Chin ram khuapi CNA+CDF nih an phomh raulo teah

Chin ram khuapi CNA+CDF nih an phomh raulo teah
=========
Chin ram khuapi CNA+CDF nih an phomh raulo teah Karen+PDF nih Karen ram i Thailand he chawlehthalnak khuapi Kawhkrate(ကော့ကရိတ်) tuzingah an nam ve. Hihi tulio kan ram dothlennak ah tuahawk a ţhami le a herh bakmi strategy(ဗျူဟာ) asi.

မြို့သိမ်း တိုက်ပွဲ Khuapi laknak raldoh hi tulio ah kan herh ngaingai mi asi, hi long nihhin ralhrang lung a donghter lai i teinak foiah kan hmuhlai. Culo ahcun khuapi himnak le khuapi in an uknak nunter le sauhter kha tulio an hmuitinh nganbik asi. Cu in cun mipi le dothleng tu lung donghter kha an teinak caah an i chiahmi asi caah can sau rauhter lo in thluk hna ding le teihna ding ahcun khuapi/an hmunkhuar pawl doh le lak hi kan i hmaithlak hrimhrim a hau. Credit: Peng Hlawnceu

Dohthlennak hruaitu minthang pawl. biA nawnReek: a zumhMi ah diRngAm thiNgam pawL. Dohthleng minthang pawl cheukhat kong khi nan rel cio bal ko lai. Dr Che, Mao Zedong, Ho Chin Minh tbk cu vawlei minthang an si. US media ruang i minlaar cem ah ai rak ichuahtu Pu Che khi zoh tuah usih. A lung ai thleh hnu cun, a pawcawmnak ding ca i aa rak ithimmi career a hlawt. A ram le miphun si lomi Cuba pawl caah luatnak a va hmuhpi hna.

US ral bak a rak si nain, US media nih vawlei minthang bik revolutionary ah an chuahter. Pu Che thihning belte zoh a dawh lo ngai. Nain, hi pa hi dinlonak le eihmuar nu kongkau ah thian dawh a si. Nupi lam cu pahnih a rak ngei ko. A hmasa a nupi zong a lung tling ding tein a rak hrilhfiah. A zumHmi ah a DirNgam baKmi pa ti in tuanbia ah an hlawi.

Mao Zedong khi tah. Anih khi a min chiatnak lawng kan theih bal cio men lai. Nain, a zaa tuk lawlaw ti awk a si. Dr Sun Yat Sen timipi Tuluk revolutionary lakah a mak bik, chanthar China ram a tungmer ding khotu hmanh a rak tei khawh ti awk si. An chan khi tlawmte ai thlau nain, SYS dirhmi KMT kha a rak cheu khawh cu mu.

Mao Zedong zong kha zeidang pawcawmnak khua tuaktan huaha loin an zumhmi Marxism (Socialism) caah aa rak ihruhpi. A zumhPommi chungah a rak DirngaM baKmi pa si pinah, zerTiannak telh chih in teinak cotu a rak si. Tuluk cu fazer tak cem phun cu si hna kaw, a von bawi i a min than belte khan, rawl thawthaw le sui-ngun, lunghring rumnak vialte pinah an ram chung nungak dawhdawh cem pawl rak dang hna kaw, cu nihcun a rak hloh. “Baw reu zawtnak in a thi” tiah kan pa pakhat nih a rak chim i a dik ngai ka ti.

Ho Chi Minh.. hi pa lam hi cu Vawlei No.1 revolutionary ah a chiatu an tampi lai. Ka uar bak. A ram le miphun a dawt. Hriam le nam le fimthiamnak tlinh lo bu in America timipi hmanh a rak tei khotu an si tikah, a zaa bak. Ho Chi Minh hi nu lei le phaisa lei kongkau ah min chia a ngeih ka thei lo. Keimah theih lo zong si kho ko. A tlaangpi cun, Pu Che le Pu Minh tbk khi cu an zumh bakmi cungah adang thurhnawmhnak telh lo tein an rak ithihpi ka ti men ko lai.

