Breaking News; Salai Sui Sang Lian cu ralhrang nih an tliah hlei ralhrang pawl cu!

Breaking News; Salai Sui Sang Lian SAC Ralkap Nih An Tlaih!
=========
Chin ramkulh Khualipi Hakha khua ah nihin June 18 sml 12:00 hrawng Auto Sang um, Salai Sui Sang Lian cu SAC ralkap nih an tlaih.

Chungkhar he naihniam mi pakhat nih,” ruah lo piin SAC ralkap cu an ra i an inn an kulh colh. Inn chung ah an lut i chungkhar cazin an chek. Bia tlawmpal an hal hna hnu ah Salai Sui Sang Lian an kal pi hi a si. A phone chung zong ah zei hmanh a um lo. Zeiruang dah an kalpi ti zong kan hngal lo,” tiah The Chin Post ah a chim.

Ruah lo piin an ra i inn an kulh colh tikah thawng petu an um hrimhrim lai, tiah a chimchap. Mithmu tu pakhat nih Cherry sang lei ah an kal. Mi an kawl hna, laipuan an i ngerh i a chung in meithal an i put, tiah a chim. Poi tuk tung sang lung, Zei ruang ko ah dah si hnga, luatthan cawlh hram ko mu.

Tuan deuh tr bak ah အထက၃ chaklei in an rak kai pi mawtaw hme mi in si kan hmuh ko. aran nak in ralkap kut in luat nak bawipa nih pe ko seh tleih hi ka tih tuk. Poi tuk e Bawipa nih Raulo te ah luat nak pe koseh. Bawipa nih lam in hruai in in um pi ko seh law.

Kathar Peng Kahdohnak Ah SAC Ralkap 40 Nak Tlawm Lo An Thi. Sagaing ramṭhen, Kathar peng chung ah kahdohnak voihnih a chuak i, SAC ralkap 40 nak tlawm lo an thi, tiah theih a si.

June 17 ah Kathar peng nichuah lei Innkyi(အင်းကြီး) lam (17) hmun pawng ah voikhatnak kan i kap i (14) Kyauktaung(ကျောက်တောင်) pawng ah SAC ralkap pawl cu bomb lung hnih nih kan puah ṭhan hna. Zanlei ah SAC ralkap nih hriamngan in an kan kah, tiah Kathar Pah Ka Pha nih cathanh an chuah.

Cu kahdohnak ah Kathar pengkomh PDF Battalion 3 le Pah Ka Pha ṭangṭi phu hna nih an kah hna i, SAC ralkap 20 nak tlawm lo an thi. Kathar Pah Ka Pha in ralkap pakhat a nunnak liam ve, tiah theih a si. June 17 ah Kathar khua pawng motor dinhnak hnulei rawl dawr ah rawl a ei liomi SAC ralkap 60 hrawng cu, zanlei sml 2:00 hrawng ah Kathar Pah Ka Pha le ABSDF ṭangṭi phu hna nih an kah hna, tiah theih a si.

Zanlei sml 4:00 hrawng ah motor pakhat nih SAC ralkap hliamhma pumi hna cu sii-inn ah a kapi hna i, ralkap 20 nak tlawm lo an thi tiah cathanh an chuah. “Inn khua kahdohnak cu fiang in kan hngal lo. Zanlei ah SAC ralkap sii-inn an kalpi mi hna hi an tam ngai. A thimi cu 20 lawng an si lo, tiah sii-inn he naihniam mi pakhat nih a chim,” tiah Kathar khua sang No.(5) ummi pakhat nih a chim.

Depeyin Khuate Pahnih Cu SAC Ralkap Nih An Khangh Caah Inn 168 a Ciam. Sagaing ramṭhen, Depeyin peng Mukankyi le Sutat(မူးကမ်းကြီးရွာနှင့် ဆူးတပ်ရွာ) khua cu SAC ralkap nih June 14 ah an khangh i, inn 168 a ciam, tiah Depeyin peng Brother phu sin in theih a si.

SAC ralkap nih Mukankyi khua inn 75 le Sutat khua inn 93 cu mei in an khangh. An facang chiaknak, leithuannak seh thilri le an caw pawl cu an khangh piak dih hna, tiah theih a si. Depeyin peng ah SAC ralkap nih January thla in June thla tiang ah khuate 22 an khangh i cu chung ah inn 534 a ciam, tiah Brother phu nih an langhter.

Depeyin peng chung ah SAC ralkap nih khuate an khanghmi khua 17 chungin inn 346 cu inn khat ah 30,000 cio in Depeyin peng Brother phu nih an pek hna, tiah theih a si. Khangh a tong mi khuate 5, inn 188 cu bawmhnak an pe kho rih hna lo, tiah theih a si.

SAC Ralkap Nih Minung 26 An Thah Hnanak Kong An Chimnak Video Le Hmanthlak A Chuak. Sagaing ramṭhen ah SAC ralkap an sualnak le ṭih an nunnak kong video le hmanthlak cu RFA nih social media ah an langhter. SAC ralkap pakhat nih phone a thlaumi cu tualchung mi nih an char i, a phone chung ah tualchung mi 30 hrawng an kut ah hri in an ṭem hna i, an tlaihmi hna hmanthlak le phungki sianginn ah an ṭhutter hnanak hmanthlak a um.

Tualchung mi hna cu hni in an mit an huh hna i meithal in an kah thah hna. An pawng in SAC ralkap pahnih nih an zoh hnanak hmanthlak zong a um. Video chung ah SAC ralkap pathum nih selfie in video an i thla i, tualchung mi pa zeizat dah an thah hnanak kong an i hal. Video a thlatu pumpak nih,” kei cu ka ngakchiat tein minung thah hi ka rak huam tuk, ka duh tukmi zong a si,” tiah a chim.

BREAKING NEWS: Falam Khua Chung Ah Meithal Thawng Pehtlai In A Thang! Chin ramkulh, Falam khua No. 3 sianginn pawngkam ah June 17 zan sml 10:15 hrawng in meithal thawng pehtlai in a thang, tiah kan theih.

Falam khuami pakhat nih, “Zan sml 10:15 hrawng in meithal thawng a thang. Hriamngan thawng zong voi thum hrawng kan theih. Zan dang ah cun meithal thawng zong a thang bal lo, a dai ngaingai. Ruah lo pi a si tikah kan lau tuk,” tiah The Chin Post ah a chim.

“An i kap maw a si hnga ti cu kan hngal lo. Falam khuachung ummi kum 60 hrawng pa pakhat kuan hma a pu! SAC ralkap 10 hrawng cu private motor in No.3 sianginn lei panh in an kal,” tiah a chimchap. Chin ramkulh Falam No.3 sianginn ah sianginn a kaimi zong an tam ngai, tiah theih a si. Credit: The Chin Post

Be the first to comment

Leave a Reply

Your email address will not be published.


*