CNA nih Falam um ralhrang ankah ruangah CNDF an buainak hi a ruang tampi lak ah!

CNA nih Falam um ralhrang ankah ruangah CNDF an buainak hi a ruang tampi lak ah!
==========
Chin Mipi dihlak nih kantheih ah a ttha cangko tiah karuah mi cu..CNA nih Falam um ralhrang ankah ruangah CNDF an buainak hi a ruang tampi lak ah, An buainak hrampi pakhat a simi cu. A hlanpi khan Falam peng Zahau Upa pahnih thum 3 hna nih Falam peng Zahau Mino anrak tukforh hna ruangah a si. Falam nih Hakha le CNA remlo nak an neih mi hi Falam peng dihlak lungtling mi a si hrim2 lai lo. Hi Falam le Hakha CNA ti bantuk buainak hi a can araksau tukcang mi asi.

Falam Mipi le Hakha remlo nak thlaici a tuh tu hna cu. An min ttial lo in an khua min in kavan ttial lai. 1. Zawngte, 2. Silawn, 3. Tlauhmun mah khuathum 3 hna nih heh tiah Hakha cu an tthalo Falam khuapi zawng an kanchuh tiah lih le hrakhrawl in an chimh an rawnh anrak tukforh hna i an pawngkam khua mi..Cerhmun le Singai Dokhar khua mino pa hnihthum hna cu an rakchimh rawnhkhawh ngai hna..Hi hna khuathum 3 hna hi an pawngkam khuadang nih cun’ an raksual tuktik ah an rakhua tuk ve hna an biazawng an rakngai piakduh ve hna lo.

Khua min kattial lo mi an pawngkam khuadang nih cun” Hakha minung le CNA zawng an rakhua ve lo.CNA le Hakha mi an kanhua tu hi Kawlrawn lei Falam mi ansi zawngah hi hna khua 3 min kattial mi hna tefa deuhlong te an si..Falam Mipi a tam u nih cun CNA le Hakha minung hi an kanhua nemmam lo, an lung kalzawng a tthatuk ko..Hi hna khua 3 tefa le an tukforh khawh mi hna mi tlawmpal te i fonh in Online ah Commant in siseh Cattial in siseh ankan doh i a tamtuk mi a lo bia a si ko.

A hnudeuh ahcun Falam le Hakha buaiter tu a hrampi a si mi hna an hruaitu hna an minle an khuate ciao bak in kavan in ttialpiak te hna lai. Hiti a hman mi ca kanttial tikah cheukhat nih cun a ttha lo nan ti men lai pahnihkhat misual deuhpawl caah cun a fak ngai ko lai nain kapkhat lawng in zohding a si lo, kan mino hna nih Hakha Falam kanrak buainak hi mahruang ah hin mw a rak si..buaitlak lo tuk ah pei kanrak buai hi tiah an theihkhawh ve nakding ah kattial duh mi a si. Luangrual Nak

Hakha Thantlang mi ka si ruangah, Zawngte le Salawn kar ah nikhat chung Ngun Uk Lian le a nau le nih hri bak in an rak ka hren bal ka philh kho lo tu tiang ka kedan tiang an rak ka chuh.

Min Aung Hlaing Le Thailand Ralbawi Zik Cu Ngapali Ah Tonnak An Ngei. Hramhram in nawlngeihnak a latu Min Aung Hlaing le Thailand ralbawi zik Chalermpol Srisawat cu, Rakhine ramkulh Ngapali ah January 19 ah tonnak an ngei, tiah SAC nih cathanh an chuah. A voi 8nak Myanmar le Thailand, ral kong he pehtlai in ralbawi hna tonpumhnak meeting cu, January 19 in 21 tiang nithum chung Ngapali ah tonnak an ngei i ramri hmunhimnak kong a bik in an ceih/ lai, tiah theih a si.

