CDF Nih Ralhrang thil tuahsernak hi an kham hna bak an hau ko cang!

CDF Nih Ralhrang thil tuahsernak hi an kham hna bak an hau ko cang!
==========
SAC nih Chin ramkulh chungah sianginn awn ṭhan ding in timhtuahnak a ngei. Chin ramkulh chung kahdoh a tamnak hmunhma pawl telh in peng tam deuh ah 2022-2023 cacawn kum caah sianginn pawl cu June 1 ah on khawh ṭhan ding in SAC nih timhtuahnak a ngei tiah theih a si.

Kahdoh a tamnak Mindat peng chung zongah SAC nih High School awn ṭhan ding in timhtuahnak a ngeihmi hi mipi pawl khamnak caah hman a duh i a si lai tiah CDF-Mindat Brigadier General U Thang Chum Phe nih Chin World ah a chim.
“Zeizong vialte hi ningkhel te a si cang timi kha langhter a duh, a taktak ahcun kahdoh a fah lioah khuapi chung ah zeitik caan poah kahdohnak a chuak khomi a si.

Sianginn hna awn ṭhan in khamnak caah an hman duh i a si lai tiah ka ruah. SAC kuttang ahcun, sal fimcawnnak a si tiah an fale sianginn a ap duh lomi an um bantuk in cheukhat nupa nih an fale sianginn kaiter a duh cangmi zong an um tiah theih a si. Hakha khuami pakhat nih” Atu bantuk ramkhel a ṭhat lo lioah pakhat le pakhat kan harnak aa lo cio lo.

Cheukhat hna ralzaam dirhmun in an um lioah sianginn awn ding a si rih lo, fa ka ngei ko nain ka kaiter hna lai lo” tiah Chin World ah a chim. Mindat peng mipi uknak phu hna nih a luancia kum in khuate kip ah fimcawnnak an thok cang tiah theih a si.

CDF-Mindat Brigadier General U Thang Chum Phe nih “SAC he cun zeihmanh ṭanṭi in rianṭuan a si lai lo, mipi zong zeitik hmanh ah SAC he an i fonh lai lo, SAC rualchan cingla lawng an kai lai” tiah a ruahdamh.

SAC Ministry of Education zong nih a raa laimi 2022-2023 cacawm kum caah sianginn apnak cu May 26 in June 1 tiang riikhiahnak a tuah i sianginn ap tikah tangka lak lo ding, sianginn hman tein an kai khawhnak hnga nu le pa he rianṭuanṭi ding in a rak langhter.

Chin ramkulh peng cheukhat, mipi hriamtlai phu nih an tlaihnak hmunhma hna cun nikum in fimcawnnak an thok cang tiah theih a si.

Kum khat chungah CDF-Mindat hriamtlai 46 an nunnak a liam; Hramhram uknak cu hriamtlaih in doh a si hnu kum khat lengah Chinland Defense Force-Mindat in hriamtlai 46 nih ram le miphun caah an nunnak an pek tiah theih a si. Kahdohnak ruangah a nunnak a liammi CDF-Mindat hriamtlai hna an min cu CDF-Mindat in biachimnak nawl a ngeitu Salai Mang Aung nih May 16 ah a langhter.

“A fekmi nan zumhnak he hmai nan kalmi dothlennak lam cungah pheo lo le ding tein kan rak pehzulh ko lai ka hawile hna” tiah Salai Mang Aung nih a chim. CDF-Mindat hriamtlai 46 cu Chin ramkulh, Mindat peng chung kahdohnak ah 2021 May 13 in 2022 May 2 tiang ah a nunnak a liammi an si.

Chin ramkulh ah SAC ralhrang pawl hriamtlaih in dothlennak tuah a si hnu kum 1 lengah SAC ralkap a thong leng an thi ve. Cu chungah, Mindat khua chungah 300 hrawng an thi tiah CDF-Mindat hriamtlai pakhat nih an khomhsuatmi charhchan in a chim. A hnubik Matupi in Mindat lei ah a kalmi SAC ralkap mawṭaw thluan cu CDF-Mindat nih an kah lengmang hna.

KyaukHtoo ah a kal dingmi cu mawṭaw thluan hmai a zoh piaktu ralkap pawl cu CDF-Mindat le phukomh hna kahdoh ruangah a thimi an tam. Cucaah, CDF-Mindat ruangah SAC ralkap 400 leng an thimi an si cang. Cun, May 16 thok in SAC cu hriamtlaih in kan doh cang hna lai tiah biakhiahnak kan ngeih hnu ah khua cu kan chuahtak tiah Salai Mang Aung nih a ṭial.

“Tuni cu Mindat khuapi kan chuahtak ni, a nunnak a liammi kan hawile caah kan ngaihchiatnak ni a si” tiah a chim.
A nunnak a liammi CDF-Mindat hriamtlai hna an min le kahdohnak hmun pawl cu conglawmhnak he an langhter. Credit: The Chinland Post

Be the first to comment

Leave a Reply

Your email address will not be published.


*