Kan Dothlennak Le Forhfialnak!
========
Kan dothlennak ahhin mipi kan temtuar i pasaltha le nusaltha tampi nih an nunnak tiang an pek, inn le lo tampi an hrawh i kan ngaih a chiat dih. Asinain Tulio a buai cuahmah mi Syria le Ukraine tepawl sin ahcun chim tlai lo khi kan si ko rih, kan temtuar nak hi a fak lo ka ti nak a si hrimhrim lo.
Thantlang khuapi cu chuahtak mi khua ah a cang i kan lung a fak dih, kanmah cu chim lo kawl pawl hmanh nih an kan tuarpi cio. Hihi Chin Hills ah kan chuahtak mi khua umchun a si rua ka ti, kai palh lo ahcun. Tulio raal a tu cuahmah mi Ukraine ram khi kan zoh asi ahcun khua za tamtuk an zaam tak cang, nizaan BBC nih a chim ning le bang ahcun Kharson khuapi hmanh chuahtak than a hau ti asi.
Russia nih chun le zaan đồng loin mipi umnak missiles in a kah, electric power vialte a hrawh dih i Ukraine khuasik le vur lakah minung million nih harnak faktuk an tong cuahmah. Kharson chuahtak mi lakah Elena te nufa (nuhmei) ka uar tuk ning hna cu kan ram zalennak ding asi ahcun kan tuar ko lai a ti ko.
Ukraine cu US le EU nih an bawmh hna kan ti khawh men, an bawmh mi hna khi cu raalzaam le Russia nih a lak dih khawh nak hnga lo caah rak doh khawhnak thazang tiang lawng khi asi. Ukraine nichuah lei cu zaam nak hlei zong an ngeih lo cash vava tum in meithal kuan le bomb lakah nifatin ni caan an rel ko.
MAH bantuk in inn khangh le mithah Russia cu an hmang lo kan ti sual maw? Nemmam cu Bucha le Buthmut hrawng i minung a zaza bakin thlan an phul mi kha nan hmuh tuk cio lai dah, ISIS renglo an si Russia ralkap pawl nung ning khan nan hmuh cio ko cuh, MAH renglo in an sual ti khawh asi.
Kan temtuar tuk ve ko hmun cheukhat ahcun, asinain a tam u ahcun cuhlan sining tluk in kan nung kho rih ko. Ukraine tepawl sinah cun chim tlak cu kan si rih lo, khua cheukhat le bang ahcun kan i nuamtuk cang hna kha mu. Ram buai lio dirhmun kan lawh lo nak khua tamtuk nan um cang hna kha mu.
Khua cheukhat nak in ramthumnak ummi Laimi lungre theihmi kan tam deuh men lai dah. Chungkhar ah pa bik riantuan nih thlakhat ah $2500 tluk lawng a hlawh i bills he an i zat lo lio ah CNA/CDF caah $1000 hna tuk a tong i thawh lo le a duh lo, fanu le pafa duhherh zong caw ngam lo tein ram le miphun caah lungre thei le harsa ngai in an thawh lio ah ramchung um cheukhat pawl hi kan hna a ngam tuk sual lai ka phang ngai.
Caan a vun sau i kan thi a đại deuh zuahmah cang mi a lo, ceihcumnak tampi a chuah zuahmah cang, social media ah kan konglam a vun kik ziahmah cang fawn, hihi ruah than kan hau lengmang mi thil asi lai dah. Social media le mipi sinah kan thawngpang hi chim kan daithlan sual ahcun caansau kan nguh ti lai ka zum lo.
Zei i kan rel tuk lomi le a hman zia kan thiam tuk lomi social media hi daithlan ding asi lo, kan konglam hi a tam khawh chung tam in kan chim le tial a herh. CDF Support Team kan um ko ti hna in ti citcet lai u cih, zeitluk hmanh in va tăng ko ulaw a tak in mipi nih ralkap cawlcanghnak an hmuh lo ahcun sau nan awk kho hlei lai lo. Zapi sinah chim awk a tha ko mi cu a tam khawh chung tam khan chim tualmal ko u, a đại chin lengmang cang hi awh. Kan tei hrimhrim ko lai hi raal hi! Credit: Chelsea Bawi
Leave a Reply