Breaking News: US Ram ah meithal kahnak a chuak than, minung 3 nunnak liam!

US Factory Pakhat Ah Meithal Kahnak A Chuak, Minung 3 Nunnak Liam!
========
US ram Maryland factory pakhat ah June 9 ah khan meithal kahnak a chuah than ruangah minung 3 nunnak a liam tiah theih a si. Mi pakhat nih a rianttuanyti hawile hna cu a kah thah hna hnu ah motor in zaam aa timh lio ah palek he an i kap.

Kum 23 lawng a simi meithal tlaitupa cu palek he an i kah hnu ah motor cungin a zuang i zaam aa timh lio ah hliam a tuar tiah Washington ah tuanvo ngeitu Douglas Mullendore nih thawng latu hna sinah a chim. Meithal kahnak a chuahnak konglam he pehtlaiin fiang tein hngalh fian a si rih lo nain meithal tlaitupa le kah thah a tongtu hna cu Maryland State, Morthern Smitland, Columbia Mission Company ah riantuanmi an si.

Company nih atu bantukin meithal kahthahnak kong he pehtlaiin nawlngeitu hna he hmunkhat ah riantuannak le cawlcanghnak a ngei nain i kah thahnak a chuahnak aruang bik chim cu a duh lo. Cu company nih ram 100 leng i wholesales hna sinah Concret seh thilri he aa pehtlaimi paoh cu wholesales in a pek hna tiah theih a si.

A liamcia kan hnu zarh ah khan US ramchung ah meithal hmangin mibu thahnawnnak a chuah hnuin meithal cawknak le zuarnak, hmannak phung cu fak piin phihkhamnak tuah cang dingin US Congress nih aa zuam cuahmah lio tiah theih a si.

Oklahoma Ah Meithal I Kahnak A Chuak, Pali An Thi! American ramchung Oklahoma state ah meithal kahnak a chuak than i, minung pali an thi tiah tuanvo ngeitu palek nih an chim. Oklahoma state, Tulsa khuapi chungum siizungpi chungah June 1 ah khan mipa pakhat nih meithal in pawngkam a kah hna caah minung 10 nih hliamhma an tuar tiah tuanvo ngeitu palek nih an chim.

Saint Francis siizung campus chungah atu bantukin meithal kahnak a chuak khomi dirhmun kha June 1 ah khan an hmuh lecangka in palek nih amah cu pehtlaihnak an tuah khawh colh tiah palek zung biachimnak nawlngeitu nih a chim.
Tulsa khuapi palek zung i biachimnak nawlngeitu Eric Dalgleish nih minutes 3 chungah an lehrulh manh colh i, zanlei sml 5:1 ah meithal ngeitupa le kharkhumh a tongtu hna cu an pehtlaih khawh hna tiah a chim.

Mizapi cu inncung dot ah an tlizaam hna i, innchung ah meithal kah thawng palek nih an theih lecangka in cuka hmunah an luhhnawh colh tiin Eric Dalgleish nih a chim. Palek pawl innchung ah an luh tikah cun meithal kaptupa a si lai tiah lunghrinhmipa zong a thih caah amah le mah aa kapmi a si lai tiah Dalgleish nih a chim nain ahodah a si timi bel a chim lo.

Kum tlingmi meithal kaptupa a si lai tiah zumhmipa nih hin zeiruangahdah pistol le rifle i tlaih in operation room hmai i mizaw hngahnak Natalie building ah meithal a kah, timi kong zong a fianter rih lo. A thimi le hliam tuartu hna cu siizung ah riantuantu hna he naihmianmi an si hna caah hmaizahnak langhter in an min cu chim phuan a si rih lai lo tiah Saint Francis sizung nih cathanh an chuah.

Britain Siangpahrangnu Nih Siangpahrang A Ttuan Kum 70 Tlinnak Puai Tuah! Siangpahrangnu cu siangpahrang a tuan caan kum 70 tlinnak ah Britain le Commonwealth ahcun puai an tuah. Britain ahcun ca cawn nili ni in puai an thok i, nili chung bak an tuah lai. Britain tuanbia ah siangpahrang tuan caan a sau cem mi, amah kum in kum 96 a tling cangmi Elizabeth chuahni lawmhpinak cu ralkap thazang langhternak in siseh upat peknak programme in siseh London khuapi ah an tuah.

Buckinghum palace hmaiah a kalmi rang ralkap hna cu siangpahrangnu nih sianhpahrang innpi balcony in a cuanh hna.
Siangpahrangnu i cousin brother Kent he ralkap pawl cu zatlaihnak an ngei. Siangpahrang innpi pawng Hyde Park pangpar dum chung zongin miakpi voi 82 bak an puah i, siangpahrangnu cu upatnak an pek. Cu an tuahmi upat peknak ahcun vanlawng ralkap le ti ralkap hna zong nih helikopter hmangin siangpahrang innpi hel in an zuanter i, siangpahrangnu nih a tuu le fale hna he balcony in an cuan.

