pressure (ဖိအား) peek ruangah SAC ralhrang caah hinak in a har deuh kho ii sahrang thil tuahnak pawl zong a karh khawh deuh nak kong cu Ramchung vuanci Soe Htut (စိုးထွဋ်) hruai mi hna nih a thlithup in ceihmaitinak an ngei, tiah kan theih.
Naypyidaw, Myanmar Polices phu, Arinama Hall (အရိန္နမာ ခန်းမ), December ni 23 ah tuah mi Sahrang dohdalnak Cenhral phu ceihmainak No.1/2022 ah ceihhmaitinak an ngeih nak kong cu, theih a si.
Cu ceihhmaitinak cu Ramchung vuanci Soe Htut hruaimi hna nih an tuah ii Ramkulh, Ramthen, Police bawi pawl, Departments kip in minung (55) an kai ko hna.
Cu ceihmaitinak ahcun ramri kongkau Deputy Minister General si mi Khun Thant Zaw Htoo nih, Atu dirhmun pawl kan zoh a siahcun G-7,G-20 tonbiaruahnak in a ra mi a phichuak pawl, ASEAN-China in a chuak mi a phi chuak pawl ningin Myanmar ram chungah Sahrang thiltuahnak a karh deuh kho, tiah a zumh nak kong, American ram nih biachahnak a tuah cang mi Burma Act, UN nih nawlnawk le ASEAN hna ii Pressure ( ဖိအား) ruangah hinak in a har deuh khawh nak kong, a chim.
General Khun Thant Zaw Htoo nih Atu ah PDF, NUG hna he pehtlai mi pawl, Sahrang thiltuahnak pawl he aa pehtlai mi pawl cu a zizut a si hnu ah luatnak nawl peek lo ding timi Upadi biatung tuah khawh a siahcun rikhiah mi pakhat tiang cu zohkhenh khawh a si lai tiah a zumh nak kong telin ruahnak biatung pa 4 cung lei ah a chuahpi, tiah theih a si. Cu tonbiaruah ceihhmaitinak ah SAC ralhrang hna nih mipi pawl cu hinak rengh kharkhumh ding timi cu ruat in tuanvo laak ding timi Point pawl zong aa tel tiah theih a si. Credit: everything
Leave a Reply