Min Aung Hlaing cu Thailand ralbawi zik Chalermpol Srisawat he i ton dingin a kal lioah SAC ke ralkap, ti ralkap le van ralkap hna nih humhimnak an lakpiak. Lamthluan dawr vialte zong an kharter dih hna, tiah tualchung mi hna nih an chim.

SAC Ralhrang Nih Sianginn Kaimi Helicopter In An Kah Hna Caah Mipi Hliamhma Tuarmi An Um! Magway ramṭhen Myaing peng Bahein khua cu SAC ralhrang nih Mi35 helicopter in an kah hna caah mipi hliamhma tuarmi an um tiah theih a si. Tangkhawng January 21 chun suimilam 1:30 tluk ah SAC ralhrang nih Mi35 helicopter in an kah hna caah mipi hliamhma tuarmi an um nain nunnak liammi an um le umlo thawngfiang theihkhawh a si rih lo tiah theih a si.

Tualchungmi pakhat nihcun “Bahein khua ah sianginn kaimi hngakchia pawl nuamhnak puai tuahnak hmun a rak kah hna. Si-inn zong a kah rua i khoika hmun set a si ticu fian a si rih lo, kahdohnak zong a umlo, mipi hliamhma tuarmi an um nain a thimi kong ah thawngfiang theih a si rih lo” tiah a chim.

Khuapi Pahnih Ah SAC Nih Thiamnak An Tuah Dingmi Caah Rian AnṬuannak Penguk Zung Bomb An Puak, A Thimi Le Hliamtuar An Tam! Bago ramṭhen Zigon (ဇီးကုန်း) khuapi ah SAC ralhrang nih lih le hrokhrawl in thiamnak an tuah dingmi caah an timhlamhnak hmun penguk zung cu Bomb puah hnawh an tong i ralhrang chungtel minung 2 an thi tiah theih a si.

Tualchung hriamtlai in nawlngei pakhat nihcun “January 21 zinglei suimilam 11:30 tluk ah penguk zung chung ah kutcheh Bomb in kan cheh hnawnh hna hnu ah Cycle chung Bomb kan tarhmi cu remote in kan puahhnawh ṭhan hna caah ralhrang chungtel 2 an thi i 5 nih hliamhma an tuar” tiah a chim.

Cubatuk ṭhiam in Bago ramṭhen Gyobingauk (ကြို့ပင်ကောက်) khuapi ah ummi SAC ralhrang thimnak ding caah rian an ṭuannak hmun penguk zung cu January 20 zaan suimilam 10:00 tluk ah PDF hna nih Bomb an puahhnawh hna caah ralhrang chungtel minung 3 nih hliamhma faktuk an tuar. SAC ralhrang nih meithal in an kah chih hna nain nunnak liammi le hliamtuarmi kan umlo tiah, Bago Region PDF nih an langhter.

Kahdaihnak Minthumi DKBA Ralbawi Pakhat Umnak Inn Telh In SAC Nih Cunglei In Bomb An Thlak Hna Caah A Thimi An Um! SAC ralhrang he kahdaihnak (NCA) minthu mi Karen hriamtlai phu DKBA ralbawi Saw Aye Wam (ဗိုလ်မှူးကြီးစောအေဝမ်း) zung le a inn telh in raltuk an cawnnak hmunhma hna cu SAC ralhrang nih Jet vanlawng in an kahpiak hna caah DKBA hriamtlai minung 2 nunnak a liam taih theih a si.

Tangkhawng January 21, nihin zing ah Karen ramkulh Payathonsu (ဘုရားသုံးဆူ) khuapi, Kyeinchaung No.2 sang ah ummi SAC ralhrang he kahdihnak NCA minthu mi DKBA ralbawi zung le inn telh in raltuk an cawnnak hmunhma hna cu SAC ralhrang nih Jet van lawng in Bomb an thlak hnawh hna i an rawk dih pin ah DKBA hriamtlai in minung 2 nunnak a liam. SAC ralhrang nih zeiruang ah a kah timi thawngfiang theih a si rih lo tiah theih a si. Karen hriamtlai phu DKBA cu SAC ralhrang he kahdeihnak minthu mi a si i ralhrang nih Uknak an lak hnu zong ah a tu le tu aa tong lengmangmi an si tiah theih a si.

