Bungzung in a hungkai mi ralhrang rual cu, Leium khua le Lungcawi khuakar Update

Bungzung in a hungkai mi ralhrang rual cu, Leium khua le Lungcawi khuakar Update
=========
Bungzung in a hungkai mi ralhrang rual cu, Leium khua le Lungcawi khuakar Seikhun tiva ah an um lio si, Chunah kal loin zan tu ah an kal deuh rua ti si.

Cun, Motor lampi in Halkha an panh hrimhrim lai ti a fiang lo, Senthang tlanghrawn in Halkha rak luh an itim kho ve.

Bungzung lei in Halkha luhnak dingah motor lampi le Senthang tlanghrawn ti in lamhnih a um.Halkha in Bungzung lei an rak kal ahcun,motor lampi zul in an kal kha si i, tutan Halkha lei an rak kai hi cu,Senthang lei in an rak kai zumh a um deuh tiah ruah mi si.

Riva hrawn zongin an kai kho ko cu. Ke in a kalmi caahcun motor lam theng kha zulh an hau lo. Thohhlanzi ah san kan tlai lo tuk ko hih! Zalong te in an kal kho peng ko, Chinram fingtlang pei an theih viar ko hi.

Bunzung in Leium khuathar pawng a rak riak ralhrang hna cu, Lungcawi khua an phan deng cang. Lungcawi khuami zong an zam hna. Zei tin tuah awk va tha hlah mu mipi nun nak tu him hram2 ko hna seh law. Mah ca ahpei si lai, Hakha Wifi line le Telenor line an phih.

Bungzung in Halkha lei a rak kaimi uico rual kha, nizan 3:00pm tiang cu Leium khuathar pawngah an hmuh hna nain a tu tiang cu an thawng dang theih awk um ti lo. Leium khua le Lungcawi khuakar ramlak ah an lo/tlau dup ko tiah theih si. Ramtoi in Halkha lei an rak panh zong si kho an ti.

Mipi chok vai ca zongah ui hrut cu tih an nung tuk. Pathian nih kan mipi le kan ralkap hna, ui hrut le mi hrokhrol(Dalaan)kut in him te in veng hram sehlaw. Zei tin lam an zul ngam lai i kan pasal tha hna bawipa nih umpi hna i an ti ko cu. Credit: Salai William HC

Chin ramkulh chungah a rak biapi taktak mi lampi Mandalay le Hakha khuapi kalnak Gangaw le Hakha lampi cu ralhrang nih duh paoh in an zulh dawi khawh ko cang. Kan Chin ralkap thazaang thawnter chinchin a herhnak a tial a hung lang tuahmah cang. Mipi kan dihlak in kan tanrual lo ahcun hi ralhrang phu hi fawitein kan tei kho ti hna lai lo.

Gangaw lampi Mipi ralkap nih an rak ṭhing ton mi kha a tu cu Min Aung Hlaing Ralkap nih an ṭhing ṭhan hoi ko cang lawlawse cu kan sungh a si ko cang, nain kan theih khawh lomi Pathian khuakhaan remruah ruahchan awk a um rih ko mipi kan caah!

Halkha in Bungzung khua lei a rak phanmi ralhrang hna hi voidang ahcun ralhrang thazaang 100 le 200 hrawng an si lai, tiah ruah a si. Nain, tutan ralhrang an thazaang hi a mak ngai 400 hrawng an si lai, tiah mithmuh tualchung a ummi nih an chim. Bungzung khua le Hakha khualipi karlak hi caan sau nawn ralhrang nih an hmang ngam ti lomi lampi a si.

Nihin ah Bungzung in Hakha lei ah ralhrang thazaang 400 hrawng an kai than cang timi thawngpang theih cu Chin miphun kan caah thawngpang chia taktak khi a si cang. Ralhrang phu pawl cu sau ngai an caam hnu ah nihin ah ramtoi in Halkha lei kai ah an rak i thawh cang, tiah theih si. Khuami cheukhat nih an kai ko cang, ralhrang 400 hrawng cu an si lai, tiah an chim.

Bungzung in Halkha lei a rak kai lio ralhrang hna hi 200 in 400 kar paoh an si lai tiah zumh si. Leium khua hna cu an zam len cang. Gangaw le Hakhalay in a hung kai mi ralhrang dang pawl he i fonh in Hakha lei an rak panh tinak si ko. Nai Hakha in Bungzung lei an kal lio ah CDF-Hakha hriamtlai phu nih zeimawzat cu an phomh hna le an fim ko hna.

Hakha ah Datsi le Dissel minung pakhat ah Kyats 2000 man lawng dawr nih an cawkter hna. Myanmar ram chung ah ramdang in Petrol le Dissel a luh khawh ti lo ca ah rampi ning in petrol le dissel man a kai i hmun tampi ah rikhiah in an zuarnak a um bantuk in, Hakha khuapi zong ah rikhiah in meirawl haang petrol le dissel an zuarnak a um i a man zong a hlan nakin a kai deuh tiah theih a si.