Tuluk pawl bel hi cu vawlei mifim thil thei hmasa le mi lule an si tikah khin, hlan an ramkhel minung pawl khi phaisa he nu he vei he a kemhmi an tam. Nihin an Xi Jinping tu khi pa khuaruahhar, pa menlo taktak bik, an miphun zong nih an upat bikmi pa a si, an ti. Term thumnak a peh lai ti in an zumh.

Tuluk dohthlennak tuanbia ah cun, Dr Sun Yat Sen uar um cem dingmi a lo. Sun Yat Sen nih an ram siangpahrang pennak a rak doh i democracy phung in ihruai dingin, an ram ai ṭhencheu dihmi vialte pumhkhomh le fonhtonh a rak duhnak cu a mak.

SYS cu cathiam a rak si. Hawaian miphun sinak zong a rak ngei (US nih Hawaii a rak laak hlan deuh ah). Hawaii ah Rev pakhat nih tipil a rak pek balmi Khrihfa si fawn. Malaysia i Penang le Singapore tbk, cun, US lei an miphun ramdang mipeem vialte a rak funtom khawh hna.

Ramdang Tuluk mipeem pawl thawng cun dohthlennak a rak tuah. Nihin Laimi kan sining he ai lo ngai. Ai tinhmi te i a rak kal ko bu cun, Caina cu ka chim cia bang, an kuttang pawl nih an zaat an muai hna i phaisa kong maw nu kong maw tbk ah min an rak ngei. SYS nih a dongh marawt i a rak ṭhitmi nu cu Soong Ching-ling timi nu a si. An kum ai rak ithlau ngai.

SYS dirhmi KMT party chungah communist ruahnak a rak lut. Cu nihcun KMT cu phu hnih ah a rak ṭhen hna. Mao Zedong te phu nih Cultural Revolution an rak tuah tikah, teinak an rak hmu. SYS nupi Soong Ching-ling cu Mao te Communist lei ah a rak ṭang. Tuluk ram kaupi Communist nih an laak khawh dih tikah, Soong Ching-ling cu a pasal SYS legacy (huham) ruangah ti in an rak hruaitu pakhat ah an rak chiah i, upat awktlak nu bik ti a rak si.

KMT cu an zorchuk chin lengmang i an rampi cun an zaam, an zaam thluangthluan ko i acheu cu Tuluk ramri Yunnan lonh in Kawlram chung Shanram tehna ah hmun an rak khuar. Shan ram ah cun bing an ciing, an chuan hnu ah Taiwan ah pet dih ṭhan.

SYS cu Tuluk rampi Communist pawl zong nih an upat bang Democracy ai timi Taiwan lei zong i an pa bik si ve. A thlan khi Tuluk rampi chungah um rua i cucu kap hnih nih upatnak an va pek tawn. Russia lei i an Lenin le an Stalin lam khi cu ka uar bak hna loh. Anmah miphun lila tam tuk a rak thattu hruaitu an rak si i.

Cu lakah cun Gandhi (Indiah pa khi) ka uar lo cem. Mirang propaganda le thli paoh khi a dik thlu leem lo. Gandhi ruangah (indirect in) mino thisen tamtuk a rak luang i a thi lo dingmi tam tuk an rak thi. Mirang nihcun an ka that lai lo ti aa hngalh i “non-violence” ai rak iti ko cu. Gandhi uar tuktu nan pi zong ka uar lonak cu, cucu a si ko. An pi khamh khawh dingah rammi thisen zeizat remruam dah luang lai?

Amah nih tah khamh khawhnak chance a ngeih lio ah an kan khamh bal maw? A pa Aung San legacy thawngin amah tu cu an ka that ngam lai lo ti ai hngalh i a awn ve sawhsawh khi a rak si ko. Zei chan le zei can remruam tiang dah rammi cu khurchung ah an kan chiah hna lai i anmah khamh herh caan vial ah mipi nih thisen pek peng ding cu an va hauh hnga? A ngai tiah cun, Jesuh ruahnak he ai bingtalet dohthlengtu an si. Cucu nan hmu kho nemmam lai lo. Credit: Salai C Alexander

Be the first to comment

Leave a Reply

Your email address will not be published.


*