CNF/CNA hrawh a duh tu phu an si. Phaisa pe citcet hlah u!

Chin miphun nih dirpi hrim ding “Chin Digital Lottery” (တူမီးထီ)

Chin Relief Funding Program; Aruang pawl, 1. Fund kawlnak menmen ah si loin “Chin Federal Cozah” a dir bak in “Federal Lottery” in hman khawh ding le “Chin Federal Cozah” nih phaisaa luhnak ah an hman khawh ding in hmuitinh i sermi a si. A tu kan unau “Mizoram Cozah” zong nih “Federal Lottery” an ngeih caah tthanchonak tampi a bawmchaan tu a si.

2. Fund hmuhmi cu zei bu hmanh thleidannak um loin Chin miphun huap in phawtzamhnak tuah te ding a si. Chim duh mi cu $1000 hmuh zong ah $10 cio tal in Chin miphun huap in phawtzamh te ding in Policy sermi asi.

Ruah hrim ding; NUG cozah tiah a vun dirh tik ah mipi bawmhnak phaisaa lawng in rian a ttuan kho lo. Cu caah “Nwee Oo Tthi””နွေဦးထီ” tiah dirh a si. Cu lawng hmanh nih a zat khawh rih lo caah “NUG bond” an ser i phaisaa luhnak an tuah. Ziah mipi bawmhnak lawng in a zat lo ti ah cun Cozah pakhat dirh tik ah phaisaa lut a caan hmaan a herh.

Cu caah cozah pakhat a dir khawhnak ding ah Ngunkhuai “Tax” mipi nih kan pek hi a si. NUG cu Ngunkhuai “Tax” luhnak a um lo caah a tu lio NUG dir khawhnak caah “Nwe Oo Tthi” le “NUG bond” hi thazaang kan pek lawng ah rian an ttuan khawh ding hi a si. Cu caah a tu lio kan ram boruak nih a herh bikmi “Chin Federal Cozah” vun dir seh “Federal Lottery” tal a um lo ah cun “NUG” sin in bawmhnak hal peng a si te lai.

A tu lio mipi nih kan duh lo bikmi cu “Center Cozah” nih “State Cozah” pawl duh poh in an tthut dir ter hna hi a si. Cu caah “Chin Federal Cozah” a dir zong ah “NUG” lei lawng in phaisaa an kuat a si ah cun kan ramkhel a kal lai ning mitthlam ah cuan ter khawh a si.

Chin Digital Lottery “တူမီးထီ” hi zumhthlak a si maw? Ca a sau tuk ah cun nan rak rel zuam sual lai lo caah a hnu tu ah ka peh tthan te lai. Keimah zong Hi Chin Digital Lottery “တူမီးထီ” program a tuahtu ah kaa tel ve caah zaa ah zaa in zumh thlak a si. Cu caah Federal mui cuanter pah, a ra lai ding kan Chin Federal Cozah caah a herhmi timhtuah cia pah in le Chin huap in fund phawtzamhmi cawlcanghnak hram thawk tti cio usih. Bu kip, pumpak kip nih Chin Relief Funding Program ah tel khawh a si.

Chin Digital Lottery a tlamtlin khawh nak ding ah Chinmi hi kan biapi bik ko. A tang lei ah hin zei tin dah Chin Digital Lottery kan thu ve lai timi zoh khawh a si. Promotion a si caah a tu hi cu Free in a si i, First Price caah $750 a si lai. Na Like and Share tuahmi cung ah kan ilawm! Ruahchannak tampi he, Salai Dokhar.

ZRA cu “Ralhrang Bu” an Si tiah CJDC nih a Fehter. Tu thla April 7-12 tiang Chinland Joint Defense Committee (CJDC) meeting cu CNF/A Headquarters Camp Victoria ah an tuah i, Zomi hriamtlai ZRA cu “Ralhrang Bu” an si, tiah Chin ramkulh chung hriamtlai bu 18 nih an fehter.

“ZRA (Eastern Command) nih Chinmi hna cung ah thahnawnnak, hremnak le dohdalnak pawl an tuah timi tehte fek tein kan hmuh. Cun, SAC ralhrang he an i bawm timi zong tehte kan hmuh. ZRA nih Tedim le Tonzang an aiawh lo. Cucaah, ZRA (Eastern Command) cu Ralhrang Bu an si tiah kan fehter,” tiah CJDC nih nihin ah cathanh an chuah.

