Cinsuu Fanu Khin Thiri Cu Banhla Thluan Lianpi Aa Hmuh Caah A Nuam Bik Mi Asi!

Cinsuu Fanu Khin Thiri Cu Banhla Thluan Lianpi Aa Hmuh Caah A Nuam Bik Mi Asi!
=========
Cinsuu ti cu kawl holh in (ကြင်စိုး) tinak asi. Hrithlai in thah ding mi MAH tiah sullam a ngei. Cinsuu nih uknak an kan chut caah, Ram pumpi harsatnak kan tawn i, ngaihchiat lungkuai in kan um lio ah; Cinsuu Fanu Khin Thiri cu Halleluiyah Amen tiah aa lawmh tuk lio asi.

Aruang cu Telenor he an i tawn, Hawikom an si hnu ah Banhla thluanpi cu Telenor nih an dangh ti asi. Cucaah a nuam tuk I, ka thih zong ah apoi ti lo. Vawlei Banhla thluan lak ah a ṭhat cem mi kaa hmuh, kaa lung hmui tuk I ka lawmh tuk hna Telenor cu tiah ati. Zeitluk in dah zemlo duh asi kha hngalh ko uh. Cu bantuk fanu a ngeih mi pa nih dakaw Uknak an kan chut hi mu. Telenor I Ramdang pa Banhla thluanpi cu nam nam thaw thaw a ti tuk cang. Ooredoo he si sehlaw, Arti puam pi pi le Banhla thluan mangtara a ti lai pei tiah.

Cinsuu fanu dang zong an um rih cu mu. Achung chuak fanu lawng si hlah. Arpi Ṭahnak Sahngar nihnak ti bang in, Cinsuu fanu rual rual cu Company le Tender he an I zik mawi le vawlei cung ah aa nuam bik mi an si cang hna. Ahnu ah cun Mifir Thil zuarnak dawr an tuah lai ti asi.

Pher cung ah a zau ko mi Nuthluai nu cu dau pah, a hnukpar tawng pah, a chantling tang a chiah mi thong khat caa cu fir pah, cu Bantukin Uknak chut cu; a fawi zang lai tiah Cinsuu nih aa ruah nain. Atu cu amah le a fanu tanga lei tu an ṭhuat hna caah, Tawkua cu kut in I huh buin; hni cuaithlir buin; tlik zam nak hngalh loin, a hmai lei ah a thli thluahmah mi Cinsuu le a fanu Khin Thiri, Zemlo lawng a duh tu nu, Zuang zam nu cu. An pa fa in Lakfa an puai cang.

Amay Suu cu Nipidaw thong Inn ah an I ṭhial ter I, hlan lio chiah nak hmun a Inn ah ṭhial ṭhan uh tiah ASEAN Palai cu an chimh ter Cinsuu te nih. Mipi kha pumpi in hlen an kan timh. Amah Cinsuu cu a theih lo Bantukin aa um ter. Mah minung pa Joker phawt mi phekah bantuk asi ko hen cu. Joker tello in phekah teinak (Dongh nak) a kuat cu Salen kuat nakin aa dawh deuh cu ta.

King kah si sehlaw, Salen kuat in Cinsuu nih ṭhuat an kan timh nain, PDF tu nih Salen kuat in an ṭhuat colh. Letpadaung Thilhring cawhnak um Tuluk Company Wanpaung cu an kah bak ko hen cu. Cinsuu nih an kan hlen nak a kuat cu an fanu Khin Thiri nih, Ramdang pa, Telenor mirum pa i, Banhla thluan ei lio ah: a takpum cu: Taklawng muidawh Nanmawisan tluk in aa dawh mi asi ti kha kan hngalh ko ngakchia tiang in. Cinsuu nih thanthling liak ter an kan timh nain kan hngalh diam cu mu. Ngakchia lentecelh phun in an kan tuah mi cu kan hngalh dih cikcek ko.

Cinsuu hlen awk a hngalh ti lo caah Tyre (Motor ke) cu mei a duah i, Bing le rithai sii Dollar 640-million-man mei kan duah tiah an kan hlen ko. Hlaing Taya (Rangoon), Chian Myat Thazi (Mdy), Taunggyi a um mi nih Motor Tyre rim a nam tuk ngamsam, kan celh bak lo an ti ko kha. A pawng an phan ah a zam bak in an zam hna. Tyre rim a chia tuk palia an ti caah. American Dollar million 640-man Bing le Rithai sii cu MAH le a minung nin an zuar dih cang caah Motor ke mei an duah mi tu asi. Satan nakin hakkau deuh mi MAH nih a khangh sian bal lailo.

A zeilei paoh in aa rauh ning in asi ti lo, Ka sungh cang ti kha aa hngalh caah MAH nih lih le hrawkhrawl lawng in thil tuah aa timh cang. Kan TEI dengmang cang caah Mipi nih an Bukbau le nan kenret nan hltu rih a herh ko. CDF/CNDF le CNF kah tampi in pekchan rih a herh ko. Na bank balance ah zero a piah tiang nan kan hlut a herh ko. Laihlum hna zong nih Vok le Ar, Na Caw Sia, Meheh, tbk tiang nan kan hlut rih a herh cang.

Kawl lei cu hlut awk ah Nel pakhat te lawng a tang cang. Tukum cu thuan duh hlah ning, kan fa le hmanh an thih lo maw? Tirawl lo zong in thih ko ning tiah, an nel pakhat a tang mi cu an zuar I PDF an hlut hna. CHIN mi zong nih an nawl cawng ve hram usih. Kan nih CDF, CNDF, CNF cu Nanmawisan le Lulu Aung bang in kan bodyguards rual he kan vak ko hi mu, rak kan zangfah rih ko uh. Credit: Zingtincuai Cinzah

Be the first to comment

Leave a Reply

Your email address will not be published.


*