Chin Thantar Theih Herh Mi

Thantar ( Flag)
—————-
(Ram Tinthei)

Vawleicung miphun vialte nih hin thantar (flag) ngeih dih cio asi. Rampi thantar, miphun le ramt’hen thantar, peng le tlang thantar tiin an ngei cio hna. Thantar hi sullam ngei taktak in zei miphun kan si ti a langhtertu asi caah nunnak thap in an dirhkamh ciomi asi. Zaanglek zuamnak hrimhrim ahcun aiawhmi ram le miphun thantar a sunlawi zia a lang khun.

Kawlram Tlangcungmi dohthlennak (revolution) a tuahmi poh nih ramkhel kong le miphun kongkau cawlcanghnak an ngeih poh ah Ralkap Cozah tuahpiakmi thantar an hmang ballo. Abikin Cozah duhlo ruangah ramdang a zammi hrimhrim nihcun a hmu in an hmu duhlo. National flag timi miphun dohthlennak thantar lawngte hi hman cio asi. Kachin Baptist Convention lebang cu an zungpi hmanh ah raltha takin an tar ngam. Australia i Karen pawl cu Australia Cozah nih ramkip thantar pawl an tarmi hna sinah Karen thantar an tar piak ve hna. Zeibantuk bu organisation le community an dirh zongah an thantar muici khi a muithlam an langhter ve. Ramchung siseh, ramleng siseh an mino cawlcanghnak hrimhrim ahcun angki an chuahmi tete le stage an tamhmoihnak, cauk an chuahmi pawl ah an miphun dothlennak thanter lawngte asi nan hmuh cio lai. Tukum Kalay Lai University sianghnagkchia bu nih Lai Show an tuahmi ah Chin Miphun thanter an tar ve i ka conglawmh len hna. Upatnak ka pek fawn hna.

“Hihi zoh in an mipi nih miphun dawtnak nationalism an ngeih zia le an dohthlennak ah zeitluk in thazang an pek ti a lang”.

Hmanthlak ka hun langhtermi hi zoh uhlaw, Tlangcungmi vialte nih Ralkap Cozah tuahpiakmi State Flag cu an ngei cio dih, nain ramleng ah an hman nan hmu lem lailo. Kanmah Chinmi bel hi Ralkap Cozah sermi thantar tangah a kunmi kan tampi rih. Ramleng tiangah hmaihngal ngaiin a dirhkamhtu an tamtuk rih.

Hi Chin National Flag hi itlaih in kan Chin miphun Nusaltha Pasaltha tamtuk nih kan miphun le kan ram caah nunnak an pek cang.

Chin Miphun thantar sullam
—————————–

+Red- Bravery, Courage
A sen- Ralthatnak

+Blue- Trust, Honesty, Loyalty
Vandum- Zumhtlak sinak

+White- Peace
A Rang- Daihnak, Thianghlimhnak

+Hornbill- Chin national symbol
Vakok- Chin miphun hmelchunhnak

Credit – Salai Thawngpi nih Chinland News ah a post mi ka van lak chinmi si

 

Be the first to comment

Leave a Reply

Your email address will not be published.


*