Breaking News: Ralhrang Phu Nih Hakha Thar Ralring an pek hna!

RALHRANG NIH HAKHA THAR RALRINNAK AN PEK HNA!
=========
Chin ramkulh, Hakha khualipi, Hakha thar lamruk tonnak checkgate cu nihin 30 Biangreithlep zaanlei suimilam 1:40pm hrawngah mizapi hriamtlai nih an kah hna caah ralhrang nih sangchung mi cu an auh hna i “a tu hi a hnubik ralrin kan in pek hna, a langhlat in an kan kah rih a si ahcun nan sang ning in kan khangh lai” tiah ralhrang nih sangchung mi cu an ti hna tiah thawng kan theih.

Khuami pakhat nih “Bonb voihnih a puak, meithla cu pehzulh in a puak, caan tlawmpal thawng a daih hnu ah sangchung mi cu an kan auh i, atu hi a hnubik ralrin kan in pek hna, hi hnu an kan kah rih a si ahcun nan sang ning in kan khangh lai ti’n” an kan ti tiah a chim.

Hakha Khua Chung Ah SAC Ralkap Hriamngan Thawng Pehtlai In A Thang! Chin ramkulh, Hakha ah May 30 zanlei sml 6:14 in Hriamngan thawng a thang. Hakha ummi pakhat nih,” ruah a han in hriamngan thawng cu voi 8 a thang cang. A thawng than tuk caah kan inn zong aa hnin dih, rungtlang in kap hna sehlaw a lo bik ko. Hriamngan kuan cu Hniarlawn thar lei kap ah a tla,” tiah a chim.

May 30 chun zong ah SAC ralkap nih Hakha thar mi hna cu innleng ah an chuahter hna i, ralrin an pek hna. Mino nih a thli in an kan kah lengmang caah hi hnu an kan kah rih cun nan inn kan duah dih lai, tiah an hro hna. SAC ralkap nih kahmi Bomb nih Hakha thar inn pakhat zunput zong a khen, tiah kan theih.

Chinmi nih cawk bak lo ding, CNF le CJDC nih an cohlanmi a si lo! “NUG Bond For Chin” tiah “Bond” zuar hram an thok. Kan caw lai maw? Chinmi nihcun kan cawk awk a si lo. A ruang, Cu Bond zuar dingmi cu CRFP nih an tolrelmi a si. CNF le CJDC nih an cohlanmi a si lo.

CRFP cu kan Chinram a humzualtu CNF le CJDC a dodaltu buu (anti- CNF/CDFs) a si. Vei te rual khi an si (Salai corrupted te ho). A tulio kan Pau dothlennak ah kan hriamtlai hna a dodaltu buu sin i kan chawva kan pek ding khi kan Miphun hmailei karhlannak ding caah ttihnung a si. Dawnkhantu a si te lai.

Kan Miphun ifun caan a si. Kan fim chin a hau. Miphun dang ihlen ter lengmang ti hna hlah usihlaw kan mah le mah zong ihleng ti hlah usih. A dikcak lomi buu paoh raltha tein do hna usih.

Bond kha cawk bak lo ding si lai. CNF CNA dohdalhtu deuh le Lutlaih a uarmi le hawi sin tel duh lo milaarnak kawl pawl an si. Kannih cu Vaurawng zuunthil, CBCUSA le Chinland Club pek ah a za diam. Kawlhring kut i kan luat zongah Kawlsen kut-tang kan tlaknak hnga dingca khur a comi buu an si caah iven ngai kan hau.

Utah state um mi Pu Chan Tlung Le Pi Lucy le An family cung ah kan i lawm tuk !Chin Ram Dothlen nak caah $ 1,5000 tiang in an kan thawh piak cun a dang tete in an thawh rih cun Guy’s from Chin guitar-$5800 in an kan cawk piak rih kan Miphun ah zoh chun awk a tlak tak tak mi Chungkhar an si Hmailei zong ah kan tei tiang A lam kip Pathian nih hmang chin ko hna seh law thluachuah pe chin ko hna seh!

