Col. Solomon Thangding a rak chimmi bia cu a tling cuahmah cang!

Raltuk Kong Media ah Tar Colh Lo Ding in Col. Solomon nih Forhfial
========
Chin ramkulh chung raldohnak kong he pehtlai in online/media ah tar colh lengmang lo ding in CNA ralbawi Colonel Solomon Thangding in online biaruahnak (Vaurawng Zunthli) ah a chim.

“Raltuk tik ah media ah vikvik tiin chuah phung a si lo. Raltuk timi cu ning le cang (Maha-Byuha) tein a kalmi a si i, kan ral nih cu thawngpang pawl kha an hman chin tawn,” tiah Col. Solomon nih a chim.

“Media nih cawn (kai) phung a si. Asinain, atulio Chin Media cu an cawng (kai) rua lo ka ti. Phaisa lei maw an tuak cu thei hlah…phaisa in cun rak kan zuar hlah u,” tiah fak nawnte in a chim chap.

“Ralkap kan i tuknak hmunhma pawl media ah nan post dih colh tik ah nangmah pumpak nih ral na duh (ttanh) hna zong si kho, phaisa na duh zong si kho, mipi caah kaa zuam na tinak zong si kho. Mahbelte kan thihnak a si,” tiah a chim.

“Ral kong a si caah zapi theih in chim ding le chim lo ding hi CNA nih kan i ralring. Chim ding a simi cu phung ning tein thawngpang an chuah tawn ko. Thawngpang kan chuahmi tu rak kan hngahpiak u,” tiah theihternak zong a tuah chap.

Chin ramkulh chung raltuk kong he pehtlai in Chin Media pical deuh (Facebook Page ngan pawl) nih cun ral a thawh lio ah thawngpang an ttial colh tawn lo nain CNA/CDF ralkap pawl he aa naihniammi pumpak nih an Facebook cahmai, Facebook Story tibantuk ah (Laica) in an ttial tawnmi hmuh lengmang a si.

Cu pumpak nih an ttialmi cu Facebook Group ah ca a thlahtu (abikin, thangka kawl) website hna nih an tar chin lengmangmi atu ni tiang hmuh khawh a si. Credit: The Chin Journal

CDF Senthang Phuhnih Then Tertu Hi Politicians Le Upa Cheukhat Nan Si! Hakha nih adang tein maw um nan duh? Hakha he dah fawnh nan duh, Meeting tuah uh law, an ti hna. Senthang nih meeting ah tuah. Vote an thlak tikah, Hakha he I fonh mi nih a tei. CDF Hakha (Batallion2 Senthang in) an um.

Buainak hram hi 2020 Election caah Party Candidate thimhnak le Ticket co nak in a hram aa thawk. Kanmah NLD Party in Sayaci Lian Ceu le Pi Iang Ṭial cu an tla. Ticket an co ti lo. CNLD in Pu Ngun Mawng a tla ve. Senthang mino buaihram an thawk colh. Global Senthang in an rak buaipi ngai. Pu Ngun Mawng Cu CNLD nih an auh ṭhan.

Thantlang Kan NLD in Steven Van Bik le Jacob thang an tla ve. Ticket co nak caah phaisa an chuah duh lo caah an tla annih pahnih hi. Steven Van Bik cu dai tein aum. Pu Jacob Thang belte CDF Hakha President ah nan ka thimh lo tiah nawi a hnuk ve hna. Chin Cozah ser awk ah CJDC le CNA nih upa le Vuancichuk nan ṭuan khawh lai lo, Kei le Isacc Khen nih upa lutlai bik kan si lai tiah a buai ter tuk hna.

Pu Lian Ceu le Pi Iang Ṭial cu Dongva RC Siangbawipa sin ah an kal. Pu Sui Ṭhio hi Senthang nih kan cohlan lo, kan duh lo tiah na ti lai, tiah an va ti. Annih Siangbawipa zong cu NLD kungcung hmin asi ve caah a duh lo. Senthang vialte nih NLD vote dih uh a ti lehlam. Pu Sui Ṭhio cu Senthang nih an duh lo an ti ah cun Pu Lian Ceu cu Ticket a hmuh ding asi nain, Siangbawipa le Senthang mino an rak ti ti lo. Cucaah Pu Lian Ceu cu Pi Iang Ṭial tu a forh lawlaw I Independent in a cuh ter.

CDF Hakha ah um aduh lomi nih Pu Lian Ceu le Pi Iang Ṭial cu ruahnak an hal hna tikah Senthang lawng in dirh ko uh an rak ti hna.

Salai Bawi Vung Thang hi Diamond Boarding Master Pu Lian Ceu Minung asi. Japan ah Master Degree a lak mi asi. Japan he CHINRAM ṭhanchonak rian a ṭuan cuahmah mi asi. Anmah le changtu Mang Peng Buanlung hi Pi Iang Ṭial Chief Agent an si.

Cucaah CDF Senthang a dirh le cangka in RC Siangbawipa Dongva mi, Rev. Hrang Tin Thang kha an tlai cu asi. CJDC le NUG ah ka report hna lai, Mirang ca le Latin ca bakin ati nain, an thlauh khawh ṭhan.

