CDF Zophei nih Biakinn an hrenhnak kum(1) a tling cang!

CDF Zophei nih Biakinn an hrenhnak kum(1) a tling cang!
==========
CDF Zophei nih Biakinn an hrenhnak kum(1) a tling cang. A liam cia November 2021 ah Congthia Baptist Church cu tawh(closed)an rak hrenh piak hna caah plastic thlaam tein an i pumhnak kum(1) a tling cang. Hihi Congthia Texas (USA) ah a ummi Minchim a duh lomi nih a chim ti si.

Catial nak nawl hi pek cu ka si lo nain hibantuk in Biaknak a hnawrsuangmi hi cu kan doh awk a si ka ti caah ka rak tial lengmang. Tu hnu hmailei zongah ka rak tial lengmang ko lai. Hi bantuk ruangah hin ral zong kan sunghnak a si te kho. Mah ca cun Chinmi poh nih kan theih dih awk a si. Ral kan sungh sual a si ah cun Mah Ruangah hin a si ti phil hlah uh sih.

A va poi ve, uico pawl nih le kan bisk in a kan hrawh piak i a kan khar piak hlei i CDF cawm chom mi ko hna i BIAK in khar cu a poi ngai tung. Dawt mi u le nau hna zei ban tuk buainak a va si zong ah khan kan biak mi kan pathian bikinn pi cu an khar piak hrim ding a si lo ti hi ka ruah.

Ralkap hmanh nih zei sual nak ngei lo a kan thah kan inn le kan biak inn mei in a kan khangh piak a kan hrem mi hmanh zei tluk in dah kan lung a fak zei tluk in dah ka tuar cu lio ah mipi kan ralkap hna nih nan buai ruangah ti in pathian thangthat nak biak inn pi cu nan khar piak tik ah pathian a lung a lawmh kho lai maw.Pathian a duh lo mi thil kan tuah peng ruangah kan laimi cu chimh hlah kawlram mi vial te temh in nak in kan khat dih cucaah Pathian sin ah thlacam hna u si law that lo nak vial te hi kal tak cang hna u si. Credit: Alex Tluang

Timit Kahdohnak Ah A Thimi SAC Ralkap Ruak Chin Ralkap Nih An Char, SAC Ralkap Pakhat A Nung In Tlaih A Tong. A luancia November 24 lio Hakha-Thantlang lampi kar Timit kuanghrawn kahdohnak ah Chin ralkap hna nih SAC ralkap ruak an i vuinak hmun 9 an hmuh i, a thimi SAC ralkap ruak 4 char in an vuipiak hna tiah theih a si.

Timit kahdohnak ah ai telmi Chin ralkap pakhat nih ” November 24, lio kahdohnak ah SAC ralkap lei a thimi hna ruak an vuinak hmun 9 kan hmuh, cun SAC ralkap ruak 4 kan char i kan vui cang hna. Ruak vuinak hmuhmi hmun 9 chung ah hmun khat ah cun “A hmuai ṭai” an phunchih caah Officer a si lai tiah kan zumh, cun SAC ralkap pakhat a nung in kan tlaih” tiah The Chin Post ah a chim.

Chin Ramkulh, Kangaw Peng Le Kalay Ah Ni Thum Chung Electric Mei A Mit Lai. Ngaingpinkyi-Chaungku line 230KV hri a cah ruang ah Chin ramkulh, Kangaw peng le Kalay ah tuzaan, Sikpar 28 zaankhuadei mei a mit lai tiah ṭuanvo ngeitu hna nih thawng an thanh. Mei a mihnak khua hna hi Chin ramkulh; Mindat, Matupi, Kanpalet, Hakha, Falam, Kangaw peng hna le Kalay hna an si tiah Zalen nih a langh ter.

Sikpar [November] 28 zaanlei in Ngaingpinkyi-Chaungku line 230KV hri a cah ruang ah Chin ramkulh, Kangaw peng le Kalay ah December 2 tiang mei a mit lai tiah ṭuanvo ngeitu hna nih thawng an thanh.

Paoh peng, Chaungku lei ah 230 KV line a rawhnak an kawl khawh cang i Pakokku in a herhmi thilri an rak phorh lai. A ser ah ni hnih poh cu an rau lai tiah theih a si. Mei a mihnak khua hna hi Chin ramkulh; Mindat, Matupi, Kanpalet, Hakha, Falam, Kangaw peng le Kalay hna an si.

Wetlet Peng Ah SAC Ralkap Tam Tuk Nih Rallam An Sial Caah Khuate 15 In Khuami 10,000 Leng An Zam, Sagaing ramṭhen, Wetlet peng chung khuate ah SAC ralkap tam tuk nih rallam an sial caah khuate 15 in khuami 10,000 leng cu ralhrial in a himnak hmun ah an zam, tiah theih a si.

