CDF Matupi Zeitik Hmanh Ah Minung Hmaiah Kan Khuk Kan i Bil Lai Lo!

CDF Matupi Zeitik Hmanh Ah Minung Hmaiah Kan Khuk Kan i Bil Lai Lo!
=========
Miphun le ram caah nunnak thapmi ram caah riantuan cuahmah mi CDF Matupi zeitik hmanh ah minung hmai ah khukbil an i tim lo. 1. CDF Matupi cu a nungmi Pathian a zummi kan si. 2. CDF Matupi Headquarter (Camp Zion) ah zinglei ah voikhat thlacamnak (Devotion) zaanlei ah voikhat Special Prayer Time nitin tuah a si.

3. CDF Matupi Headquarter (Camp Zion) ah tonpumhnak (meeting) tuah caan paoh ah a hramthawk ah thlacamnak in thawk i a donghnak ah thlacamnak in donghter a si. 4. CDF Matupi Headquarter (Camp Zion) ralkap hna cu CDF Matupi hruaitu hna rian i palhnak um lo dingin zarkhat voikhat tlamtlin lo nak chim le pekhat le pakhat thazaang i peknak an ngei.

5. CDF Matupi Headquarter (Camp Zion) ah raltuk i thawh lai paoh ah tlacamnak ngeih ta a si, cuhnu ah raltuk i thawh a si. 6. CDF Matupi Headquarter (Camp Zion) i Devotion..Special Prayer..Worship Service.Meeting Service.. caan a bikin a hruaitu hna cu (Ph.D) ngah cang mi a si.

7. CDF Matupi Headquarter (Camp Zion) Ralkap hna cu miphun, biaknak, holh a khat lo an tam nain chungkhar khat bantukin dawtnak he kutsih in ram le miphun caah nunthap in riantuanmi an si.

8. CDF Matupi cu a nungmi Pathian ah hrambunhmi le hmailei karhlannak ding caah Pathian sinah pekchanhnak a ngeimi kan si caah, a diklo mi phu le zatlang, i thencheunak a chuahter kho tu bia le thiltuah mi ralhrang hmai ah zeitik hmanh ah kan khuk kan i bil lai lo, mizapi he hmunkhat ah kan dir. CDF-MATUPI Spoke person. Nai John, CDF. Matupi (Camp Zion), Dohthlennak ah teinak kan hmu hrim lai.

Biaknak lei kan pupa hna rianttuan pekchanhnak thawng in Chinram, a hlei in thlanglei ah Thantlang le Hakha peng hi dirhmun ttha an rak ngei. Chinmi a tam-u nih lothlo dirhmun lawng an rak si bu in neih chun chuah in rak kalpi mi CCOC le bu kip in mission rianttuannak thawng in mi tampi nih nulepa bantuk ah Thantlang Hakha hi an rak hmuh.

Biaknak upa le rianttuanak thawng in Chin ah i pum-khahnak, I dawtnak le i bochannak a rak tthang. Nain kan politicians pawl nih pengtlang kar i zuamcawhnak ruang ah ni khat hnu ni khat, kum khat hnu kum khat in an nuarhter lawng si loin a zim an sih lengmang i a thi lo menmen dirhmun ah pengtlang kar pehtlaihnak hi a phan, ti khawh a si.

Tutan dohthlennak zong hi Biaknak lei pupa hna cinmi thingkung caah non maw a si lai, rungrul dah a si te lai timi hi a kan hruaitu hna cung ah tampi ai hngat. Duhsah tete in Thantlang Hakha mipi zong pengtlang kong ah kan extreme deuh deuh timi Facebook cung I comment tete rel ah a lang. Hi kong ah i thlohnak le i tlangtlaknak phun um loin a chel ah cun ai forhmi tu kan lo ttheu. Dirpitu Kan ngeih ah a za a timi zong an lo tawn.

Tutan dohthlennak chung ah CCOC le missionary hna nih rak kalpi mi miphun huap thlarau kha thaw pek chap timh a si lo ahcun Biaknak lei kan pupa hna pekchanhnak kha a man tampi tlak ter khawh a si. Chinram chung i tthithruainak ah cuhlan i Hakha Thantlang upa hna dirhmun tiang a rawk te kho.

