CJDC Nih Cathanh an chuah mi cu lung a hmuih tuk hringhran!

CJDC Nih Cathanh an chuah mi cu lung a hmuih tuk hringhran!
========
A ra laimi 2022 June thla chungah SAC nih, Chin ram chung ah sianginn on ding in timhtuahnak a ngeih mi hi, vawlei pi theih in kan ram a him cang, a dai cang, a hlan kel ning tein rian kan ṭuan cang, tiah langhter a duh caah a si.

Cucaah SAC kuttang sianginn ah nu le pa nih nan fale nan kai ter hrimhrim hna lai lo, Chinland mizapi uknak tang lawng ah sianginn nan kai ter hna lai, tiah Chinland Joint Defense Committee(CJDC) nih cathanh a chuah. SAC kuttang sianginn cachimtu Non-CDMers hna zong CJDC nih dantatnak kan tuah hna lai, tiah an langhter.

Matupi Education Board zong nih, Matupi peng ah SAC kuttang sianginn kai lo ding le Matupi mizapi uknak tang lawng ah sianginn kai ding cathanh a rak chuah cang. Cu bantuk in Mindat mizapi uknak phu zong nih an rak thanh.

CDF tih ruang ah sianginn ka kai ngam lo’ timi tuanbia thar a um nak hnga lo. Atu sianginn vialte khi nang le kei kan rak kai nak kha asi ko, MAH nih a thar in a sakmi asi lo. Cachimhtu zong MAH nih rian a pekmi an si lo. Cawn dingmi ca zong MAH nih a ser thar a um lo, NLD chan i an rak cawn ciomi lawngte a si ko.

Tukum ah kan nau/fa le sianginn an kai than khawh lo ahcun an vaivuan dih lai i kan miphun caah sunghnak fak bik kan ton a si te hnga. Mino sianginn kai lo nih kan miphun caah sunghnak a chuahpi ding a tam tuk. Dohthlennak a tuahtu kan unau zong nih kan ral taktak a simi uico ralkap tu khi biatak tein kan doh piak ko u, kan ral a si lomi sianginn kai khi cu kan doh piak hram hlah u tiah kan nawl ko hna.

Fimcawnnak hna nan doh tuk ahcun kan miphun harnak nan pek bantuk a si kho. ‘CDF kan tih ruang ah sianginn kan rak kai ngam lo, kan future a tlau’ tiah Lai mino tampi nih hmailei an chim te ding khi tihnung ngai a si.

Kawlrawn ah nikum thawk in sianginn an kai than dih ngawt cang. Laitlang hmanh ah peng dang cu nikum thawk in an rak kai pah dih cang; Thantlang, Hakha, Kanpalet le Mindat lawng khi an rak kai lonak peng an si. Sianginn kai hi cu a duhmi poah nih zalawng tein kai ko cang hna seh, forh zong an hau lo bantuk in thlauh le tlerh awk zong an si bak lo tiah ka ruah.

Rakhine ( AA) khi kam khat cun an hmalak dan ai dawh ka ti. Miphun nih fak tuk in a tuar lo fimnak an cawng CDM an tuah ralkap an duh hlei lo. A caan zohchunh in fimnak cawn nak kong hi cu pical ngai in tuak a hau ko. Kan miphun nih kan sungh bik mi cu fimnak hi a si. Nain sianginn kai ter vaivek hna ah cun CDM tuah mi pawl kong he aa pehtlai cang.

Ka fim a timi nih an theiduh lai ka zum lo nain a hman mi na chim. Fimthiam nak kong hi cu an kan ruat piak hrimhrim a herh ko. Salai hi a bia chim hi ka zoh lengmang le Ahman bak mi asi Ahman mi dir pi ngam mi pasal bak asi.

Covid hlan ngakchia kum 5 cu a tu kum 7 an si cang,a rauh deuh ahcun kum 10 in tangcheu an thut ngam ti lai maw. Na bia hi a dik ngai ve ko,Sinan Tuah hin a duh mi paoh siang inn kai ko uh tiin duhthim nak pee hna seh law Akai mi nak in akai lomi an tam tthiam lai.

sianginn kai hi CDF tih ruang a si lo, sianginn kai dingah CDM pawl hna zong khi hei ruat ta law na fim pah ah cun na fiang ngai ko lai. kan nih cu CDF kan tih lo. CDF cu kan miphun a kan dirkamh tu an si. nang mah bal te nih CDF cu na tih lai. a ruang cu Uico pawl ban tuk in na lungput a si ve caah a si.

CDF ttih ruangah a si lo an nih cu mipi a kan dirhkamhtu, kan bochan mi hna tu an si. kan ram tthat an duh cio ruang tu ah cheukhat an kai khawh rih lo nak a si. hmuntam deuh ah cun an kai dih cang ko khi tah. zeidah na chim langmang ve. an cawn mi subjects zong na hngal lai lo.na covo te a si i na au langmang ko nain Nang hi cu Laimi caah tthatnak lei nak in chiatnak deuh lawng te hi na chuah pi ko rua tiawk in.

Sianginn kai a herh hi ho cio poh nih hngalh dih siko. A si nain ralkap Cozah an rian a kal khawh lonak dingah tiin Siang cachim tampi nih an rian an nuar lioah ngakchia hi sianginn ah luhter hna usihlaw a nuar lomi saya te mitlawmte nih an rak chimh hna hnga i ca cu an tei hlei hnga mw? Cun a nuarmi pawl hiteh zeitindah an um ve hnga? an lut țhan lai maw? Dohthlennak tuahmi cu na doh peng ko hih.

Na chim mi hi a dik ngai mi a lo nain! Siang in kai han seh law ca chim tu CDM tuah mi nih khin non CDM tuah than in ca chimh khi an hei hau hnga. a zei khi hme CDM kan au hnawh chan cu c ne hnga. cun thlantlang siang in le bang an luak he an ek he khi ti hnawm bur an tuah hnu ah maw kan fa le nih an hei thianh piak han hnga le sg cu an hei kai hnga c kho lo. ral kan zam nak ah thq tein khua te kip ah siang inn an kai ko CDM tuah mi kan sayama te nih ca an chimh ko han a co zah siang inn theng tu lio va kai kha a hau loh.

Sianginn kai ter hna ah cun CDM hi doh ti lo lawlaw a hau hnga, ralkap CDM lawng cohlan in a dang paoh cu an rian ah luh ter than dih lawlaw a hau ding a si ve. Kap hnih in ruah a hau. siang in kai lo hi ral kan tuk ban tuk a si ve siang in kan kai than ah cun ral hrang bawmh chanh ban tuk a si kan tei tik ah cunzei zong vial te hi ai rem te ko la a tu hi ban tuk in ral hrang hrih mi poh kan zulh ah cun zei tik hmang kan tei bal hna la lo lung thli tum cu tei hna hlah uh sih ti a duh mi a si kha.

Be the first to comment

Leave a Reply

Your email address will not be published.


*