CNA/F Upa Pawl Nih Than Tlang Peng Mipi An Tlawn Hna

Thawngthar: Khah CNF/A Le CDF Nih Thanthlang Khuanu Khuapa An Ton Tak Cang Hna Hih

CNF/A ttuanvo ngeitu hna, CDF hruaitu cheukhat, Thantlang khuanu khuapa hna le mipi ton biaruahnak an ngei hna. Nihin Zinglei Rihkhawdar Kahdohnak a Fak Nihin zingkate ah Falam peng chung, India-Myanmar ramri khua Rihkhawdar ah miphun ralkap le SAC ralhrang kahdohnak a fak ngai.  Hliampu/mithi an um le um lo fiang in theih a si rih lo.SAC ralhrang nih ramri ah an chuhmi hna Kawlram hmatpungtin (ID) tampi miphun ralkap nih an lak khawh i a ngeitu nih hlam cio ding in thawngthanhnak zong an tuah. Ref: The Chin Journal

Relchap: Russia Nih Volunteer Ralkap Kan Cohlan CangRussia President Putin nih cun Russia lei ṭang in Ukraine doh a duh mi volunteer ralkap kan cohlan cang i Ukraine hriamnam kan chuh mi hna poh Russia ṭanhtu hriamtlai( tapung) pawl kan pek hna lai, tiah a chim.

March 11 Russia Security Council meeting ah Russia Defence Minister nih US sermi anti-Tank ( tank kahnnak) hriamnam Javelin le Stinger pawl hna hi Luhanks le Donetsk ah um mi hriamtlai pawl kan pek hna a herh timi biatung a chuahpi mi cu Putin nih a cohlan i, volunteer ralkap a cohlannak kong a chim colh.

Putin nih cun, “Russia a ṭanh i a dirpi mi hriamtlai hna nih volunteer in Ukraine tuknak ah kal a duh mi poh kal khawh a si. Russia Nichuah lei kap ah khin Russia caah volunteer in Ukraine tuknak ah kalduh mi minung 16,000 hrawng timh cia in an um,” tiah a chim. Ref: The Chin Post

 

Be the first to comment

Leave a Reply

Your email address will not be published.


*