An Guitar a phan i hlafunkhat ka sak nak ve i ka lunghmuih tak tak khi si! Chinland Club phaisa thawh zong ah -$1400 Kumkhat ca an thawh cang an cung ah kan i lawm tuk e!

Tuluk Nih MAH le SAC A Bawmh Hna Cu USA He Super Power I Zuam Cawh Nak Ah Abiapi Bikmi Kawlram Asi Caah Asi. Super Power ah number one si awk ah, USA, Russia le Tuluk hi aa zuam cawh mi an si. Suingun Lungvar Chawva, Dollar tampi ngeih, Gasoline timi Zinan tampi aahlei hluat tiang in ngeih, Hriamnam ṭha ṭha ngeih, ram tampi mah lei ah ṭanh ter, Vanchum hmun kaupi ngeih, Rili hmunhma kaupi hip, tbk vialte in I zuam cawh asi. Nihin tiang ahcun American a tei khawh tu an um rih lo.

Cu caah American is special one an ti tawn mi cu asi. President Donald Trump nih a uar tukmi Special One American biafang asi. An ram thum in a aw nakin let 5 aran deuh mi Vanlawng a ngeih mi an si ve ve. IT le Seh thilri phun phun hmang in ṭhanchonak, Economic timi Sipuazi le Business I zuam cawh asi caah, fimthiamnak Abiapi rup in, hmangrua datsi, Diesel, Zinan le gas tampi zong a herh fawn.

Global warming ruangah lung meihol hmang kha Vawlei pi nih an sian ti lo caah gas le Zinan hi to bik mi ansi cang. Tuluk nih Zinan le Gas cu Russia le African ram hna, Muslism ram (Middle East) in tampi an lak. Rili lam in gas an phawr. Russia ram in a lak mi gas cu direct in Tuluk ah an lut ter. African le Muslim ram in an lak mi Gas cu South China Sea ah akhonh hna. Cu hnu ah Malaka Rili deu in, Tuluk ram ah Gas phawrh man lawng tein UDS billion 3 renglo adih. Tuluk nih gas tambik acawk nak cu African ram in asi. South East China ah a khawnh mi gas cu kawlram aphiat ter khawh ahcun phawrh man USD 3 billions adih ti lai lo.

Cucaah Kawlram hip awk ah Tuluk nih a ngeihchiat le fimthiamnak tampi dih in aazuam nak cu asi. South East China in Rakhine in alak mi Gas pipeline ah rak fawnh ter khi asi ko. Tuluk nih South East China cu Vietnam le ASEAN ram hna in hramhram in achut hna. Aduh ni ak ti uh ati. USA nih atawng ah WWIII achuak lai ati China nih. Aruang cu rili kha hip in USA le Russia tei kha aazuam caah asi. Rili hip khawh awk ah Abiapi bik mi ram cu Kawlram hi asi. Cucaah MAH le SAC hi thihngam in a ṭanh nak hi asi. Kawlram ahip cikcek lawng aa za rih lailo. Kan leiba kan chamh khawh lo ahcun, Kanram le Rili cheukhat zong Tuluk pek a herh te lai.

South East China le ASEAN rili velchum ahip khawh ahcun Tuluk nih American a hrem khawh cang lai. Rili ahip khawh hnu ah Tuluk ram in Vawlei hmun kip le ram kip ah Leilawng lam le Tlanglawng lam pemh dih kha aa zuam. Sipuazi le Super Power ah Tuluk he aa zuam cawh mi ah India aa tel ve. India le Tuluk aa tawn nak bik hmun cu Kawlram asi. Rakhine rili kam in India Rili ah duh chung in tlawnlen khawh asi caah, India le American kha Tei khawh asi. Cucaah Kawlram cu asi khawh ding mi lam vialte hmang in Tuluk nih aduh zungzal. Kawlram a co tu nih a tei lai tiah India le Tuluk zuamcawh nak ah ti asi. Cucaah India le Tuluk he SAC an kawp nak hi asi.