London ah an tuahmi siangpahrangnu siangpahrang a tuannak caan kum 70 tlinnak Jubilee caah mi thong tampi cu London khuapi ah an ra. Ni 4 chung an tuah dingmi puai chung ah hin Buckinghum siangpahrang innpi hmaiah concerts siseh zalam cungah mizapi cu chuak in chun rawl dumtinak zong an ngei lai tiah theih a si. Credit; The Chin Post

๐—จ๐—ž ๐—ฅ๐—ฎ๐—บ๐—ฝ๐—ถ ๐—ฃ๐˜‚๐—ฎ๐—ถ ๐—”๐—ป ๐—ง๐˜‚๐—ฎ๐—ต, ๐—ง๐—ต๐—ฒ๐—ถ๐—ต ๐—” ๐——๐˜‚๐—ต๐—บ๐—ถ ๐—–๐—ฎ; Tu zarh cu England, United Kingdom ah an siangnuhrang chuahni le a pennak kum 70 tlin an lawm. Cawn nilini kha an thawk, zarhpini zan tiang a si. Theih a duhmi caah theihtlei tlawmpal siaherhnak he ka van แนญial.

Siangpahrang timi cu a um ti lo ah แนญha ti ceihcum a tam ngai nain UK i an phaisa hmuhnak biapi ngai pakhat cu Royal Family timi England siangpahrang te tuanbia hi a si caah le rampi rumra a neihtertu an si caah an hlaw kho rih lo. Cun hi siangpahrang chungkhar cu a biapimi an si ko a timi an tam ngaingai rih.

Siangnuhrang Elizabeth hi England tuanbia ah a pennak saubik a si, kum 70 chung siangnuhrang a แนญuan cang. Ralpi pahnihnak a dih tlawmpal ah khan a pa thi le fa upabik simi Elizabeth cu nu a si nain a pa luchin i chinh in “Ka thaw dih hlan lo zumtlak tein, cun lungthin le ruahnak dihlak he ram le miphun kan rianh hna la.” tiah biakamnak a rak tuah. Cu thawk cun UK cozah lu timi ram le cozah แ€กแ€€แ€ผแ€ฎแ€ธแ€กแ€€แ€ฑแ€ธ a si. A thil tuahmi an uar lonak tete a um tawn ko, siangpahrang chungkhar sikan neih ruang le ram caah bia a chahmi pawl ruang ah, nain kum 70 chung ah a min chia bal lo. A mualpho hraw lo. Mah tluk cun a biakam a fekmi a si.

๐—ง๐—ต๐—ถ๐—น ๐—บ๐—ฎ๐—ธ ๐—ป๐—ด๐—ฎ๐—ถ๐—บ๐—ถ ๐—ฝ๐—ฎ๐—ธ๐—ต๐—ฎ๐˜ ๐—ฐ๐˜‚, Elizabeth hi siangnuhrang sinak ding lam a rak um lo nain mitแนญhep kar ah zanmang bang a van si. Ka ruah ngaimi (interest) si caah an kong hi ka banh tawk ka rel. Naite i Historian pakhat nih a แนญialmi cu, Elizabeth a pa George VI (Albert) hi fahniang a rak si le a upa Edvard nih 1936 i a pa George V thih ah ro a co. Cu kum january in december tiang siangpahrang a si, a phungning tein suiluchin chinh ding a si lai december ah siangpahrang ka แนญuan kho la lo tiah siangpahrang sinak cu a hlawt. A ruang cu Edvard cu American nu, pasal pahnih a nei balmi he an rak i duh. Cu tikah thil fawi a rak si lo, a buai ngai ding a rak si. A duhmi nu hi American a si ruang te hmanh ahhin cohlan piak ding a rak har ngai. Chinchap i pasal pahnih a neih bal caah a fawi lo, cu nu cu ai thim le siangpahrang แนญhutden a hlawt.

Mah cun Elizabeth pa Albert lawng taan cang caah a upa suiluchin an pek ding ni cu leet loin amah cu an pek le a pa min George in a min Albert cu a thlen colh. King George VI ti a si. A vanchia, ralpi pahnihnak lio ah a biapi tukmi siangpahrang a rak si nain kum 56 a si ah thin cancer in a thi. Cu lio ah Elizabeth cu kum 25 a rak si.

George VI nih fapa a nei lo, Elizabeth le Magareth a neih hna. Fa upa Elizabeth nih a pa ro co. Tu hi kum 96 a si, kum 70 chung UK siangnuhrang แนญuan. A fapa Charles nih a chawnte men la tiah an bawh, nain a biakam bang a thaw chuah chung cu tikhin um dawh si ko. Tuanbia siseh Bible i kan zoh tik zong ah thil a si loning piin a simi um tawn, cu bantuk cu rolingmi cu an si แนญheo.

Siangnuhrang a si hnu ah voi hnih thah an rak timh, UK le Canada ah, an kah ko nain an rak kheng lo. Canada Quebec cu kum 60 hrawng an tlawn duh phah lo, Williams nih naite ceo ah a va tlawn. Thah a zaltu pahnih cu kum 10 cung hmanh thong an rak thla hna lo, mino tete an rak si. Cu ti cun Elizabeth cu Pathian nih nihin tiang a humzual.
Khah! An program ning ah tu chun kha England i biakinn hlun ngai pakhat ah Pathian sin lawmhnak biachimnak an tuah piak la. Credit: Hlawnching Bawimang Lian

Be the first to comment

Leave a Reply

Your email address will not be published.


*