Chief Guest Min Aung Hlaing Sawmtu hruaitu 80% cu kan Mah Chin miphun chungmi an si!

Chief Guest Min Aung Hlaing Sawmtu hruaitu 80% cu kan Mah Chin miphun chungmi an si!
=========
December 24, Yangon Khua ah MECA (Myanmar Evengelical Christian Alliance) Le Anglican Church kawmh in Christmas an tuah i Ralhrang Hruaitu MAH khuallian ah an sawm ti thawngpang cu Chin mipi kan caah cun ngaichia asi pin ah ningzak asi ko!

MECA ahkhin hruaitu 80% cu kan Mah Chin miphun chungmi an si. Living churches aa timi le founder Bu pawl, Bu tenek vialte cu Khi Ka ahkhin an ni fun dih ngawt. Kan Laimi chung in pa tlangtlang ah kan ruah mi biaknak hruaitu cheukhat hna zong ralhrang bawi bik a sawmtu ah an ni tel ve ne ai! MCC le RC hna cu ralhrang nih Christmas tuah u law hung kan sawm ve uh an ti hna na in an duh lo an ti! Mi pipa ciammam an si. Bu fa tete hruaitu pawl hi cu an rak te nau deuh Ko Rua hi tah!

Ralhrang nih khin, ram daite in kan Hruai, khrihfa zong daite in kan Mah htuainak tangah an um, an sunhsak mi Christmas zong kan hmanpi hna ti khi langhter an duh tuk mi asi le MECA le Naglican hmang in an langhter khawh ve cang ne. Political winning kan ngeih ter hna!

Dr. Andrew Ngun Cung Lian le Pu No Than Kap thawngpang cu a linsa ngaingai! Atu lio Kawlram thawngpang ah a linsa taktak mi cu anmah pahnih thawngpang a si. Dr. Andrew Ngun Cung Lian hi ralhrang Min Aung Hlaing ruahnak petu a si, tiah Kawlram pumpi nih theih dih mi a si. Nain, nizan Christmas ni ah Pu No Than Kap zong ralhrang phu pawl he kan thutdirtinak le an hmanthlak tete cu Kawlram pumpi ah hmuh khawh dih a si. Cucaah, nihin Chinmi kan pale pahnih Pu No Than Kap le Dr. Andrew Ngun Cung Lian thawngpang kong hi ceihbik mi thawngpang pakhat ah a cang.

Chin ramkulh chung hmanh Christmas sunglawi ngaiin tuah ngam a si lo lio caan ah hi bantuk in Yangon khuapi ah sunglawi ngai in Christmas ralhrang sin an hmang hi cu a poi taktak khi a si cang. Chinram i Christmas tuah hlah uh ti riangmang i Khrihfa a silomi nih Christmas tuahtu sawmnak i va pum ding cu. lih cu lih nih a zulh peng ko hih. MP Hlun No Than Kap Nih MAH Hna He Christmas An Hman Tinak Kong Chimfianhnak A Tuah A tang lei ah a mah tial ning tein kan van thlah than.

December 23, 2022; Anglican Churh le Myanmar Evangelical Christian Fellowship (MECF) in “Holy Trinity Cathedral (Yangon)” Biakinn ah Christmas sunlawih le Zanriah ei tlangnak ah telve dingin in sawm ih ka feh ve. Laimi Pastors ra khawm ve an um ih kan tongaw culci. An biakinn cu Mirang sanlai ih sak mi a siih a ropi danglam zet.

Sawmnak ca le Khawm program sungah (zuk zoh) sawm mi ngan a silo ruangah zo an khawm ve ding ti theih cia a silo. Can hmandan ding cu Nazi 4 – 5:30 pm ti a si. Rinlopin SAC Chairman MAH khal 4:30 lamah a ra khawm ve. Thusim can tla an pe. Pathian thusimtu Bishop le Reverend khal remdaihnak thu hlir an simih a tha zet.

Nipidaw ihsin ra Dr Ngun Cung Lian thawn tonak zemtu in in toter. Anih hi ramhnuai lai ihsin ram rian ka tuanpi ka naule lakih pakhat a sive. Khawm cem hlanin thu pawi dangah ka tlungih titi nuam khal kan rel man lo. Zanriah khal ka kilpi man hai lo.

Asinan, A zan ah, kan runinn te ah innsangtu sungkua pawl thawn “Eden par mawi chul hnu ti vul leh turin.. Remna Lal a lo piang ta..” tin khuangpi le khuangte thawn Christmas kan lawm thei ih di a riam!

Be the first to comment

Leave a Reply

Your email address will not be published.


*