CDF-Matupi pasalțha nunnak liam!
=======
Matupi le Hakha lampi Ngalai khua kahdohnak ah CDF-Matupi in pasalțha pakhat nih ram le miphun caah nunnak a pek. Nizaan ah khan Ngalai khua hhin SAC ralhrang 100 hrawng an luh caah CDF-Matupi nih an kah hna.
Cu kahdohnak ahcun ralhrang 1 nunnak a liam i CDF-Matupi in pasalțha pakhat a tlau tiah nizaan ah khan CDF nih thawng an rak thanh. Cu ti a tlau mi cu tuchun ah a ruak in an va char tiah theih a si.
Matupi-Hakha Lam Ngalai Khua Um SAC Ralkap Cu CDF Nih An Kah Hna. Chin ramkulh, Matupi peng Ngalai khua cu SAC ralkap tam tuk nih an luhhnawh caah CDF Matupi nih kan kah hna, tiah January 15 ah CDF Matupi nih cathanh an chuah.
January 15 zing sml 9:00 hrawngah Matupi-Hakha lam um Ngalai khua cu SAC ralkap 100 hrawng nih an luhhnawh caah CDF Matupi nih an kah hna, tiah theih a si. Cu kahdohnak ah SAC ralkap pakhat a thi i CDF Matupi in ralkap pakhat zong a tlau, tiah an langhter.
SAC ralkap nih Ngalai khua chungah hriamngan voi tam ngai an kah. Matupi-Hakha lam ah SAC ralkap he zeitik paoh ah kahdohnak a chuak khomi a si, tiah CDF Matupi nih ralrin peknak an tuah.
SAC ralkap nih Matupi peng chungah phone line an phih dih caah Matupi-CDF nih rianrang tein cathanh kan chuah khawh lonak a si, tiah an langhter.
Chin miphun nih kan tawn bal lo mi ral kan ngeih nak le tei hrimhrim a herhnak a thar in an rak lang ter! Carson Chin Baptist Church, Milwaukee nih CNF $45,000 an kan bawmhnak cung ah kan ni lawm tuk hringhran. Mah Church hi 2012 kum ah dirhmi Church a si i an Church Chairman cu Pu Bual Peng a si.
An Church pastor cu a tu lio CBCUSA Vice-Chairman a kan ttuan piak lio mi Rev. Dr. Ronald C. Nunuk a si. Khrihfabu ngantuk an si lo nain a lamkip in kan miphun nih bochan mi an si. Wisconsin ramkulh Milwaukee khua ah a um mi a si.
Kum 2023 cu kan miphun caah a biapi bik kum a si bantuk in CNF nih a rak um bal lo mi thil tampi tuah kan ni tim. Kan ral a kham in kham sawh sawh lawng si ti loin, an hram hrimhrim in bawngh khawh kan ni zuam lai kan ti. Kan miphun nih kan ngeih cang mi kan thazang, fimnak le kan ngeih mi chawva vialte kan tuak tik ah a tu kan ngei cang mi thazang nih hin kan ral teinak ca a zaa tuk ko. A zaapi in khawmh dih thiam le hman thiam tuk a bia pi.
Hi kan thazang khawmhdihnak caah CNF nih pumpak cio thlakhat $100 cio khan kumkhat $1,200 lawng si loin, Vawlei cung kan Chin Khrihfabu kip ah an kumkhat budget in 10% hrawng cio in kan Chinram sernak ah phaisa kan hal hna. Cu kan halnak hna ca cu kuat cuahmah a si i, a cheu cu a hmu hmanh an hmu rih lo.
Carson Chin Baptist Church (CCBC) nih cu bawmhhalnak kan ca cu nizan (01/14/23) ah an hmuh i nihin pumh dih in an kan cheih piak. Kan hal hna ning bak $45,000 in kan nin bawmh cawlh hna lai khawika dah phaisa kan fak kuat lai tiah an Pastor Rev. Dr. Ronald Charles Nunuk nih a rak kan chawn.
Kan miphun vialte nih hi thilttha, thil dik, Pathian mission pi an an tuahnak hi kan ni lawm dih hlei ah a tu lio hi kan Chin miphun nih kan tawn bal lo mi ral kan ngeih nak le tei hrimhrim a herhnak a thar in an rak lang ter. CCBC pastor le member vialte hnu lei caan ah CNF, UCCF nan kan bawmhnak vial ah siseh a tu $45,000 nan rak kan bawmh cawlhnak ah siseh kan ni lawm tuk hringhran!