CJDC tonpumhnak ah CNF/A, CDF-Paletwa, CDF-Kanpetlet, CDF-Daai, CDF-Hualngoram, CDF-Hakha, CDF-Thantlang, CNO/CNDF, CDF-Mindat, CDF-Mara, CDF-Zotung, CDF-Lautu, CDF-Zophei, CDF-Matupi, CDF-Tonzang, CDF (CDM)-Siyin, CDF-KKG le ZFU/PDF-Zoland in aiawhtu hna an kai kho.

Hmandaw Khua Mino 3 SAC Ralkap Nih An Thah Hna! Hmandaw khua mino 3 Pu Thang Bik (kum 29) le a naupa Salai Ni Dun Sang(kum 19) le Pa Lian Thio cu (kum 31) SAC ralkap nih an tlaih hna i an thah hna hnu ah an ruak van la uh tiah an chungkhar an ti hna.

Kan hnuzarh cacawn ninga ni, April 8 ahkhan Pu Thang Bik le a naupa Salai Ni Dun Lian le an hawipa Pa Lian Thio hna cu ralzam in an i dornak hmun ah an eiding facang a dih cang caah Hmandaw khuachung ah an lut i facang an va rial, an rak kir lei ah Biakinn hmai ah SAC ralkap he an i tong an tlaih hna hi asi a thaizing April 9 ah an ruak van la uh tiah an chung le thawng an thanh hna.

Hmandaw khua cu khuami nih an chuahtaknak thla 2 hrawng asi cang caah khuami nih an ruak zong an la ngamlo i Taungkhayan khua an sahhlawh hna nih nizaan April 11 ah khan an ruak cu an va lak i an vui hna tiah kan theih.
”April 9. Saturday ah khan cun an thi cang tiah thawng kan theih i, An ruak hmuh rih lo si tik ah kan zum kho rih lo, (တောင်ခရမ်း) Taungkhayan ummi Kan chungkhat kan va zoh ter hna le, Aaa kan si ngai ngai ko e, an kan ti e, Sunday lawng ah bia fiang kan thei ve” tiah Pu Thang Bik i a farnu nih The Chin Post ah a chim.

Ralzam nak ah eiding facang a um tilo caah ka pa nih khuachung ah facang rial a fial hna i an rial dih i an kir lei ah SAC ralkap he an i tong i an tlaih hna hi asi, Hmandaw khua cu khuapi tein kan chuahtak cang i minung pakhat hmanh khuachung ah an umlo tiah a chim chap. Credit: The Chin Post

Paletwa Peng AA Cawlcanghnak Ruangah Tualchung Mi Thinphang An Um! Chinram thlanglei Paletwa ah Rakhine ralkap AA nih an herh mi tuahpiaktu ding ah khuate pakhat ah minung pali cio ṭuanvo an pek hna i, ukhruainak hrampi an ser ning ah Paletwa khua mi(Chin) hna cu thinphang a um, tiah Khonutum nih a langhter.

“AA ralkap pawl nih Pii tiva thluan um khuate hna cu, khuakhat ah minung pali cio in an thim hna i, Chin mi lawng te an si hna. AA pawl bia an al ngam lo caah ṭuanvo an khinh mi poh cu an tuahpiak hna,” tiah Paletwa khua mi pakhat nih a chim. AA nih Paletwa nitlak lei um Pii tiva le chaklei khuakomh 20, khua 100 hrawng cu khuakhat ah minung pali cio an thim hna i, anmah an herhmi tuahtu ding ah ṭuanvo an pek hna, tiah a chim chap.

Khua mi an thim mi pawl cu AA nih an auh tik hna ah an kal te lai, atu zong ah khua cheukhat auh mi hna cu AA sakhan ah an kal pah cang ti zong theih a si. Rakhine ralkap AA nih mizapi cu hramhram in an auh hna i, ngunkhuai zong an laak. AA ukhruainak tang ah ṭuanvo an pek mi hna nih an ṭuanvo an cohlan lo ahcun Kin(ကင်း) khua mi harnak an kan pek lai, tiah Paletwa mi nih cun a chim.

Paletwa peng ah khuakomh 196, khuate 400 hrawng a um i, AA cu 2015 thok in Paletwa peng ah umhmun khuar in an cawlcang. Atu lio zong ah Paletwa khua chaklei: Kuanbauh, Kyaukpindaung, pingneytapin, themachaung, cuaidaung, kyilay, maungnamah, cawngchaung le chindauh khua hna ah AA nih umhmun an khuar, tiah theih a si.

Be the first to comment

Leave a Reply

Your email address will not be published.


*