Kalay-Rih Motor Lampi Kan Phih Tiah Cathanh Chuahnak Kong Ah Phungning A Si Lo Tiah CNF Nih Thanh
=======
Chin ramkulh, Falam peng Rih-Kalay kar motor lampi ah khualtlawng motor le thilphor motor luh/chuahnak dihlak December 18 in kham a si tiah online in thawngpang a lengmi kong ah phungninglo a si tiah CNF chim phuannak nawl ngeitu Salai Htat Ni nih a chim.
India-Myanmar ramri Rihkhuadar le Sagaing ramṭhen kar ah a kalmi khualtlawng motor hna cu hmunhma a humhimnak caah tiin luh/chuahnak vialte December 19 in 2023 January 5 tiang phihkham a si i, a tu bantuk in phihkhamnak an tuahmi cung ah mipi le thilphor khualtlawng mi hna nih nawl zulhding tiah nawlnak cathanh cu CNF Seal in December 17 ah online ah phozar a si.
Hi kong he pehtlai in CNF chimphuannak nawl ngeitu Salai Htat Ni nih CNF nih thanhmi a umlo caah, hi cathanh kong ah lung awṭawm in umlo ding ah mipi sinah nawlnak a chim. Kalay-Rih motor lampi cu India-Myanmar ramri pehtlaihnak ah a bik in hmanmi motor lampi pakhat a si.
CNA/CNF huatu nangmah Bantuk nih fake an tuah cawp si ko khah! Hi bantuk a biapi mi cathanh hna hi cu zapi sinah post len awk zong a si lo ee! Theih lo ahcun dai tein um ziar ding a si. An upa te zong nih mah bantuk ca hna hi mi sawhsawh sinah an phak ter ding zong a si lo. Ral a tei ding phun cu kan si ruam rih lo ee.
CNF/A a remlotu pawl nih an chuahmi a si. Mah ca a taar tu lei khua khi an si lai. An catial hrim khi official catial a si lo eh. Sign an thutmi hrim.khi fircham in an.thutmi si a fiangtuk ko. Ningzah awk zong a si,Upa pipi nan i tag le,official ca le fake le fake lo so zong hlat loin ,nan mang bang colh hi a thurmi ruahnak put lo a tha. Upa lungfim pi zong na si cang ningzah zong hi thei pah.na thei tuk ko mi fake a si na post ter hram CNA/F na duh lo zong ah herh lo mi hi tuah peng hlah.
Michael Van upa lungfim na si cang kha hi ti hin um hlah na caah tha lo fake A si na thei ko mi na post mi hi a tha lo na catial le comment na tuh bantuk in na zuun caan Phan te lai hi. Milai upa pi na thin lung put chiat ning hi zan zong ah mitku thaw ten na hngilh kho la lo hih. Mah fake in tuah tu zong hi midang an si la lo nang mah na si ko la.
CDF-Zophei sinah CDM a tuahmi SAC Ralkap hna le Palek an um! Hakha 266 တပ်ရင်း in SAC Ralkap pathum cu September thla chungah CDF-Zophei sinah CDM an tuah. 1. Zin Ko Htet, 2. Aung Phyo Min, 3. Tat Naing Htun hna an si. Methal MA-2 pakhat (megazin 3), kuanfang 700 leng le kuthlonh bomb 3 zong aa telchih.
CDF-Zophei nih lawmhpinak laksawng le meithal man tangka MMK sing-150 (minung pakhat ah sing-20 cio le MA-2 caah sing-80) an pek hna i, humhimnak hmun ah an chiah hna. Cun Palek pakhat zong CDM tuah a duh caah Hakha khuachung ah an va laak.
Aung Thang Hakha Sakhan ah duty a hngakmi a si i G3 meithal pakhat (megazin 2) kuanfang 130, MA kuan tlawmpal le 9MM kuan tlawmpal, gyi-kaa le palek hmanmi thilri dangdang he November 15 ah CDF-Zophei sinah a phan. Hriamnam he CDM a rak tuahmi palek Aung Thang lawmpinak caah MMK sing-80 pek le a humhimnak hmun tiang tuahvo lak a si lai.Zophei Information Center
President Zung Order No. 5/2022 HAKHA PENG CHUNGAH SATIL LUHPI ON THANNAK! 1. Hakha peng ah khuate (71) kan um. Lothlawh le satil zuatkhalhnak in paw aa cawmmi kan si. Khuate lei khua a sami kan mizapi nih satil zawtnak a chuah caah satil luhnak phihkhampiak dingin an rak chuahpi caah 10 November 2022 in Hakha peng chungah satil luhpinak cu phihkham a si.
2. CDF Hakha Council nih phihkham sawhsawh lawng si loin, satil zawtnak umtu ning siseh, khuate lei satil sining cu hlathlai le zohfelnak tuah colh a si. 3. Cu zohfelnak le hlathlainak tuahmi in hmuh khawh ningin satil a zaw cia mi zong an dam pah cang timi hmuh khawh a si pin ah a thi mi zong an um ti lo. Cucaah 9 November 2022 President Zung Order No. 4/2022 i chuahmi cathanh cu 12 December 2022 in kan hnawh than.
