Breaking News: Ralhrang phu nih CDF ralkap an tlaih mi minung 8 an phorh hna!

Breaking News: Ralhrang phu nih CDF ralkap an tlaih mi minung 8 an phorh hna!
==========
Chin ramkulh Hakha peng Chuncung le Falam peng Dokṭhek kar ah nihin May 3 zaanlei Sml 4:30 ah CDF-Hakha le SAC ralkap an i kap i, kahdohnak cu minutes 10 a rau, tiah kan theih. Chuncung le Dokthek kar ah minute 10 chung kahdohnak chuak, ralhraang 13 an thi, tiah thawngpang theih a si.

2022 May 3 zaanlei suimilaam 4:30 tluk, Chuncung le Dokthek kar ah CDF Hakha ralkap le SAC ralhraang kar ah minute pahra chung kahdohnak a chuak i ralhraang minung 13 nak tlawm lo an thi tiah theih a si. CDF ralkap pakhat nih, “Ruah a sur caah SAC ralkap pawl cu hmunkhat ah an i dor i, culio ah cun kan kah hna i, 13 fai an thi,” tiah a chim.

“Kan kah hna hi ruah a sur ca ah hmunkhat an um lio ah a si. 40MM le Sniper deuh kan hman. A bu in an umnak hmun ah kan bomb zong a tla. Minung 13 nak tlawm lo cu an thi lai,” tiah CDF Hakha ralkap lei sin in kan theih. CDF Hakha nih an kah mi hna hi Hakha in May 2 ah Kalay lei panh in a kal mi ralhraang minung 100 leeng le raltuknak motor (Armoured vehicle) pahnih le motor 20 leeng kha an kah mi hna a si.

Hakha in an chuah ni May 2 zong ah CDF Hakha nih Hakha le Chuncung kar ah an kah hna i ralhrang minung pathum an rak thi. Nihin kahdohnak ah CDF ralkap lei in hliam a tuar mi le a thi mi an um lo tiah theih a si. Hakha CDF hi cu an re cu a thei bak ko hih, Pathian tu nih umpi in Lam hruai ko hna seh.

Ralhrang cu Dokthek khua an phan, tuzan hi Dokthek khua ah riah dawh an si tiah an zumh. Dokthek khuaah an motor an dir lulh ko .”I kahnak um lo” timi kha theih palh sualmi si.ralhrang an kahnak nak hna kong a dang tein ka hun post tthan.

SAC mawṭaw 20 le armor tank 2 cu May 2 zinglei ah Hakha in Falam lei ah ah an kal. Cu mawṭaw lak ah cun nu le CDF ralkap an tlaih mi minung 8 tel in, an hren mi minung 18 an phorh hna, tiah kan theih. A luancia March 2 ah khan SAC ralkap nih Dokṭhek khua an rak luh hnawh i, inn 19 an khangh i inn 5 cu hriamngan in an hrawh.

“SAC nih sawmnak ruangah kan lung a buai ding a si lo, kan dirhmun a feh hau tiah chim ka duh”. SAC hruaitu General Min Aung Hlaing nih tlangcung hriamtlai phu he tonnak ngeiding in April 22 a biachimnak ah sawmnak a tuah chih.
Cu kong he pehtlai in Chin National Front (CNF) a dirhmun zeidah a lawh timi he pehtlai in CNF biachimnak nawl a ngeitu Salai Htet Ni biahalnak a si.

Hramhram in uknak a laktu General Min Aung Hliang nih tlangcung hriamtlai phu pawl he tonnak ngeiding in an sawmnak hna cungah CNF dirhmun zeidah a si? A hmasa bik ah, Myanmar ram buainak hi SAC le tlangcung hriamtlai phu hna karlak lawngah a cangmi buainak a si lo. SAC le Ethnic Armed Organizations (EAOs) lawng in tawlrel khawhmi buainak a si ti lo. SAC nih a thokmi buainak hi mipi le SAC karlak buainak a si cang. Mipi zapi kan i telmi ‘Mipi’ le SAC karlak ah a cangmi a si. CNF nih sawmhnak cungah zeibantuk biaruahnak hmanh kan tuah rih lo.

General Min Aung Hliang nih zeibantuk ruahchannak in dah tlangcung hriamtlai phu pawl hi an sawm hna tiah na ruah?Ramdang lei hmuhnak ah ramkhel lei ti khawh deuh nak hmuh a duh lawng si loin 2023 thimnak caah mipi hriamtlai phu pawl hrawh dih in daihnak a len khawhnak hnga tiah aa ruahchanmi zong a si ko lai.

General Min Aung Hliang nih tlangcung hriamtlai phu pawl keimah pumpak in ka ton hna lai, cun State Administration Council chungtel pawl zong he tonnak a um lai tiah a rak chim. Zeibantuk a phichuak dah na ruahchan? A mah pumpak in ton, State Administration Council phu pawl he ton zong aa hlei lo. A khat dihmi a si ko. Kan duhmi kan ngah kho lai maw ti kan chim a si ahcun, tonnak a um hlan ah ram pumpi khoika hmunhma hmanh hrelh loin kahdaihnak um seh tiah kan hal ahcun SAC nih a cohlang lai maw? Cucaah ruahchanawk zeihmanh a um lo.

Tonnak a kai duhmi tlangcung hriamtlai phu hruaitu chung in minung pahnih cu May 9 ah a hnubik thawngthanhding tiah SAC hruaitu nih a chim. CNF nih tah tonnak kaiding in min cazin pek nan i tim maw? Hi kong he pehtlai in biaruahnak kan tuah lo. Kan tuah rih lo.

A dangdang chim chap na duhmi a um maw? A tubantuk sawmnak kong he pehtlai in tlangcung hriamtlai phu si hna seh, mipi hriamtlai phu si hna seh, hramhram uknak hrawh cikcek ding cu kan i tinhmi a si ko caah mipi le a dangdang phu hna nih lungawṭawm ding zeihmanh a um lo. Kan zulhmi lam cungin i ṭhencheu lo le lungrual tein kan kalṭi a hau, SAC sawmnak ruangah kan lung a buaiding a si lo, kan dirhmun a feh hau tiah chim ka duh. Credit: The Chin Post, The Hakha Post, The Chinland Post

Be the first to comment

Leave a Reply

Your email address will not be published.


*