CNF/CNA hmunpi Camp Victoria i ralhrang vanlawng bomb thlak kongah! A voikhatnak hi Jan 10, 2023 zanlei suimilam 4:30PM ah asi i, voi 9 a thlak. Voi 2 cu India ram chungah a tla. Vanlawng a hmanmi hi MiG – 29 pahnih le Yak – 130 pathum an si. Kan ralkap minung 5 nih nunnak an pek.
A voihnihnak hi Jan 11, 2023 zanlei suimilam 4:30PM ah asi i, voi 4 a thlak. Vanlawng a hmanmi hi Yak – 130 pathum an rak kai i pahnih nih an thlak, pakhat cu kanmah lei nih an kah ve caah thlak loin a kir. Kan minung nunnak a him.
Voihnih a thlak chungah hliamhma a pumi an um lo. Inn tlawmte a rawk. Khua kiangkap nih damlo caan i an rak ithlopnak siikhan le sii chiahnak (medical facility) a rawk. Minung 5 nunnak a liammi hi, bunker/bomb shelter (vawlei khur cawhmi) nih a cimh hnawh hna caah chanchuah manhlo an si. Nunnak a pemi hna kan Miphun ningin upatnak kan pek hna.
Hmanthlak le a rawkralmi langhterlo ding kan timi hi a ruang a um. 2022 November 8 ahkhan Camp Victoria map le hmunhma umtuning, kah ding target he timhtuahnak an ngeihmi cu lengah a rak chuak (a leak). An rak theih ciami asi ko. Asina bel in, tutan i aa kah i a rawkmi le an target pawl a khen le khenlo an theih ahcun, ahnu ah target hmunhma pawl timhtuahnak a ngeih than lai ti phan ruangah asi.
A kah nain a nganhmi hna a um caah asi. Langhter a herhmi cu official tein party leiin vun langhter asi ko. Sihmanh sehlaw, control dih khawh asilo caah tlawmpal cu a chuak thiamthiam. Hmurka le kutdong isumte in a zamh lomi nan dihlak cungah lawmh a um. Hihnu zong iralring cio ko hna usih. Kanmah lila nih phozarlo ding hi izuam cio ko hna usih.
Kan inn le kan lo rawk hmanh sehlaw, kan thinlung rawk hin hlah seh. Kan nunnak liam hmanh sehlaw, a nungdammi nih faak chinchin in izuam ko hna usih. Mupi nih thlichia lak i thazaang aa lak bantukin, kan thawn chinchinnak tu si hram ko seh. Credit: Ram Tinthei
Camp Victoria Vanlawng Kahnak Kong Ah India Cozah A Hmur Aa Cip Ahcun CDF Dai le Paletwa Nih Kan Phu An Kan Hlam Te Lai. India lei in Vanlawng in an kan kah. 500lb – 1000lb a rit mi Bomb Mangtara cu India ram ah a tla i a puak. Motor pakhat a hrawk. Geneva Convention ning in Miram ah vanlawng zuang ter khawh asi lo Mi ram ah kuan fangkhat tlak ter ahcun Ram hnih raldohnak asi ko. India ram ah Bomb an tla.
India cu Democracy Ram an si. Democracy ah USA changtu an si. Democracy phung a zulh lai kan zumh ko. Democracy lei ah aum lai kan zumh fawn. Kawl Uico nih Camp Victoria kahnak kong ah India a holh lo ahcun, India cozah hnatlak nakin an ram an hman ter mi asi lai, India cozah hngalh pi nak in an ram ah bomb thlak asi ve lai.
India nih Kawlram in Gas le Mei an lak. Aizawl le Dehli, India ramkip ah an hman mi Gas le Electric mei khi kawlram lei in pek mi aa tel ve. ASEAN Lampi caah Paletwa lei in lam an cawk cuahmah, Bawinu va hlei zong an donh cuahmah. Kawlram lei in pek mi Gas le Mei hi chat/ Chah ahcun India a mui lai, Rawlchumh nak an ngei ti lai lo. India sipuazi an tla dih te lai, Tuluk nih an tei tuk te hna lai.
Modi cozah nih Gas le Mei cu an in pek ko hna lai nain a man a fak tuk canglai. Kawlram cu kan sifak caah MAH nih man fawi tein an zuar mi hna Gas le Mei asi. Cu zuar man cu MAH le a fa le rumnak asi. Mipi caah an hman lo. India nih nan pek mi phaisa in Vanlawng tampi an cawknak le mipi thahnak hriamnam relcawk lo an cawk ti hi Mizo kan Unau tal nih nan kan hngalh pi hrimhrim a herh.