Communist ram asi ko nain, Den Xioapeng nih one country two system in a rak hruai cang hna. 2017 ah ASIA Cakei buan aco khawh cang. Sipuazi ah zumh khawh lo tiang in a ṭhancho mi Tuluk ah Communist hruai tu hna nih an sersiam ve. 2013 ah Tamada Xi Jenpeng a kai. Pulam thluanpi (Vawlei kili a phan khawh dih mi lam) simankin cu athawk colh. BRI (Belt & Road Initiative) tiah min an pek. Taisawm bangin aatawn ṭhan mi Pulam thluanpi asi. Leilawng le Tlanglawng kalter ding asi.

Pulam thluan pi ah Abiapi bik mi cu Kawlram asi caah Tuluk le India nih Kawlram hip kha an I zuam cio hna. Bangladesh – India – Tuluk – Kawlram caah Sipuazi lam tawnnak, BCIMEC timi Sipuazi sincian lampi cu Kawlram hi asi. Kawlram sungh awk cu Fater thih tlukin aruah tu Tuluk asi. Tuluk Yunan Khualipi Kumen in India Culcutta, Kawlram Mandalay, Bangladesh Khualipi Dakka tiang aa peh khawh mi Leilawng lam asi. Cu lam hlawhtlin hram thawk nak caah, Chungchin – Linchian – Kawlram Tlanglawng lam cu Tlanglawng akal cang tiah, Tuluk Ramdang zung nih 24 May 2022 ah an thanh.

BCIMEC Simankin ah a hlawhtlin cang mi Tuluk nih, South East China cu Keimah ta asi tiah a ram innpa he an buailen ko nain, ka ta asi ko tiah hramhram in ati zungzal. Rakhine ram in an lak mi Gas Pipeline cu mipi nih Dohkalh hna hmansehlaw, Nawlngeih tu SAC le MAH he an I remh caah Tuluk ahrik a thak ve ti lo. Cucun India Rili le India Rili pi in Pacific rili ah zalon tein, donkhantu um lo tein, a lut chuak zungzal khawh cang lai.

Cucaah Kawlram hi Tuluk le Vawleipi Super Power ram hna caah Abiapi bik mi asi. Cucun Malaka Ziletcia timi Rili hna pehtawn tertu Kutserh Rili cu zalon tein a lanh cang lai. Cucun South East China Rili in India Rili ah duhchung, donkhantu um loin, Zalon tein a kal khawh zungzal cang lai. Cu dirhhmun phak awk ah hmunhma ṭha bik cu Kawlram asi.

Kyauhphyu Rili kam cu Tuluk caah Abiapi tuk mi asi. Tuluk ram Yunan in India Rili lei ah direct in kal khawh nak lam asi. Ahlan bangin Malaka Rili deu kha a hngat chan a herh ti lai lo. Malaka Rili deu hmang loin, Kawlram in Tuluk ah Zinan le Gas kuat khawh asi cang lai caah, Sipuazi ah Tuluk a miak ahmuh mi hi a tam tuk ngamsam. India le American kut ah Kawlram phak awk kha Tuluk nih aruah khawh hrim lo caah, SAC le MAH abawmh bangin AA le KIA zong abawmh ve hna. Tuluk cu LEI (3) ngeih asi. Rulpuar hmanh hi LEI (2) lawng an ngeih.

Tuluk cu LEI (3) aa ngeih caah Rulpuar le Limkeng nakin a zual hma deuh mi asi. Tuluk Ti Ralkap PLA Navy cu, Zalon tein India Rili ah a lutchuak cang lai. Cu ti si awk ah alaicer hmunhma cu Kawlram asi. Kawlram cu Tuluk nih ahmang khawh ahcun, American le ahawikawm rual a zuam cawh khawh cang mi Ralkapbu pakhat (CNAS timi Center For A New American Security) achuak lai tiah CIA nih an ti cang. Arab ram in Zinan le Gas kuatnak caah Kawlram hmang awk lawng si loin, BRI caah Abiapi bik mi Kawlram asi deuh. Credit: Saya H. Rung Kaw

Be the first to comment

Leave a Reply

Your email address will not be published.


*