4. Hakha peng chungah satil luhpi phihkhamnak cu 13 November 2022 thokin a dang thawngthanhnak tuah than hlan tiang on than a si cang tiah thawng kan in thanh hna. 5. Cheu khat khua ahcun anmah khua zulhphung ningin an khuaram chungah satil luhternak a phitkham mi an um kho rih. Khua nih an khuaram caah an tuahmi zulhphung cu satil cawk/zuarnak a tuahtu hna nih upatnak nan kan pekpiak naklai theihternak tuah kan duh chih.
6. Caan karlak phihkhamnak chungah satil caw/zuartu hna nih rammi tha nan sinak nan langhter ii nan kan zulhpiak caah kan i lawm. Hmailei zongah kan dihlak ca thiltha riantuannak ah nan kan dirhkamh zungzal naklai kan in sawm rih hna. President, CDF-Hakha Council.
CDF- Paletwa Ralkap Pakhat A nunnak Liam! CDF- Paletwa ralkap Salai Khat Pyaung(kum 25) cu December 11 kahdohnak hmaisuang hmun pakhat ah a nunnak a liam. Ram le miphun caah nunnak a petu Salai Khat Pyaung cu upatnak sangbik kan pek. Tantak mi a chungkhar kan ngaihchiatpi hna tiah CDF Kanpetlet nih December 13 ah cathanh an chuah.
Nanchaung Khua Biakinn Telh In Inn 19 SAC Ralkap Nih An Khangh. Sagaing ramṭhen, Kalay peng Nanchaung khua cu December 12, zinglei ah SAC ralkap nih an luhhnawh i Biakinn telh in inn 19 an khangh tiah CNO Upper Chindwin Committee nih cathanh an chuah.
Nizaan December 12, zinglei ah pyusawhṭi le SAC ralkap hna cu Saedaw Oo khua in Nanchaung khua ah an lut i tualchung hriamtlai phu hna he kaphnih kar kahdohnak a chuak tiah theih a si. Kahdohnak kong he pehtlai in a thi mi an um le umlo fiang in theih a si rih lo.
Kalay PDF Nih Mizapi Sin Ah Ralrin Peknak Cathanh An Chuah. Kalay pengchung ah kahdohnak a um caah Doewaichaung – Yesakyo nitlak chaklei lampi cu mizapi nih zulh le hman rihlo ding in Kalay PDF nih nawlnak cathanh an chuah. Cathanh chuahmi cu nawl zullo in a ummi hna cung ah harnak le thil pakhatkhat a can ah cun Kalay PDF nih ṭuanvo kan la lailo tiah nihin December 13 ah ralrin peknak cathanh an chuah.
Kanpetlet-Saw lampi Hmankhawh A Si Cang. December 13, zinglei in Kanpetlet-Saw lampi cu ahlan keel tein kalkhawh le hmankhawh a si cang tiah CDF-Kanpetlet battalion 3 nih theihternak cathanh an chuah.
Kanpetlet – Saw lampi cu 2022, December 12 zinglei suimilam 8:00 in caan karlak chung kan phih tiah Kanpetlet peng zatlang uktu phu nih cathanh an rak chuah. December 13 in cun cu lampi cu caankel ten hmankhawh a si ṭhan cang tiah CDF-Kanpetlet battalion 3 nih cathanh an chuah.
Aung San Su Kyi Taza Cuainak Kong Ah Pu Henry Van Ṭhio Cu Tehte Ah An Auh. Rampi ruahnak petu Aung San Su Kyi cu eihmuarnak case in SAC nih taza an cuai caah Vice President hlun Henry Van Ṭhio nih December 12 ah tehte dirhmun in bia a chimpiak, tiah biaceih zung he naihniam in a ummi hna sinin theih a si. Kokek harnak kong ah runvennak committee tangka in Helicopter cawknak le hlannak ah Aung San Su Kyi nih eihmuarnak a tuah, tiin SAC nih taza an cuai hi a si.
Cu caan lio i Helicopter cawknak le hlannak ah nawlngeitu bik cu Henry Van Ṭhio a rak si, tiah theih a si. Aung San Su Kyi ca ah tehte in a dirmi Henry Van Ṭhio nihcun Helicopter cawknak le hlannak kong he pehtlai in upadi ning le zulhphung ning in ka phuan, tiah a chim. Aung San Su Kyi cu case number 46, 47,48,49 le 50 case a ngei i nihin December 12 ah case 46, 47 le 48 an check piak dih, case pahnih a taang rih, tiah Henry Van Ṭhio nih cun a chim.
SAC nih nawlngeihnak an lak hnu in NLD hruaitu upa vialte cu SAC ralkap nih an rak tlaih dih hna i, Henry Van Ṭhio tu cu a rian tlaihmi Vice President dirhmun in a um ko i an tlai lo, tiah theih a si. Aung San Su Kyi cu case 19 in SAC nih taza an cuai i case 14 ca ah kum 26 thong thlak dingin bia an khiahpiak, tiah theih a si. Credit; The Chin Post
Leave a Reply