Camp Victoria I, Myone le Pengtlang CDFs pawl an umnak hna inn tete khi!

Camp Victoria I, Myone le Pengtlang CDFs pawl an umnak hna inn tete khi!
==========
CNF/A hmunpi a simi Camp Victoria I, Myone le Pengtlang CDFs pawl an umnak hna inn tete khi a luancia mi kum zeimaw ahkhan, ramleng I khrihfabu zeimaw nih innkhat ah $2500 hrawng dih in an rak sak piakmi an si hna, (a tu hi inn zeizat hrawng dek a si hnga ka hngal lo).

Hi lio ah innsaknak ca tiin CNF nih bomh an rak hal lio ahhin, micheukhat khrihfabu le cheukhat minung nih cun an rak duh ruam lo, innsak piak zong an hau lo mah pin khin minung zong an i chap pek ti lai lo a timi khrihfabu an rak tlawm hna lo, asinain CBCUSA ramchung khrihfabu zeimawzat chungin, inn khat a sak piak na, inn thum/li pi a sak piak na an rak si hna.

A tuah, ruah loning piin minung zong an hun karh chin tikah, training tuahnak inn, minung umnak inn tibantuk tampi kan herh chin lengmang ti si, a bikin hmual ngei deuh in kan kal khawhnak ding caah training tuahnak inn lian deuhmi tampi ngeih kan herh tuk ti si.

Cucaah cun, CNF kan pale nih ramleng khrihfabu bochan deuhmi hna sinah phungning tein sawmnak le theihternak tuah hna sehlaw, tulio kan dohthlennak caah a biapi ngaimi inn pawl hna le Camp Victoria ah man a ngei ngai dingmi inn hna dollar thong 20/30 man innsak cu fawi tein aa zuam khomi khrihfabu an um hrim lai tiah ka zumh ko.

Australia Zophei zong nih an ngeih bal lomi, War office inn mangtara an sak piak cang hna, kanmah local Chinland Club upa zong nih War office inn kam ah inn pahnih kan sak piak ko hna. Credit: Salai Tial Thawng

Pu Hei Vung (Vambai) Nih A Rak Chim Chungmi Cu Pakhat Hnu Pakhat In An Tling! A tanglei chim chung bia hna hi Thantlang peng Vambai khuami Pu Hei Vung nih a rak hmuhmi an si i Salen khuami Pu Sui Peng sinah a chinchiahtermi a si. Cucu Pu Sui Peng nih a facebook ah a tar i mizapi caah theiṭha a si kan ti caah kan lak chinmi a si. A biatlang le biafang tete kan remhmi a um.

Kum 1980, January-September thla 9 chung i thil a hung ummi chim chung bia tlangtar pa 4; (1) Chim chung bia a phuangtu: Pu Hei Vung (VamBai), (2) A chinchiahtermi: Pu SuiPeng (Salen), Cu thil a hung um ding mi chim chung bia pa (4) hna cu a tanglei ah a dotdot in kan van langhter lai.

(1) A tulio i cozah phaisa nan hman lengmang mi hi i khon duh hlah. Cun na ngeih cia a um sual a si le chawhring asiloah chawro caw. A tangka hrimhrim in i chiah hlah. hi tangka hi hman lo caan a ra lio. Kan dawt hna caah ka chimmi a si tiah a ti.

(2) A ka kuh pah in a kut a hna hram ah a tum i huihui hehe, huihui hehe! Zeitin e? Nan dam maw? Size, khoika in? America (US) in! Kan dam, kan dam. Nannih teh nan dam maw? Kan dam lio a si ve ko. Mah cucu a ra lio tiah a ka chimh ṭhan.

(3) Khuate kip ah hin meithei (or) ruapar in meithei a tlai lai i atu i meifar hi van lo caan a phan lai. (4) Kawlram hi a hung mui te lai i a muih tuk ahhin khuaruahar in a mui lai. Cu a muih ning cu khuadei lai muih he khin a tahchunh. Asinain a ceu zau ko lai a ti. Cutikah mi cu lunglawmhnak in an khat lai i minnung i ton i bia i ruahnak hmun paoh ah lunglawmhnak mittli a luang lai.

Cu lunglawmhnak mitthli cu tah uh an van ti i misifak mithli a luangmi a tam bik. Pahnihnak ah ngahṭah le nuhmei mitthli a luangmi a si. Cun Kawlram minung nih kan i lawmh te lainak le lunglawmhnak mittli he pehtlai in cunglei in hla fung (6) a sak i cucu tape chungah ka khumh.

CHIM CHUNG BIA A TLING TAKTAK MAW); (1) Hi phaisa (or) tangka hi hman lo caan a ra lio a timi cu 1986 le 1988 ah Ne Win nih tangka a thah. A thahmi tangka cu fang 15, fang 35, fang 75 le fang 90 ca hna an si. A tling taktak ko.
(2) Huihui Hehe. Zeitin? Nan dam hna maw? Khoika in? America (US) in.

Kan dam, kan dam. nannih teh nan dam maw? timi chimchung bia cu 1993 hrawng khan Malaysia kal aa thok i kum 2000 hrawng a phak cun ram hnihnak le ram thumnak in hello hello nan dam hna maw tiin duh chungin Phone kan i chon hna i a pehzulh thluahmah cang. Huihui Hehe, Hello hello ti zong a tling taktak ko.

(3) Khuate kip ah meithei a tlai lai i meifar van lo can a ra lio timi cu kum 2000 in a cunglei kan zoh tikah khuate kip ah meithei cu a tlai taktak i meifar cu kan vang ti hna lo. Hi zong hi a tling taktak ko.

(4) Kawlram a hung muite lai timi cu Min Aung Hlaing nih nawlngeihnak a lak khan kan ram cu khuadei lai muih he a tahchunh bang a hung tling taktak ṭhan ko. A ceu zau lai a timi hi thlarau bia a si caah hngalh khawh a har ngai ko.

Hi bantukin kan pa kan pu a simi Pu Hei Vung nih a chim chungmi bia pa (4) hna cu an dihlak in an tling ko cang. A ceu lai dingmi le lunglawmhnak mitthli a luan lai dingmi lawng a tang ko cang.
Kan ram ah ceunak tlung sehlaw lunglawmhnak mitthli luang cang ko seh!

CDF-Matupi He Kahdohnak A Chuah Hnu Matupi Khuachung Ah SAC Ralkap An Chuak Ngamlo. A luancia September 19, Matupi khuapawng ah SAC ralkap le CDF-Matupi kar kahdohnak a chuah hnu in kaphnih kar kahdohnak cu atu le tu a cang i SAC ralkap lei a thimi 10 hrawng an si lai tiah CDF-Matupi nih an thanh.

Kaphnih kar i kahdohnak a chuah hlan Matupi khuachung ah SAC ralkap atu le tu leng an chuak na in, kahdohnak a chuah hnu in nihin October 6 tiang ah SAC ralkap hna cu leng ah chuak ngam lo in an umnak sakhan chung ah timhcia tein an um i, cu hlan bantuk in leng zong ah an chuak tilo tiah Matupi khuami nih an chim.

SAC ralkap hna cu leng an chuah hmanh ah a phu le a bubu in an chuak tiah theih a si. SAC ralkap hna cu an sakhan chung lawng ah um in leng an chuah lonak kong he pehtlai in khuami pakhat nih cun “hriam aa tlaih lo mi mipi cu an kan kah thah ngam, an mah vial cu thih an ṭih taktak” tiah a chim. The Chin Post

Be the first to comment

Leave a Reply

Your email address will not be published.


*