Cucaah CDF Senthang hruaitu Bawi Vung Thang le Mang Peng hi sual phawt tuk ding an si lo. A fawrh tu le a dirhkam tu Politicians le mirum hna hi Ramchung minthang le Ramdang minthang thil ti khawh hna ruang ah asi. Senthang mipi biachah nak in Hakha ah um cang ding timi cu Democracy rights asi caah a dang tein um hlah uh an rak ti ti hna lo caah asi.

Ruahnak cheuduh mi cu: Global Senthang meeting biachahnak Bantukin CDF Hakha ah I fonh ko uh. Nan I fonh duh lo ahcun: Khuakhat ah phu hnih in um loin, a khua in I cheuh uh. I ral ti loin Raldoh ṭi uh law, rian ṭuan ṭi uh. CJDC hi CDF Senthang an kan cohlan lo tiah ti hlah uh. Pengkhat in Ralkapbu phukhat lawng cohlan ding timi mumal an ngei. CJDC member si awk ah Phukhat nih a duh lo ahcun a ngah lo ti asi. CDF Hakha um Senthang nih kan duh lo an ti ahcun CJDC member nan si khawh ti lo.

Cu ve Bantukin CDF Mara nih MDF kha CJDC member ah aduh lo ahcun a dih ve. CDF Zotung nih Zotung Supreme Council cu CJDC member ah duh lo ah cun adih ve. Nan buaibai nak ah CJDC le CNA kha sualphawt ti hlah uh. Nanmah le nanmah nih CJDC si awk ah lam nan I phih tu asi.

MDF Hi Crime Against Humanity le Nuhrin Covo Nan Buar Sual Men Lai Dakaw? CDF Mara a cohlan tu le a minung vialte Nitlak Mara ram in chuak dih uh tiah MDF lei nih Warning nan pek hna. CDF Mara Hruaitu Rev. Dr. Beiko nih India Mara ah aa dor mi Mara miphun rak kir ti hlah uh tiah Live a thlah ve. Raldoh khawh asi. Nain Mipi umnak khuapi le hmunhma ah Raldoh khawh asi lo. Mipi cu kut par in tawng khawh an si lo.

Khuapi ah nan I kah tikah ziah mipi cu an zam lai lo. Kiankap Raldoh thawng an theih ah mipi cu an zam cio ko.
Mipi umnak le khua ah Raldoh a hrial lomi cu Kawl Ralhrang Rallokap lawng pei an si cu. Raldoh ruang ah himnak le nunnak hmuh awk ah khuazakip le Ramkip ah vak cio asi. Ramtang le hmawng tang ah harsatnak phunzakip he ni thla rel cio asi. Mara Autonomous District lawng ah aa dawr mi kan si lo Mipi hi.

Vawleipi le Nitlak ram hna nih Pathian Lungthin ken in Ralzam Innka an kan onh caah CHIN mi tu dirhmun in, siarem ngai in le siṭhat ngai in khua kan sa I kan Lal ngai hi asi ko lo maw? Ramdang le UNCHRO nih Ralzam innka kaupi an onh rih, cu ahngak mi CHIN mi hi 20000 leng kan si lai (Malay + New Dehli).

Midang le Ramdang hmanh nih zawnruah mi kan si lio ah MDF nih Mara ram in CDF Mara a duh mi vialte chuak uh nan ti mi hi ICJ le UNSC, ICC tiang in taza cuai tlak nan si, an bia bang in nan tuah ngai ngai ahcun. Cu caah Beiko le MDF nih nan bia le nan thanh caa kha zuk ṭhan uh tiah kan nawl ko hna.

Nan bia ning in nan tuah ngai ngai ahcun, Mipi harsatnak, thinphang thlalau nak, Ṭihphan buin khuasa nak, tbk in mipi an um ahcun UNCHRO le Nuhrin covo phu nih nan hnu kan in zulh hna lai. MDF le CDF Mara minung tiah an cal ah aa ṭial lo, Certificate pek an si lo caah, nan zumh lo mi poah tlaih le hremh le that asi sual men lai da kaw.
Nan biahla le an um tu ning, nan policy le chunmang, nan Raldoh ning hi Humanitarian le mipi zawnruah mi asi lo. Miphun le ram damnak caah asi lo. Federal Democracy, Self-determinant, Equality caah asi lo.

Mara Bantukin Lai District le ZO District in kan ṭhawlh ve hna seh law, Mipi cu umnak kan ngeih ti lai maw? Ralhrang Rallokap sin mah tein kan in ap lai I, thah ding mi tuufa Bantukin an kan kal pi lai, Nanmah CDF/ PDF le MDF nih Raldoh piak kan herh ti kun lai maw? Nan ngawl hlei lo, nan peh zulh I, India ah aa dawr mi CHIN Mipi Harnak nan pek ahcun kan in ngawl hna lailo, ICJ, ICC, Nuhrin covo phu le Geneva tiang zulh dawi nan si te lai.

Note: Ngaiphaipi khuami 800 leng India nan zam ter mi hi, nan phu hnih in Crime Against Humanity le Nuhrin covo buar nak in nan luat lo, hritlai nan si khawh hi philh hlah ngat uh, Kawi fim rual hna. Credit: Joseph R. Thang

Be the first to comment

Leave a Reply

Your email address will not be published.


*