China Spy Balloon Nih US Cu A Duh Chung In A Ngiat!

China Spy Balloon Nih US Cu A Duh Chung In A Ngiat!
======
China mi ngiatu ringbawl (spy balloons) cu America ramcung ah a duh chung in a zuan liopi asi. America ralkap nih an kap ngam lo, a ruang cu a tlami nih mipi caah tihnung a chuapi khawh lai kan phang an ti.

Tuhi US rampumpi cul in a duhnak lei hoih paoh in a zuam liopi a si. US fighter thabik F-22 Roptor nih a hnu in a dawi peng lio a si. Missouri in tuzarh chung ahhin Carolina coast lei phak dawh a si. Hi China spy balloon hi pee 60,000 in pee 30,000 karlak sang in a zuang i thlapa bantuk muisam a a keng ti a si, hmuh a har dom pin ah tih zong a nung ngaingai kho mi asi.

Mitampi nih tla lakin an kah colh lomi kongah US cozah an mawhchiat nain, a chung thil a ken mi hi an i fian lo caah an kah lo nak hi a si kho. US cozah nih cun mipi caah kan kah ahcun a pelpawi nih harnak a pek sual lai ti kan phang an ti. Asinain a chung ah ai phurh mi hriamnam zeibantuk a um an theih thlu lo caah an kah ngam lo nak hi asi kho, tiah zeimaw nih cun an ti ve.

A pahnihnak Chinese spy balloon zong Latin America ah an hmuh than, tiin Pentagon press secretary Brig Gen Patrick Ryder nih cun a ti. An hmuhnak hi over Costa Rica and Venezuela hrawngah si in an chin, a hmun belte fiangin an chim duh lo. China le US buainak a sosa ngai manh, US Secretary of State Antony Blinken nih tuzarh chungah China tlawn a timhmi zong ai let phah.

Nuclear a phurh le phurh lo, thil tihnung a phurh le phurh lo fiang in an thei thlu lo. 1962 lio i Cuban Missile Crisis tuanbia ah US President Kennedy cu mino te a rak si ko nain a lung rak sauh ruang nuclear a rak puah lo kha tuanbia chung ril theihmi nih cun nan i fiang cio theo lai dah. US President pawl hi a sawhsawh in khua an tuak lo, a chungmuru theihlo ahcun sual phawt khawh an si kho men nain, zeidek cu a um lai zumh a si ko.

U.S Nih China Ngiathlaitu (Spy) Tiah A Puh Mi Balloon Cu, Vansang Pe 600,000 Ah A Zuang! U.S nih an hmuh ko buin zeiruang ah dah ankah hnga lo? Hi kong ah U.S An i todanhnak bia mipi caah a himlo anti mi hi sitak hnga maw?

Mipi caah himlo timi biafang hi a sitak lai lo tiah mi tampi nih an zumh. A ruang cu an kahnak ding hmunhma hi mipi umnak hmun he a hlatnak hmun, hmun lawng si. U.S nih hi bantuk kahnak missile hi dah a ngei hnga loh maw tiah biahalnak a chuah.

Thli le thli missile nih hin vanlawng hna bantuk in, hi balloon hi ankah khawh bak lai tihi thil fiang a silo, cun hi balloon hi cungsang piah a zuang fawn i, missile hna caah cun chum chah tak mi an pahchih a hau lai, hi ruang zong ah hin U.S nih harsatnak a ngeih khawh mi an si. U.S nih zalen tak in a zuanternak ruang hi, U.S cungah vawleipi mit a fu cang fawn i mualpho an ṭih ruang ah ankah ngam lo hna si hnga maw? tiah ruahnak tampi a chuak.

Covid-23 hmanh tor in phur sehlaw theihlo pei a si cu. US Space chung a luh hlan ah satellites nih detect an tuah khawh lo cu “American Failure” bak a si. US Defense System hi kan rak lun tlukin a rak si lo hita! Continental US a phanh hnu lawng i buaipi cu a tlaituk cang!