Kawl lakah miphun pakhat dirhmun in huham ngeih ve nakding ah a biapi bik mi pakhat cu Biaknak hruaitu hna, missionary hna nih an rak cinmi Chin ah i pum-khahnak, Krih ah unau sinak thingkung kha tthanter i tthawn ter chin hi a si. Chim duhmi cu mission rianttuannak ah neih chun rak hman i missionary an rak thlah mi hna khi chim duhmi a si. Kei cu lungrual kong hi a si kho lo i Kan ruah ahcun dohthlennak hi Kan caah rawhnak men ah ka ruah ko hih. Credit: Mang Hram Kung

Zei ruang ah dah Arakan Army (AA) hi tluk in caan tawi te chungah an thawng khawh? AA an thawngnak hi international academics pawl tiang nih an kherhlai cuahmah lio pi a si. A ruang tampi a um lio ah key points in ka ruah mi hna pawl cu: 1. An hruaitu pa principle a ngei. Social media ah laar ai tim lo. Revolution ka tuah ti ai thei.

2. A riantuan pi dingah a khulnuar mi pawl le a mah he ruahnak ai khat lo mi a la hna lo. Vision ai khat bak mi he rian tuan ai tim. An vikvak a tha. 3. An miphun an cathiam le ramleng ca cawn a fim thiam deuh ti mi paoh an chonh biak lo mi le bia an ruah lo mi a um lo ti a si.

4. Rian rang tein Rakhine ram ri he ai peihtlai mi Bangladesh Cozah siseh Mizoram Cozah tiang peihtleihnak a ser. Ni hin ni ahcun Mizoram Cozah zong nih AA hruaitu pa cu an upat ngai ti a si cang. International relations an thiam kho tuk.

5. Lutlai tu a si bantuk in a mah zong ca a rel ve bantuk in critical thinking a ngei tiah a ruah mi hna sin ah ruahnak a hal theo tawn hna ti a si. Asinain, kan nih miphun cu. Credit” Saya Sang Hre

SAC Ralkap 100 Renglo Cu AA Sin Ah An Zaam! Arakan Army (AA) sin ah SAC ralkap100 renglo an rak zaam tiah nihin June 14 ah an tuah mi Press conference ah AA chimnak nawlngeitu Khine ThuKha nih a chim. A rak zaam mi SAC ralkap hna cu kan si khawh chung in zuanruahnak he bawmh khawh kan i zuam i an umnak hmunhma zong kan tawlrel piak hna tiah AA chimnak nawlngeitu Khine ThuKha nih a chim.

SAC ralkap in a rak zaam mi hna a minung zat tu cu dikthlir in chim ka tim lo tiah a chim chap. SAC ralkap hna cu ram pumpi huap in mizapi vengtu ralkap, tlangcung hriamtlai phu hna he kahdohnak tampi a um i cu kahdohnak ah cun a thimi le hliammi an tam.

SAC ralkap kuttang ah um an duh ti lo caah tlangcung hriamtlai phu he fonhmi an tam bantuk in NUG sin ah pehtlai in mipi sin ah a dor mi ralkap le palik 10000 hrawng an si cang tiah NUG Union Prime Minister Mann Win Khaing Than nih a chim.

Paletwa Peng Ah Arakan Army( AA ) Nih Datsi Tank 70 Leng An Laak. Chin ramkulh, Paletwa peng ThaHpiaTaunh(သံဖျာတောင့်) khua pawng ah seh tilawng in datsi phormi cu, AA nih June 11 ah an tlaih, tiah tualchung mi sin in theih a si.
ThaHpiaTaunh khua cu Rakhine peng Kyauktaw khua in Chin ramkulh Paletwa khua kar ah a ummi a si.