Karenni Hriamtlai Phufonh Hna Nih SAC Sakhan An Lak, Hriamnam Tam Ngai An Chuh Hna. Karenni (Kaya) ramkulh Bawlakhe peng Mesalawng tlangah a ummi SAC sakhan cu Jan 20, zinglei 7:50am hrawngah Karenni hriamtlai phufonh hna nih an lak i hriamnam tam ngai an chuh hna! SAC ralkap 5 an thi i Karenni Army (KA) ralkap 1 a nunnak a liam ve! Cu sakhan laknak ah Karenni Commando၊ KA၊ KNDF B(15)၊ KNDF B(16)၊ KNDF B (09)၊ Loikaw PDF၊ DMO PDF hna an i tel!

SAC ralkap cu Jet Fighter pakhat nih cunglei in a bawmh hna i bomb voi 3 a thlak. Cun sakhan dang i an hawile zong nih hriamngan in an bawmh hna nain Karenni hriamtlai phufonh nih an sakhan cu an lak khawh. An lakmi hriamnam hna cu 60 mm miakpi pahnih, RPG pakhat, MA-1 pakhat, MÀ-2 pakhat, MA-3 pakhat, MA-4 pakhat, 9mm pakhat, Sniper pakhat le bomb le kuan hna an si!

Karenni Hriamtlai Fonh Hna Nih SAC Ralhrang Hmunkhuarnak Sakhan An Lak! Karenni ramkulh Bawlakhe (ဘောလခဲ) peng Mesalaung tlang ah ummi SAC ralhrang hmunkhuarnak sakhan cu tualchung hriamtlai phufonh hna nih an lak i ralhrang 5 ruak le hriamnam tampi zong an lak chih tiah KNDF nih fehternak in an langhter.

Tangkhawng January 20 zinglei suimilam 7:50 tluk in tualchung hriamtlai phufonh Karenni Commando၊ KA၊ KNDF B(15)၊ KNDF B(16)၊ KNDF B (09)၊ Loikaw PDF၊ DMO PDF hna nih an kah hna i zing suimilam 9:30 tluk ah an lak khawh tiah theih a si. Cu kahdohnak ahcun SAC ralhrang nih Jet vanlawng pakhat in Bomb voi 3 tiang a thlak. SAC ralhrang nih hriamngan voi tamtuk an kah hna nain Karenni hriamtlai phufonh hna nih an sakhan cu an lak khawh.

An lakmi hriamnam hna cu 60MM pa 2, RPG pakhat, MA-1 meithal pakhat, MA-2 meithal pakhat, MA-3 meithal pakhat, MA-479 pakhat, 9MM pakhat, Sniper pakhat, hriamngan phunkhat, Bomb pawl le ralthuam dang dang hna zong an lakchih hna tiah theih a si.

Myitkyina Peng SAC Ralhrang Sakhan 60MM Bomb 10 In Kah A Tong! Kachin ramkulh Myitkyina (မြစ်ကြီးနား) peng No.21 SAC ralhrang hmunkhuarnak sakhan cu a tuzing ah 40MM Bomb thei 10 in an kah caah ralhrang thimi le hliamhma tuarmi an um lai tiah zumh a si. Tangkhawng[January] 21, nihin zing suimilam 5:40 tluk ah ralsial ding in kal aa timmi SAC ralhrang pawl sakhan cu 40MM Bomb pahra in an kah hna caah si-inn moṭor zong an sakhan ah a lut colh, a thimi le hliamhma tuarmi an tam lai tiah zumh a si. Credit: The Chin Post, Lungmili Post

Be the first to comment

Leave a Reply

Your email address will not be published.


*