CNDF Nih Ralhrang Tamlak An Thah Than Hna

Chin ramkulh, Falam peng lei ah eidih phorh ruah ralhrang mawtaw (22) an rak kai. Cu a kaimi mawtaw pawl hmaikal piaktu ralhrang pawl cu CNDF nih 2022, February 11 an rak kah hmasa hna caah ralhrang 5 hrawng an thi i mipi hriamtlai lei in aa hliammi an um lo tiah CNO nih cathanh a chuah.

“Inn Lawng Mei Nan Kangh Khawh Lai, Kan Thinlung Le Vawlei Cu Zeitik Hmanhah Nan Khangh Kho Lai Lo” Tiah Pale Mipi Nih Lawm An Zawh! Sagaing ramthen Pale peng chung khua pakhat ah SAC ralhrang ralkap duhlonak langhternak lamzawhnak ahcun Pale khuapi chungum lamzawhnak committee hruaitu pakhat nih a fonh hna i, cuticun Febuary 11 chun ah lamzawhnak an ngei tiah theih a si.

Pale khuapi ahcun SAC ralhrang nih rampi dohthlenhnak ah a teltu hna nih an tih nakhnga le an thazaang a der khawh nakhnga tiah minung umnak inn (1000) lengkai cu mei an khangh nain Pale mipi hna nih pehzulh in SAC ralhrang ralkap ralchanhnak le duhlonak lamzawhnak cu an tuah thiamthiam.

Cu bantukin lamzawhnak an tuahnak ahcun “kan khua le inn lawng mei nan khangh khawh lai, kan thinlung le vawlei cu zeitik hmanhah mei nan khangh kho lai lo” tiah tialmi catlap hna i ken chih in SAC ralhrang ralkap duhlonak langhternak caah lamzawhnak an tuah.

Ref: Zalen

 

Be the first to comment

Leave a Reply

Your email address will not be published.


*