Hakha khuapi chung petrol le dissel zuarnak hmun tampi lak ah a cheu cu rikhiah in an zuar lawng si lo in a man zong a hlan nakin an kaiter deuh. Cun, a hlan ning tein a zuar mi zong an um tiah khuami hna sin in theih a si.
Petrol man a kainak le rikhiah in an zuarnak kong he pehtlai in khuami pakhat nih, “Kan nih Gangaw lam lei sang hi cu a hlan nakin a man a kai deuh. Cun, rikhiah in an zuarnak zong a um.

Minung pakhat ah Kyats 2,000 man lawng cawk khawh a si. April 19 ni ahkhan pung he datsi cawk ah a kal mi poh cu an lawng in an kirter than dih hna,” tiah The Hakha Post ah a chim. Hakha khuapi chung petrol le dissel kong ah Ralhraang Council lei nih nawlngeihnak hmang in nihin tiang cu zuarter an si rih lo tiah theih a si.

Aung Aung Petrol dawr tuanvo ngei pakhat nih, “Kannih dawr hi cu rikhiah in kan zuar rih lo. Duh zat cawk khawh a si ko. A man zong a hlan ning kha a si rih ko,” tiah a chim. Hakha khuapi chung ah Petrol le Dissel a man tam cem cu Datsi thawl ruk ah Kyats 15000 le Dissel tengki khat ah Kyats sing 6 leeng a si tiah kan theih.

Kalay le Taingen kar ruak an hmuh mi chungkhar nih an hlam cang, mi thah mi si lai tiah an zumh. 2022 April 18 Tedim Peng, Taingen le Hiangzing kar meng tung 29 falaung 3 le 4 kar i ruak an hmuh mi cu Tedim Peng mi Kalay khuasa Moses Kim Tuang (Ramkhel minung) a si i chungkhar nih a ruak cu Kalay khuapi ah an vui cang tiah theih a si.

Moses Kim Tuang a thihnak kong he pehtlai in chungkhar nih cun amah te motorcycle accident nakin a thi mi si loin mi nih thahnak ruang in a thimi a si lai tiah an zumh.

Moses Kim Tuang kong ah, “2021 November 29 ahkhan an tlaih. December 1 ahkhan phone in an kan chawnh i ka luat cang an kan ti. Phone an kan chawmh hi zing suimilaam 10:00 ah a si. Kanmah cu kan i lawm ngai. Suimilaam 1:00PM hrawng ah Tedim a phan ding a si. Asinain ni a liam a phone kan chawnh kan chawn kho ti lo. Mi nih an thah a si lai ti kan zumh,” tiah Moses Kim Tuang a phak ding a hngaktu Saya Hau nih a chim.

Moses Kim Tuang a ruak hi ramlak ah a kal mi hna nih a thu a nam haw an theih i an va fuh tik ah motorcycle pakhat he lamthlang ah an hmuh. Aruak hi a rawk dih cang.

Soscial media ah a thawngpang a kai hnu chungkhar nih an va hlat i amah a si an fehter. Nihin hi Kalay khuapi ah a ruak an vui tiah kan theih. Moses Kim Tuang a thihnak kong ah thawngfiang nihin tiang theih a si rih lo. Credit: The Hakha Post

Chin ramkulh, Khaikam khuapi lei in Kalaymyo lei ah Motorcycle 125 a mongtu Lang Sian Mung cu ralhrang phu nih an tlaih ee, tiah thawngpang theih a si. A poi tuk hringhran, hriamtlai bu in khuachung le khuapi chungah duhpaoh in kan luhchuak mi hi kan ralrin ngaingai a hau cang.

Ralhrang phu nih an tlaihmi hi Tidem peng chung Muanpin khuasa a si i, PDF – Zoland hriamtlai phu ah a telmi a si, tiah Kalay University hmai ah an tlaih hi a si. Bawipa tu nih luatnak pek hram ko seh, Chin miphun dihlak nih thlacamnak in bawmh cio hna sih.

PDF Zoland, Lang Sian Mung kan tlaih tiah kalay hrambunh ralhrang nih thanhnak an tuah. Luatnak hmu hram sehlaw. CDF hriamtlai phu zong kan i ralrin ngaingai a hau cang, hriamtlai hnu ah duh paoh in khuapi chungah luhchuah lo ding kan i ralrin bak a hau cang.

CNF/A caah a kengruangruh bantuk a simi Chinland Club Of USA meeting pi ah states kip in CC-Local hruaitu minung 200 leng an rak ra hna, CBCUSA in Kan pale GS le President nih chunnitlak an hun kan telpi kho, tutan kan dohthlennak kongah Bia phunphun an chim CNF Kan pale lei nih an chim ve!

A luancia Kum 3/4 tiang ahkhan Chinmi khrihfabu tam u nih pulpit cungin ram le miphun kong chim a duh lomi zatuak 95% tluk cu kan rak si men Lai tiah Ka ruah,a tu ahcun zatuak 95% nih ram le miphun kongah I tel ve a herh tiah an cohlan pom cang hna!

