Chinmi ni Zeitin Kan Phaisa luh Kan Thatter Lai?

Tesla CEO Elon Musk gestures as he arrives to visit the construction site of the future US electric car giant Tesla, on September 03, 2020 in Gruenheide near Berlin. - Tesla builds a compound at the site in Gruenheide in Brandenburg for its first European "Gigafactory" near Berlin. (Photo by Odd ANDERSEN / AFP) (Photo by ODD ANDERSEN/AFP via Getty Images)

Zeitin Kan Phaisa luh Kan Thatter Lai?
===========
Tangka hi khua ruahnak in a chuak mi pakhat asi. Idia a um locun tangka zong a um kho lo. Cucaah tangka tampi ngeih na duh ahcun idea tha na ngeih hmasa a hau. Cutin na ngeih mi idia na chuah hnu lawngah na tangka luh a tha lai.

Acung ka chim bang tangka a ngei mi sikhawhnak ding ahcun idea tha kan ngeih hmasa a herh. Atu na ngeih rih lo ahcun a tu tein zeitin thluak ka chuah lai ti ruat cang. A fawinak in kan chim si ahcun na thluak kha biatak tein riantuan ter cang.

Mi zei paoh nih kan phaisa luh thaseh ti kan duh cio, nangzong na duh ve ko lo maw? Tangka luh khawhnak dingin na thluak kha rian serpiak peng. Tangka a luhnak seh taktak cu na idea in a chuak mi pahrang kha asi. Sifah timi hi tangka ngeih lonak in ruahnak ngeih lo asi deuh. Tangka lei ah teinak hmumi si na duh ahcun, fimnak tam piin kawl hmasa. Cun na thluak thatnak dingah na thluak kha rianpe peng.

Tangka cu khuaruah a thiam mi siloah fimnak a ngeimi hnuzul asi. A fawinak in kan chim si ahcun “Fimthiamnak hi a lu si i, tangka hi a mei si” kanti hnga. Khuaruahnak tlawm mi lawng nih tangka hnu an zulh. Cucaah fimthiamnak kawl hmasa, cu hnu ah phaisa nih na hnu in an zulh lai.

Hihi thei, namte cu kan taat ah a haar chinchin. Cu bantuk in kan thluak zong lamtha a hmuhkhawhnak dingah kan hman le kan taat a hau ve tawn. Na thluak a chiat ahcun na nun zongchia ko lai. Cucaah na thluak na cawnpiak hnu lawngah na tangka lut a tha lai i na thangcho lai. Kan i lawm.

Jack Ma nih Kumkhua he Pehtlai in Mino hna Sinah a Chimmi; Kum zeizat na si cu ka hngal lo asinain a fawinak in tahchunhnak laak ka duh. Atu hi kum 25 na si ahcun palhnak na tuah tikah thinphangtuk in um hlah, palhnak zong hi na caah a miak pakhat a sikho ko.

Chimh kan duh mi hna cu kum 20 na si hlanah fimnak cawnkhawh i zuam. Cun,” kum 30 na tlinhlan ah a rian ah teinak a hmu mi Boss pakhat siloah company nganpi siloin a fa mite ah rian tuankhawh i zuam. Mati ka titik ah company ngan mi ah riantuan a tha lo tinak siloin company fate nih cun na chunmang zei asi timi an cawnpiak khawh deuh lai.

Kum 30 na tlinhlan i zeibantuk company ahdah rian na tuan timi nakin zeibantuk minung sinah dah rian na tuan timi hi a biapi deuh. A ruangcu boss tha nihcun zawnruahnak he thiamlak in an cawnpiak khawhlai. Kum 30 in kum 40 kar na vun si cun nangmah le nangmah kha “keimah tein bussiness ka tuah kho taktak lai maw” timi biahalnak i tuah.

Kum 40 in 50 kar na vun sicun nangmah nih na thiam mi rian siloah na pahrang he ai neihbik mi rian pakhatkhat kha na tuan ding si cang, na tuan hrimhrim a hau. Ma khi deuh, ma hi deuh tiin zeihmenh try lenti hlah, atu caan cu try caan siti lo. Zeiruangah ti ahcun teinak hmuhnak in sungh hi a fawideuhtuk caah asi.

Cucaah kum 40 in 50 kar hi na thiambik mi riankhan bussines tuah khawh i zuam. Kum 50 in 60 kar ah na kuttangah riantuan mi umter cang hna, nangcu (boss) riantuan mi zohtu sawhsawh siko cang. Kum 60 na sicun nangmah le nangmah kha caan i pe, rili kam hna ah kal in na duh ning tein vai i din.

Ma hihi mino pawl thluak cheuh kan duhmi hna cu asi. Kum 25″ na si hlancu zeibantuk palhnak poah tuah ko, na palhnak ah na thinphanghlah. Na tluk cun thothan, na tluk thancun thothan, na ngakchia rih ko, caan zong na ngei rih, a poi lo. Ma balte na tluknak tu hi fim an chimtu saya pakhat siter i zuam. Kan i lawm

Be the first to comment

Leave a Reply

Your email address will not be published.


*