Congratulations; Dr. Cung Pi te riantuannak theipar sunglawi tuk hringhran ee!

Congratulations; Dr. Cung Pi te riantuannak theipar sunglawi tuk hringhran ee!
===========
Tuni kan sizung ah a hmasa bik nau te sibawi le sayama nih kan chuahter asi. A luancia ni vialte ah thinlung taksa kan ba, kan i harh tuk, resource a um lo tuk mi hmun ah zeitin kan kal khawh lai ti awklokchong in kan rak um mi vialte, naute mithmai hmuh cun a dam dih. Chungkhar an i lawm, sizung riantuan hawi vialte kan i lawm. Kan zaanlei senttok le kala pee hang zong a thaw chinchin.

Tuni naute mithmai ka hmuh ah ka lung chuak mi: MAL kan doh mi, kan kalnak hmun ah kan teinak karkhat kan hlan asi ka ti. A ruang cu public service pek kan i timh i har le fe in kan i timhtuahnak theipar kan zun si.

Ka chunmang a tling. 2016 i hi ka hmun ah Mobile Clinic in ka rat fatin, sizung te ka hmuh ah ka lungchung ah zei te khi dik tuah piak ka duh peng. Tuni cu riantuan ti hawi le he naute a chuah hnu i mithmai panh tein kan i zoh hna ah ’Pathian ka chunmang na ka tlinter’ ka ti. Kaa lawm tuk.

Tuni kan ngeihter mi naute bantukin hmailei ah ram a zohkhenhtu, a tthihruaitu nau tampi kan sizung ah an chuak te lai timi ruahchannak thar a kan chap chin. Mizaw pakhat te conghhramhnak ah zeitluk hmanh in timhtuahnak khi hei har ko hmanh seh law, kan zapi a theipar kan zun tatak cu, lung a hmui kho tuk.

Nifatin mizaw 20-30 kar kan zoh peng ko hna nain, tuni naute a chuah ah kan i lawmh khunnak cun ruahchannak a kan pek khi a bik in asi ko ka ti. Naute a than bantuk in kan sizung a thang lai, naute a fimbantuk in kan sizung in si lei a thiamhngal mi le silei ah bochan awk tlak resource tampi an chuak lai.

Naute nih a a chungkhar a hawikom a hruai hnabantuk in, kan sizung ah silei in fimthiamnak sang he kan i hruai chinchin lai ti le Naute nih a nu le a pa a zohkhenh hna bantuk in kan sizung nih mipi ngandamnak a zoh khenh lai timi ruahnak phunphun kaa chap.

MAL a rauh hlan ah a thi lai, a thih hlan kan nih kan Chinland cu a kapkip in kan rak i sersiam cia cang lai. Uar nan um bak! Pathian nih mi caah ah muithar tampi ahmuhtertu le thluachuah aphurtu si chinchin ulaw.

Dr. Cungpi riantuan tu vialte hna kan miphun caah tiah Nan i pekmi nan fimthiamnak vialte nan can vialte a man a sunglawituk tiah an hngalhpiaktu Bawipa nih a thluachuahnak he lam in hruai zungzal ko seh.

Johns Hopkins in Master ka dih bak cun International Job ka hunt le i vawlei ram zakip ah rian ka tuan le ka hei ti phawt bel ve cu mu! Nifatin style tak le smart tak in kaa hei hrukaih le ka ti chel, weekend poah ah restaurant pawl pakhat hnu pakhat ka hei kal le i wine phunphun ka taste lai ka hei ti cu mu!

Mak lak i MAL huat chuah tuk ruang i nifatin thinhun bu le zai pah bu le puar tak buin riantuan cu, 2020 a donghnak lai caan pawl i ka khuaruah le atu ka sining cu van le vawlei a hei si.

Nain ka tuak mi cu, Johns Hopkins bantukin sianginn tha tha a dih mi, Human Resource pawl khi midang kadang ram caah cun thah cawk loin an um i, kanmah bantuk Laitlang te ah a um mi hnihkhat ramdang ah chuak lo tein kan tan, i zeibantuk meh hang kan ei, nilin khua al lak ah i chawhvah lengmang i nikhat ah thil pakhat te hmai kan nor pi te khi hmual a ngei tuk tawn ko lo ma ka hei ti than.

Ka chim sawh khi si, kei hna fimcawnnak ah diriam tein ka cawng ta manh. Mah lak i degree pakhat te hmanh lak taa lo i cawn mi vialte kaltak in ram tang ah nunnak thap in hriam a tlai mi hna, pawcawmnak le rank vialte kaltak in khuaza kip ah a vaivuan mi CDM a tuah mi hna kan unau pawl kong ruah ahcun kan intuar mi te hna hincu a deh te hmanh khi asi lo.

Zei a hei si poah MAL a thih hmasa hau ko. Kan bia lak ah tuni chun kan sizung ah zuri kan unau pakhat nih a kawipa sizung kan chiah mi kan unau pakhat kha a thli tein zu a rak dangh! mah le stress i damhnak cio, an buai tuk cang i sizung hmai ah ka hro i bomb dara an test tiah an ka zoh dih. Ka chim duh mi cu ka vocal power a rak tang tuk rih ko ti khi si. Revolution dih cun David Lai te, Benjamin Sum te le U Thawng Bawi te hna cu ka hluan ve te ko hna lai caah ‘Hlasak in ka paw kaa cawm te lai’ ka hei ti phawt! Credit: Dr. Cung Pi

Be the first to comment

Leave a Reply

Your email address will not be published.


*