Tutan kan dohthlennak ah lungawtawmnak um lo tein CBCUSA le CNF Kan pale nih an kan hruainak le an kan aukhuannak Aw hi kan zulh khawh Ko hna ahcun a rauh hlan ah kan Chinland kan ti lengmang mi Kalay, kabaw, Gangaw tiang khi cu kan kut ah a phan zau hrim Ko Lai tiah ka zumh ve!

Tutan kan dohthlennak hi tuan ah lim kan duh cio Ko ahcun CNF le CBCUSA Kan pale hi zumh le zulh khawh I zuam cio Ko hna usih! Midang nih tha an pek duh lo lio zongah,miphun kongah hmailei khua a hmu chungmi hna nih lungdong lo tein nan kan dirhkamhmi ruangah kan hun Thawng cak chin lengmang Ko kan i lawm!

A tulio CBCUSA- CDF Suppotrting committee nih an aupi cuahmah mi ah a khua in a cawl mi hi tam lak ka theih hna. Vaurawng in siseh. Kanpa le State kip ah kal i fund an kawl i tampi a chuak i lung a hmui i lawmh a um. A biapi bak ve rih mi cu a khua in cawlcangh hi a si.

Khua chairman le Secretary kut cungah a um mi bak si. An mah nih an kan cawlcangh pi ah cun khua mi hmuh tuk lo mi minung tiang nih an thawh dih ko lai. A tlanghuap in au mi hi 100 ah 10% lawng nih an pek i a huap a kau deuh caah zaapi umnak an phan kho dih lo caah a khua in an kan cawl pi cio hi a biapi tuk ve. A ho poh nih ngeih chun cio i changkho lo in kan thawh dih i cucu a work bik a si ko tiah ka ruah.

“Lunglawmh nak”; The 7th CNF Regional Committee USA Pi cu ZBC Hall ah April 16, 2022 Ni Zing 9am in 6:30pm tiang Bawipa lamhruai nak thawngin tluang tein kan limkho caah kan ilawmtuk hringhran, tutan kan Meeting Pi chungah CNF CHRO Director Salai Bawi Lian Mang nih Bia dawhdawh akan chimh i lung ahmuituk a nih hi Chin Miphunpi nih Vawleicung Ramkip i kan phanhkhoh nak caah tawlreltu lubik zong a si fawn i hopoh nih kan Upat hmaizah ngaingaimi Pasaltha zong a si, Cun CNF Chairman Pu Zing Cung le Pu Deniel Sakhong zong nih Bia dawhdawh ankan chimh.

Cun CBCUSA GS Rev. Dr. Thla Awr Bawihrin le CBCUSA Chairman Rev. Dr. Thawngling Mualhlun zong nih Biarosung ankan cah, Cun Regional Committee thimthar mi hna zong CBCUSA Chairman Rev. Dr. Thawngling Mualhlun nih Thluachuah hlpiak nak zong akan ngeihpiak hna caah Lung a hmuikhun ko, Zanlei 8:30pm hnu zong ah ICBC Biakinn Hall ah Kan Laimi lak i Hlasakthiam Minthang Mai Van Hlei Sung, Rebecca Fanai, Blessing T Par, Salai Sanghu Lian hna nih Awzai in kan Miphun ca riantuan tupawl ankan hnemh i anuamkhun ko.

Mai Van Hlei Sung cu amak lawlaw ko apum paluk in Aw longte asi rua tiawk in a um, Rebecca Fanai nih ”Mitthli na zur ai maw” Thlantlang” timi akan Sakpiak ciamam cu kan ttapdih kan Celhcio bak lo, Blessing zong Ngakchia te a siko rih nain a Awthat le Hlasak thiam cu amak ve hoi, Salai Sang Hu Lian nih Zuunhla he Ramhla he akan Sakpiak ve hoi i amak tuk ve hoi, Laimi kan Fanau hna nih Artist lei in hitluk an thancho hicu khuaruahhar taktak khi an si.

Zei sihmanh ah Bawipa nih kanram le kan Miphun ca khua kankhan nak le lai kanrel nak cungah lam akan hruaiko tiah kan zumh caah kan ilawmtuk ko, tutan kan Meeting Pi cu Chin State chung Pengkip Tlangkip in kan kaikho hna caah lawmh a umtuk, Ram le Miphun zonruah nak he State kip in ara mi kan Hoikom dawt nan zapi te cungah lunglawmh nak chimcawk lo kan ngei.

A hleice tein New Zealand Ram in arak ra mi Kan Arfi Dawh Mai Van Hlei Sung cungah kan ilawm khun hmailei a lamthluan chungah Bawipa nih kanram le kan Miphun caah hmangchin ko seh tiah lunglawmh nak kan vun langhter duh ko, Indy Chinland Club Local nih Dam tein tiah kan in thlah hna. Nan zapi te Chuntha Mangtha dih u law. Credit: Salai Ral Lian Thianhlun, Salai Tial Thawng

Be the first to comment

Leave a Reply

Your email address will not be published.


*