India nih Ralhrang MAH a bawmh ahcun CHINMI nih kan phuhlam nak tuah a herh ve lai. India a holh lo, a holh ko hmanh ah MAH lei ah a ṭan ko rih ahcun, Paletwa ram ah India Gas pipeline cu hrawk dih asi ve lai. CDF Dai le Paletwa nih ṭuanvo lak seh tiah CHIN mipi nih kan aupi cio ah a tha lai.
Hi India gas pipeline hi Chin nih an hrawk khawh ti a hngalh ko buin, Modi nih MAH a ṭanh zungzal. Gasoline pipe kan hrawk lo ahcun India nih Mipi an kan ṭanh bal lai lo. Voikhat kan hrawk lai i, an kan nawl i mipi an kan ṭanh ahcun remh nak nawl kan pek lai. MAH a bawmh peng ahcun Gasoline thih bak ve seh.
YMA YLA MPT le Mizo mipi nih duh lonak langhter nak zong kan tuah piak ve uh. Hakha ah Dawr an khar dih i Silence Strike an tuah batukin Mizo mipi nih tuah khawh asi ve ko. Nannih Zo hnathlak nan i ti nain CHIN Hnathlak nan si.
Camp Victoria kahnak kong ah Modi cozah nih MAH lei ah aum, a kaa a cip, YMA MPT YLA le Mizoram mipi nih nan kaa nan cip ve ko ahcun, Kan fanau liam cia mi hna phuhlam nak ah India Gasoline pipe cu kan hrawk a herh ko lai, Rak kan theihthiam hram uh.
Kanram tizu le a hliti khim tein a eidin mi India cozah nih mipi an kan ṭanh lo cu lung a fak hrinhran. India nih nan ral Tuluk tei awk ah Sipuazi lampi cu CHINRAM Paletwa in Thailand ah a kal ti hi hngalh cang hna usih. Hi lampi in Superpower le Sipuazi ah India nih Tuluk hi a tei khawh lai, a tei lo hmanh ah a phan khawh lai tihi Vawleipi mit ah a cuang mi cu asi. January 10 cu CHIN mi nih kan philh khawh lo ding mi NI asi lan cang (Col. Solomon Thang Din bia). Credit: Joseph R. Thang
Kawlram in Thailand ASEAN Indonesia in Vawleipi kal khawh ding ah Kaladan Multi project cu asi tiah kawl lei cu kan in cawn piak mi asi. NEWS kip zong nih an phuang. Sipuazi caah kawlram a biapi timi nakin TUluk he superpower i zuamcawh nak caah Kawlram le CHINRAM hi India caah a biapi tuk tinak asi. Kaladan Project cu tilawng le leilawng in hman khawh asi . Arab ram in gas zinan le sipuazi kha Kaladan ah peh in storage tuah kha india le tuluk nih an duh mi asi.
India Cozah nih cun zeipi pa in a ti lai ka zum loh, a hei ti hmanh ah khin mi theih ttha khin a ti te lai, Thailand zong ah a tla le zei titi hmanh a um hlei loh. Ramdang um chin mi millionaire nan tampi ko nain vanlawng kah nak dotla mi nan kan cawkpiak rih a ehr tinak asi. nan kan cawk piak cia mi hi meng 5 velchum lawng a kah khawh rua. Yak 130 hi meng 30000 – 40000 sang in a zuang mi asi. CNA nih an kah lo ti ding asi lo, Zeitin na ruah ka u pa.
Mizoram cozah nih cun kan pawngkam state ta a cawk, tiah ka theih nain Myanmar mei maw a rak si ne? India nih Myanmar in oil hi dor khat te a cawk kong zong ka thei rih hoi lo. 2018 ah khan LPG supply tuah ding in agreement an rak ngei ti cu ka theih nain oil le gas an supply taktak kong ka thei rih lo. Ka hngalhnak a chambau deuh ca ah si lai! India economy ah cutluk in maw Myanmar a rak biapit? 2022 ah India nih Myanmar in Gas zeizat man a cawk na kan chim kho hnga maw? Ralhrang cu kan huat cio ko. Na caṭial hi mi tampi nih kan hmuh tikah a dik taktak mi a si le si lo hngalh duh sawh bia mu.
India cu kan chim bang in nichuahlei hoih in chawleh aa tim tuk mi a si caah Myanmar cu hawikom ah ser aa tim ti a fiang ko. Tutan camp Victoria kahdohnak hi Joint operation a si kho. India nih cun ka ram ah kuan/bomb a tla lo a ti ahcun chim awk a um lo. Nain kanmah chinmi nih evidence ṭha te he vawleipi ah kan chuahpi khawh ahcun ramkip nih India hi an sawhchih ko lai ti hi ka ruahning si.
Leave a Reply