Camp Vitoria Umnak Pawng Mizoram Chung Farkawn khua ah India Vanlawng A Ṭum cang!

Camp Vitoria Umnak Pawng Mizoram Chung Farkawn khua ah India Vanlawng A Ṭum cang!
===========
Boeing CH-47 Chinook, thilri phorhnak India helicopter cu tuzanlei India caan 1-2 karlak hrawng ah khan Camp Victoria pawng ah a ummi Farkawn khua, Mizoram ah a ṭum tiah theih a si. Vanlawng nih hin India ralkap a chiah chap hna maw thilri dah a chiah ti cu fiang tein theih khawh a si rih lo.

A hmun i ummi pakhat nih cun, “Ralkap umnak hmun ah civil mi luh khawh a si lo caah a langhlat in ka zoh ko hna, zeimawdik an zawnhchuah lio cu kan hmuh,” tiah TCP ah a chim. Min Aung Hlaing nih ramri ah kahdohnak a tauh caaah a min tein border security kan vun chap ti khi si ko lai lo maw, Kala thluak cu, Min Aung HLiang nih CV a kah than lai I cu tik India ram a lut mi pawl khamh ding ah a ralkap chiah a timh I si ko lai.

SAC Ralkap Vanlawng Nih Mizoram Chungah Bomh A Thlaknak Kong He Pehtlai In Mizoram Community 5 Nih India Cozah Sinah Ca An Kuat Lai. SAC Jet Fighter India ram chungah a zuang i bomb voi 2 a thlaknak kong he pehtlai in Mizoram Community ngan 5 nih India Minister of the Interior sinah ca an kuat lai, tiah theih a si.

Central Young Mizo Association (CYMA), Mizo Upa Pawl(MUP), Mizo Hmeichhia Insuihkhawm Pawl(MHIP), Mizo Zirlai Pawl(MZP) le Mizo Student Union (MSU) hruaitu hna cu January 13 ah CYMA zung ah tonpumhnak meeting kan ngei i India cozah sinah cakuat dingin biakhiahnak kan tuah, tiah, tiah cathanh an chuah.

“SAC Jet Fighter nih India ram chungah bomb voi 2 tiang a thlakmi hi India ram humhimnak a horsuan pinah India ram chung a ummi a kan hrocer bantuk a si caah kan cohlang hrimhrim lo,” tiah an langhter.

India ram humhimnak le a limhang a zor lonak ding kilvennak dingah Mizoram bu ngan ngai a simi bu 5 nih India Minister of the Interior sinah hmalak dingah ca kuat an i tim hi a si, tiah theih a si. SAC nih Jet Fighter in a luacia January 10 le 11 ah nihnih chung pehtlai in Camp Victoria cu bomb in an thlak caah bomb lung 2 zong Mizoram ramkulh Farkawn khua hmunram ah a tla, tiah theih a si.

SAC Nih India Ramchung Ah Bomb A Thla Lo Tiah Assam Rifles Nih A Humzual. CNF headquarter Victoria Camp cu SAC ralkap nih vanlawng in bomb a thlak ko nain India ram lei ah bomb a tla bak lo tiah India, Assam rifles nih an thanh tiah Rediff nih a langhter.

SAC ralkap nih bomb a thlak ah India, Mizoram ramkulh Champhai District chung ah bomb a tla tiah tualchung mi hna nih phuan le chimceih a si hnu ah a tubantuk in cathanh an chuah hi a si.
Assam rifles cu India-Myanmar ramri India ramri vengtu an si.

SAC ralkap nih CNF/CNA headquarter Camp Victoria bomb a thlak ah India ramchung ah bomb a tla tiah tualchung mi hna nih an chimphuannak kong he pehtlai in, fiang tein checkhlatnak kan tuah dih hnu ah phungning tein cathanh kan chuah lai tiah Champhai District lutlai ṭuanvo ngeitu pakhat nih a chim.

Champhai District Farkawn khua council chairman nih Mizoram lei Tiau tiva pawng ah bomb pakhat a tla i puahkehnak a chuah caah, council chungtel pakhat i a motor zong a rawk tiah a chim tiin Rediff nih cun a langhter.

LADC Chief Executive Member Pu V. Zirsanga Nih Bangladesh Chin Ralzam A Veh Hna. Lai Autonomous District Council, Chief Executive Member Pu V. Zirsanga nih cun Bangladesh ram in LADC ramchung ah a rak zaam mi ralzam a vehvat hna, tiah AIR News nih a ṭial.

Bangladesh ram ah Chin-Kuki hna nih mahte lairelnak phunglam an ngeih khawh nakding ah cozahpi dohkalh dohthlennak an tuah i, Bangladesh ralkap le Rakhine ralkap (Arakan Army) hna nih Kuki Chin National Army cu an kah hna caah mipi tampi umnak ngei loin an zaam, tiah a liamcia 2022 kum donghlei khan theih a si.

Bangladesh in a rak zaam mi hna hi a tam deuh cu Chin mi, Bawm miphun an si i, Lai mi he holhkhat a hmang mi kan si. LADC CEM nih Bangladesh Chin ralzam hna cu hngangam te i um ding in a chimh hna, tiah theih a si. Credit: The Chin Post

Be the first to comment

Leave a Reply

Your email address will not be published.


*