Breaking News: SAC Ralhrang Ramchung Vuanci Soe Htut Hruaimi A Thlithup In Ceihhmaitinak An Ngei!

SAC Ralhrang Ramchung Vuanci Soe Htut Hruaimi A Thlithup In Ceihhmaitinak An Ngei!
========
American ii Burma Act, UN Security Council biachahnak, China-ASEAN, G-7, G-20 hna i Pressures pawl ruangah hinak in a har deuh kho, tiah Ralbawi Khun Thant Zaw Htoo nih a chim. American ii Burma Act, UN Security Council biachahnak, China-ASEAN, G-7, G-20 hna nih Pressure (ဖိအား) peek ruangah SAC ralhrang caah hinak in a har deuh kho ii sahrang thil tuahnak pawl zong a karh khawh deuh nak kong cu Ramchung vuanci Soe Htut (စိုးထွဋ်) hruai mi hna nih a thlithup in ceihmaitinak an ngei, tiah kan theih.

Naypyidaw, Myanmar Polices phu, Arinama Hall (အရိန္နမာ ခန်းမ), December ni 23 ah tuah mi Sahrang dohdalnak Cenhral phu ceihmainak No.1/2022 ah ceihhmaitinak an ngeih nak kong cu, theih a si.
Cu ceihhmaitinak cu Ramchung vuanci Soe Htut hruaimi hna nih an tuah ii Ramkulh, Ramthen, Police bawi pawl, Departments kip in minung (55) an kai ko hna.

Cu ceihmaitinak ahcun ramri kongkau Deputy Minister General si mi Khun Thant Zaw Htoo nih, Atu dirhmun pawl kan zoh a siahcun G-7,G-20 tonbiaruahnak in a ra mi a phichuak pawl, ASEAN-China in a chuak mi a phi chuak pawl ningin Myanmar ram chungah Sahrang thiltuahnak a karh deuh kho, tiah a zumh nak kong, American ram nih biachahnak a tuah cang mi Burma Act, UN nih nawlnawk le ASEAN hna ii Pressure (ဖိအား) ruangah hinak in a har deuh khawh nak kong, a chim.

General Khun Thant Zaw Htoo nih Atu ah PDF, NUG hna he pehtlai mi pawl, Sahrang thiltuahnak pawl he aa pehtlai mi pawl cu a zizut a si hnu ah luatnak nawl peek lo ding timi Upadi biatung tuah khawh a siahcun rikhiah mi pakhat tiang cu zohkhenh khawh a si lai tiah a zumh nak kong telin ruahnak biatung pa 4 cung lei ah a chuahpi, tiah theih a si. Cu tonbiaruah ceihhmaitinak ah SAC ralhrang hna nih mipi pawl cu hinak rengh kharkhumh ding timi cu ruat in tuanvo laak ding timi Point pawl zong aa tel tiah theih a si.

Min Aung Hlaing Le Ralkap Ralbawi Hruitu Hna Nih Vanlawng Kahdohnak Cu An Chap Ter Hna I Ralkap Colcangh Nak Caah Nifatin Meeting Au In Kahdohnak An Tuah! SAC ralhrang lutlai Min Aung Hlaing le SAC ralhrang hruaitu hna cu January ni 1 thawk in SAC ralhrang a dohkalhtu Tlangcung hriamtlai phu hna le PDF hmunhma vialte hna cu cung lei kahdohnak cu chap in Operations (Ralkap colcanghnak) caah nifatin meeting an au i raltuknak vanlawng in kahdohnak an tuahter peng hna, tiah theih a si.

“Tada-U, Aye Lae, Hmawbi ah a zungzal riantuan vanlawng khaltu pawl cu timicia in an um ter peng hna. A bik in an hmaan mi cu Yak -130 le SU-30 hna hi an si ii MIG hi a hmaan tlawm. Tata-U cunglei ralbawi (Commander of Air Force Headquarters)le Mechanical hriamnam lei in ralbawi siseh, ralbawi dang hna cu SAC ralhrang Headquarters a si mi Naypyidaw ah Emergency meeting an kai. Ralkap colcangh nak ( Operations) caah nifatin meeting an tuah i kahdohnak cu an tuah peng.” tiah cung lei (Air Force) thawngzamh sinin theih a si.

Jet Fighter khaltu le ralbawi pawl cu cunglei kahdohnak an tuah tikah thawngpang an theih sual lai an phan caah vanlawng an kai hnu lawngah an kal nakhnga ding le kahdohnak an tuah nakhnga ding hmunhma cu an theihter hna nak kong le timhcia tein ralring peek a um lo nak kong zong theih a si.

“Vanlawng cung an kai hnu lawngah khauika ah dah nan kal lai ii bomb nan thlak lai, khuaika hmun dah nan kah lai timi an chimh hna. Timhcia in theihternak tuah cu a um lo. A tu lio ah tanglei raldo pawl a thi mi le hliamtuar an tam caah a bik in cunglei kahdohnak an tuah.

Cu hnu ah tanglei raldo phu hna nih a hnu lei in hriamnam ngan in an kah lai ii hmunhman an laak (ting) lai. Cucu SAC ralhrang lei nih an thlen mi Strategy (ဗျူဟာ) a si. Voidang nak in ralring kan herh deuh cang” tiah Ralkap Phayethi thawngzamh (စစ်တပ်ဖရဲသီးသတင်း) nih a chim.

Tukum chungah thimnak tuah an duh caah Min Aung Hlaing le ralkap ralbawi hruaitu lei nih SAC ralhrang a dohdalhtu hriamtlai phu hna cu cabuai cung tonbiaruahnak an phak tthan khawh nakhnga ding caah ralkap thazaang cu chap in cung lei kahdohnak an tuah nak kong, Kahdohnak an tuah cuahmah lio ah kapkhat lei in remdaihnak caah lam kan hun peng ko tiah thawngthanh nak an tuah i a dohdaltu phu hna cu hriamnam chia hna seh timi ruahchanhnak he rian an tuan nak kong zong ralakap thawngzamh sinin theih a si.

“A hram bong in kahdohnak an tuah kho lo timi zong theih a si. Atu ah NCA cabuai cung tonbiaruahnak an phak tthan khawh nakhnga ding ah thazaang an hman. Thimnak zong an cohlan khawh nak hnga dingah taksapur in a donghnak ahcun hi lam hi an hmang” tiah Ralkap Phayethi thawngzamh (စစ်တပ်ဖရဲသီးသတင်း) nih a chim. Credit: Everythig

Be the first to comment

Leave a Reply

Your email address will not be published.


*