Nizan November 28 ah Wetlet peng nitlaklei ah Wetlet khua chungin SAC ralkap motor le Shwe Bo lei in ralkap motor hna nih, ralkap tam tuk an phurh hna i rallam an sial caah khuate 15 in khuami vialte cu an zam dih hi a si.

“Wetlet khua nitlaklei ah uico nih rallam an sial i Hlataw khua in Shwe Bo khua tiang motor lamthluan ah an um dih. Uico nih hmun 6 hrawng in rallam an sial caah Wetlet nitlaklei khuate 10 hrawng cu a himnak hmun ah an zam dih,” tiah tualchung mi pakhat nih a chim tiah theih a si.

Sanaipar Mission Tuah Mi Ah SAC Ralhrang (1) A Thi (2) Hliam An Pu , Bawlakhe peng Thuchawng SAC sakhan cu mizapi ralkap hna nih Sanaipar in ralthli anserh hna i ralhrang (1) thi in (2) hliam an si i, anthih le thih lo bel fianhkhawh a si rih lo tiah theih a si.

Karinni dolettu phu le BPDF B-1105 i bawm in november -27 ni zing Sml 8:10 ahkhan ankah hna nak KRU nih an thanh hi a si. SAC ralhrang lei nih hriamngan tamtuk an hman caah hnutolhtak than an si i,mizapi ralkap lei an him tiah an langh ter chih.

Hleku ah Rohingya ngakchia le nu pawl an tlaih hna, Yangon ramthen , hle ku peng ah Rohingya minung 60 hrawng cu November 28 zing lei ah an tlaih hna tiah theih a si. Tlaih a tongmi hna hi kee 12 ngei motor in an phurh mi hna an si i, Checkhlat nak an ngeih mi ah pa 54 le nu 14 an zapi 68 hrawng cu an tlaih hna i hle ku palik sakhan ah an kal pi hna.

Myanmar Le India Ramri Palik Check Gate Hlun A Kang, Chin ramkulh ,Rihkhawdar um India- Myanmar ramri No(2) hleidonh pawng i palik duty nak hmun cu zahan zaan ah a kang tiah theih a si.

“Zaan Sml 11-12 kar hrawng in meikangh ai thawk hi a si i,mizei nih an khangh ti bel kan thei lo.zaam tim lila ah an phalh khawh than” tiah theih a si. Hi palik duty nak hmun hi dohthlennak thawk a si ka in palik nih an chuahtak cang mi a si tiah theih chih a si.

Paku ram then,Ukdwin peng Haikung Taafar Kyuhkung khua tiah kawh auh mi ah dinzuu rit nak in inn chung i aihngilh lio mi U Ngio Kyi cu thluak lei chambau nak a ngei mi a nupi Daw Win Sein nih naam in thi lak in a sah tiah theih a si.

Hi thil hi nizan november 28 zanlei Sml 4:00 ah ai cang mi a si i,Daw Win Sein nih hin thing cehnak namtong in a tukbukhur ah a sah caah a hmun ah a thi colh i ,a ruak cu lungtur nundam nak ti mi mibawmchan tu phu nih Ukdwin sii inn ah an chiah piak hna tiah theih a si.

LADC Khuasik Caan Tonpumhnak Ah Official Bill Pathum Zapi Theih Dingin Phuan A Si, Pu VL Hmuaka, Chairman, LADC hruainak tangah LADC khuasik caan tonpumhnak (Winter Session) cu nihin zinglei suimilaam 10:30 AM ah thawk a si, hi session hi nithum chung tuah ding a si.

Nihin session ngeih caan ahhin Ex-MDC nunnak liammi Pu A. Liandawla upat peknak caan hman a si fawn, nihin Session ahhin biahalnak pathum cu lehnak tuah a si i, Official bill pathum zapi theih in phuan a si fawn. 1. The Lai Autonomous District Council (Constitution,conduct of Bussines etc. Fourth Amendment )Bill 2022 cu CEM Pu V.Zirsanga nih House ah a phuan.

2. The Lai Autonomous District Council Education & Human Resources department (Group B&D) Recruitment (First Amendment) Bill 2022, cu Pu Andrew Laltlanzara,Executive Member (i/c Education) nih House ah a phuan. 3. The Lai Autonomous District Council (Land Holding & Settlement) Act (Second Amendment) Bill 2022 cu Pu C.Hrangthianga ,Executive Member i/c Revenue Dept nih House ah a phuan. Pu VL Hmuaka Chairman, LADC nih, a nikhatnak session cu khar in, thaizing Sikpar 29 zinglei suimilaam 10:30 thawkthan a si lai.

https://fb.watch/h70a68DKp2/