Chin Miphunpi Ni(Chin National Day)Thawhkehnak Tuanbia Tawi

CHIN NATIONAL DAY (CND) THAWHKEHNAK TUANBIA TAWI TAKTAK
=======================
CND thawhkehnak tuanbia kongah chimrel ning an i dang ngai hna. Cu hna lakah a fekcem le a dik cem tiah zapi ruahmi tuanbia kong kan ruat ti hna lai. Phun dang in an chim mi khi cu an saduhthah sawsawh asi.

(1) 1948 Feb 19-20 Falam General Assembly

Independance day lawmhnak caah Chinram huap in General Assembly cu Falam ah an rak tuah. Chinram peng kip in minung 5000 leng cu Falam ah an i tong hna. President Sat Shwe Taih (စပ်ရွှေသိုက်), Vuanci U Vumthu Mawng, U Nyo Tun le Manhki U Thei Maung zong Falam ah an rak ra ve. Falam Assembly caah Center cozah nih Rs. 21000 an bawnh hna i Pengkip nih Rs 2000 cio an rak thawh ve. Falam Assembly ah Tidim in Pu Thang Za Khai nih Chinram cu Ramuk bawi hruainak in siloin Democracy phung in ukhruai siseh tiah biatung a dir i, Pu Sun Mang le Pu Thang Mawng nih an hnatlak pi. Sau nawn an ceih hnu ah vote pek dingin in an khiah. , Democracy ukhruainak nih vote 5000, a duh lomi 17 ansi. Cucaah Chinram cu Democracy ukhruainak in an kal colh ve i Ramuk bawi chan cu a dong ve.

(2) 1950 Chin Affair Council

Vuanci Vumthu Mawng nih Chinmi caah CHIN NATIONAL DAY um ve a herh nak kong a chim. Vawlei cung miphun pakhat kan si ve caah Miphun Ni ngeih a herh ati i, Council ah biaceihnak an ngei. Chin Natuional Day caah thim dingmi Ni le Kum cu Phunthum in a tlang an taar.
(A) Maymyo Inquire ni April 19-20 ah ni pakhat khat.
(B) Falam Assembly ah Ramuk Bawi uknak in Democracy thlennak ni..Feb 20
(C) Chin Hills Act fehter ni OCT 12

Tidim in Pu Mang Tung Nung nih Feb 20 hi a tha cem tiah bia tung a dirh i, kanhkuat tu um lo in CHIN NATIONAL DAY cu FEB 20, Chun nazi 11:00 am siseh tiah an fehter.

(3) 1954 Chin Affair Council Vuanci Ah Pu Zahre Lian a tling.
Pu Zahre Lian cu 1954 ah Chin minister a hung si. A ruah ning ahcun Feb 20 cu Chinmi phung hrawh ni asi, ramuk bawi phung hrawh ni asi tiah Council ah a rak chuah pi. 1956 ah Council le Parliament MP dihlak 12 nih Pu Zahre Lian ruahnak cu an i hrawm i Pu Hrang Nawl le Pu Ro Thang nih cun an duh lo nain vote 12/2 in an sung. Cu kum thawk cu CND cu Chin cozah nih an tuah ti lo. Asinain Chin Cozah nih CND cu an tuah lo nain Pu Vumtu Mawng, Mang Tung Nung, Pu Hrang Nawl te i Koket party CNO le Sianghleirun nih cun pehzulh tein an rak tuah.

(4) 1959 ah Chin Affair Minister ah Pu Thang Lian a tling.
Pu Thang Lian vuanci a țuan lio ah Chin National Day cu an fehter than. (Pu Ro Thang thawng in asi)

(5) 1962-1988 Newin le Than Shwe Chan

1962 Newin nih Anaa a ting i, National Day (Miphun Ni) timicu a huap a kau tuk i hmailei ah thil thalo a chuak kho ati caah Chin National Day siloin Chinram Ni tiah an 1966 in an thleng.
Socialist Party chan ah CND le Chinram Ni kong ah a buai tuk caah Newin nih Chin National Day tuah țhan ko tiah nawl a pek than hna.

(6) 1988 Than Shwe Chan

1988 ah Ralkap nih aanaa an ting than.
Gen. Than Shwe nih Chin National Day ticu a duh lo caah Power hmang in Chinram Ni tiah abhranhram in a kan thleng piak than hoi. Asinain Chin cozah nih official in CND cu an tuah lo nain Singhleirun le ramleng um Chinmi nih cun CND tiah pehzulh tein an rak tuah peng ve ko.

(7) 2010 Thei Sein Chan le CNF/A

Thei Sein President a tuan chung ah Cozah le hriamtlai kah daihnak an ser. CNA/F le Thei Sein karlak ah CND cu phung ning tein fehter dingin hnatlaknak an ngei. 2012 in Atu tiang cu pehzulh tein CND cu tuah asi.CNF thawngin asi.

Note. CND Founder cu Pu Vumthu Mawng asi ko. Cun CND cu Chinram Democracy Ni asi.

 

Credit.. IsarelR. Thang

 

Be the first to comment

Leave a Reply

Your email address will not be published.


*