CDM A Tuah Mi Hna Zaka Ah Rian Sok Le Rian Lut An Tam Ngai

Ram Le Miphun Caah Uknak Thalo a do mi CDM pawl cu ralhrang nih an pawcawmnak rian a si mi cozah rian in phuah dih an si hna. Mah hna An zaka(Neza)ah riansok mi le rianlutmi an tam ngai hna caah Hakha Upa lungfim deuh cu an lung a nuam ti lo tiah Hakha upa khat nih a chim.

Credit .saisihchuak

Relchap

Na Rum Maw?( Rel rih lomi caah)
——————
“Langak” cu nuam tein a tlawn lio ah ruah lo piin“varang” a hmuh. Khua aa ruah sualmi cu “varang” cu a rangnak hi a dawh tuk. Kei cu ka nak tuk ee… tiah aa ruah tikah cu a ruahnak nih khan nuam lo in a um ter. Cucaah “varang” sinah cun a va kal i amah le amah a ruahnak kha a va chimh. “Varang” nih a rak lehmi cu keimah zong na ruahning bantuk in nuam tein ka um lio ah “awtaw” ka hmuh i zawng(colour) tampi a ngeih caah aa dawh tuk tikah cu nih cun ka lawmhnak vialte a dih ve ee tiah “langak “ cu a leh ve.
A dongnak ahcun “langak” cu “awtaw” sinah kal aa thawh. “Awtaw” cu aa dawh tuk caah “Inn an erhmi chungah mi tampi nih an rak zoh kha a hmuh”. Mitampi an lawi hnu ah “awtaw” sinah cun “langak” cu a va kal i, “Nang cu zawng(colour) tampi na ngei le na dawh tuk ee…mi tampi zong nih an in zoh peng le nangmah bantuk si ka duh tuk ee” tiah a ve ti tikah “Awtaw” nih “Langak” a lehmi cu, “Keimah zong aa dawh tukmi ka si ko nain an ka erh peng le mitampi nih an ka zoh peng tikah zalawng tein nangmah bantuk in ka zuang kho lo ee…cucaah nangmah bantuk tein zalawng tein ka duhnak poah ah zuan le um hi ka duh tuk ve ko ee… keinih cun na nahnak hi kan hngar tuk ve ko” tiah a rak leh ve.

Phundang chim ahcun a herhlomi midang sining hngarnak nih kan sining man ngeihter loin, lungsi lonak a chuahter i zei tik hmanhah lawmhnak a umter kho lo. Na theih peng dingah ka duh vemi cu vawlei ah hin kanmah nakin “santlaimi” an tam bantuk in “santlai lomi” zong an tampi ve ko ti hi a si. Lungsi hnangamnak cu phaisa lei “rumnak” le “sifaknak”nak ah siloin Pathian nih a kan pekmi mah sining ah lungsi te um hi a si. Paul zong nih, “Sifak ngai kan lo sihmanhsehlaw mi tampi kan rumter hna, zeihmanh a ngei lomi ko kan lo, asinain a taktak ti ahcun kan ngeih lomi a um lo.”(II Korin 6:10b) an ti. Halelujah!
U le nau hna na lungthin kha van i chek tuah! Na rum maw? . by Rev. Sang Uk Cung.

 

Be the first to comment

Leave a Reply

Your email address will not be published.


*