Ti lawng cu Kyauktaw in Paletwa lei a kai lio ah atu bantuk in AA nih an tlaih hi a si. Datsi a ngeitu hi Rakhine rammi a si, tiah theih a si. Atu lioah Paletwa khua datsi man hi 1 litter ah 5000 tiang a phan. Thilman a kai tuk caah datsi cawknak tangka zong a har tuk, tiah tualchung mi sin in theih a si.

Ann Khuapi Um SAC Ralkap Officer CDM A Tuah; Rakhine ramkulh, Ann( အမ်း) khuapi nitlaklei Military Headquarters, No. 946 Construction Division (Engineer) in a chuakmi SAC ralkap Officer pakhat cu mizapi he hmunkhat ah ṭangṭi in CDM a tuah tiah Loikaw – PDF nihin June 14 ah a langhter.

Cu SAC ralkap Officer cu a luancia May thla ah PDF- Loikaw sin ah pehtlaih nak a tuah i CDM a tuah hnu, nihin ah mizapi sin theihter nak cathanh an chuah hi a si. SAC ralkap officer hi Loikaw – PDF Battalion nih a herhmi eidin thilri zapi cu tuanvo kan lak lai caah ram thumnak kal a duh a si zong ah kan tawlrel piak ko lai tiah mizapi ralkap phu nih an langhter.

SAC ralkap nih mipi cung ah phungning lo in tlaihkhih, hremnak, kahthah nak cu pehzulh in an tuah nak ah i tel duh ti lo in le an zoh kho ti lo caah a kenkip ah kal in nifatin titluk in CDM a tuahmi an um ko tiah an langhter.
Hramhram nawlngeihnak latu SAC ralkap dohnak caah hmual a ngei bik mi cu CDM tuah hi a si caah mipi cung ah harnak fak a petu SAC ralkap hi kaltak in CDM nan tuah nak lai kan in nawl hna tiah LoiKaw – PDF nih cathanh ah an langhter.

Myanmar ramchung ah SAC ralkap nih nawlngeihnak an lak hnu kumkhat leng chung ah SAC ralkap kaltak in CDM a tuah tu Ralkap le palik 10000 leng an si cang tiah April thla chungah an tuahmi NUG cozah i kumkhat tlin nak cathanh chung ah an langhter. 2021 February 1 hramhram nawlngeihnak an lak thok in kumkhat leng chung ah SAC ralkap nih meiduah in an hrawh mi mipi inn 20000 hrawng a si cang tiah Data For Myanmar nih cathanh an chuah.

CDM Siangngakchia 30,000 Kan Thim Cang Hna Tiah Kaung For You Federal Private School Nih Thanh. CDM siangngakchia 30,000 kan thim hna hnu ah sianginn apnak kan cohlan cang, tiah NUG fimcawnnak zung kuttang Kaung For You Federal Private School nih, nihin June 14 ah cathanh an chuah.

Siangngakchia thimmi hna hi CDM siangngakchia an si lai, a dang siangngakchia an cohlan lonak kong zong an langhter. Atu tiang siangngakchia 30,000 an cohlan mi hna chung in 22,000 hi sianginn fund caah an pek. 8000 hi a lak in kan chim hna lai, tiah an thanh.

Kaung For You Federal Private School ah a kai ding siangngakchia hna nih, SAC kuttang sianginn he pehtlaihnak ngeih lo ding le kai lo ding in an thanh. A kaimi an um ahcun sianginn chuah an si lai, tiah theih a si. Kaung For You Federal Private School ah aa apmi siangngakchia hi sing 200,126 an phan. Tuan ahcun siangngakchia 10,000 lawng an rak cohlan nain 30,000 tiang an cohlan ṭhannak a si.

Kaung For You Federal Private School ah NUG fimcawnnak phung ning in KG in Grade 11 tiang online in an cawng lai. 2020 cawnnak thar ning in an chimh hna lai. Singapore an cawn ning le Kanaan cu Japan siangniamrun cawn ning in an cawng lai. Sianglairun le siangsangrun zong an cawng lai. Cambridge mirang ca zong an cawng chih lai, tiah an langhter. Credit: The Chin Post

Be the first to comment

Leave a Reply

Your email address will not be published.


*