CHIN RAMKULH AH TANGHRA EXAM TUAH DING SIANGNGAKCHIA THONGTHUM HRAWNG AN SI..

CHIN RAMKULH AH TANGHRA EXAM TUAH DING SIANGNGAKCHIA THONGTHUM HRAWNG AN SI

Ralhrang nih Myanmar ramhuap in tanghra exam cu Vaute 31 in Vaupi 9 tiang tuah dingin timhtuahnak an ngeih, cu chungah Chin ramkulh in siangngakchia thongthum (3000) hrawng nih Exam an tuah lai tiah theih a si.

Chin ramkulh ca zohfelnak 9 in Exam tuahding hna cu Falam, Tedim, Tonzang, Matupi, Paletwa peng le Cikhia peng in siangngakchia 1950 nih Exam an tuah lai tiah fimthiamnak zung in tuanvo ngei pakhat nih a chim.

Ca zohfelnak tuah ding cu Tonzang ah 2, Tedim ah 1, Falam ah 1, Matupi ah 1, Paletwa ah 4 a si, exam tuah ding minung dihlak 2950 an si ” tiah fimthiamnak zung in tuanvongei pakhat nih a chim.

Tanghra exam tuahding pengkip cazin hna cu Falam peng in siangngakchia 309, Tonzang peng in 229, Cikha peng in 208, Tedim peng in 286, Matupi peng in 107, Paletwa peng in 1811 hna an si.

Chin ramkulh, Hakha, Thantlang, Mindat, Kanpetlet peng in exam tuah dingin min ai pe mi an um lo caah tanghra exam tuah a si lai lo tiah a cunglei upa pakhat nih a chim fawn.

Ralhrang nih nawlngeihnak an lak hlan kumdang ahcun Chin ramkulh in tanghra Exam tuahmi siangngakchia hi thongkhat leng an si zungzal nain ralhrang kuttang ahcun siangngakchia 2950 lawng nih exam an tuah lai.

Myanmar ramhuap 2022 tanghra exam tuah ding siangngakchia dihlak hi 312299 an si tiah theih a si.

Credit: The Lairam Times

Be the first to comment

Leave a Reply

Your email address will not be published.


*